ਮੋਹਾਲੀ 28 ਅਕਤੂਬਰ 2025: ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਨੇ ਗੌਰਵ ਨਾਲ ਵੈਂਚਰਵਾਲਟ ਸੀਜ਼ਨ 2 ਦਾ ਆਯੋਜਨ ਕੀਤਾ ਹੈ, ਜੋ ਕਿ ਉੱਦਮੀ ਪ੍ਰਤਿਭਾ ਅਤੇ ਬਦਲਾਅਕਾਰੀ ਵਿਚਾਰਾਂ ਦਾ ਵਿਲੱਖਣ ਮੰਚ ਸਾਬਤ ਹੋਇਆ। ਯੂਨੀਵਰਸਿਟੀ ਮੁਤਾਬਕ ਇਹ ਸਮਾਗਮ ਉਮੀਦਵਾਨ ਨਵੀਨਤਾਕਾਰਾਂ ਅਤੇ ਉਦਯੋਗ ਜਗਤ ਦੇ ਮਾਹਰਾਂ ਲਈ ਆਪਣੀ ਰਚਨਾਤਮਕਤਾ, ਹਿੰਮਤ ਅਤੇ ਦ੍ਰਿੜਤਾ ਨੂੰ ਦਰਸਾਉਣ ਦਾ ਪ੍ਰਮੁੱਖ ਪਲੇਟਫਾਰਮ ਬਣਿਆ, ਜੋ ਕਿ ਵਿਕਸਿਤ ਭਾਰਤ @2047 ਦੇ ਰਾਸ਼ਟਰੀ ਵਿਜ਼ਨ ਨਾਲ ਗੂੰਜਦਾ ਹੈ — ਇੱਕ ਆਤਮਨਿਰਭਰ ਅਤੇ ਨਵੀਨਤਾ-ਕੇਂਦਰਤ ਭਾਰਤ ਦੀ ਕਲਪਨਾ।
ਇਸ ਮੌਕੇ ‘ਤੇ ਸੌਰਭ ਦੁਵੇਦੀ (ਸੰਸਥਾਪਕ, ਦਿ ਲੱਲਨਟੌਪ), ਸਾਹਿਲ ਵੋਹਰਾ (ਸੰਸਥਾਪਕ, ਦਿ ਨੇਚਰਿਕ ਕੋ.) ਅਤੇ ਦਿਨੇਸ਼ ਧੀਮਾਨ (ਸੀਈਓ, ਸੋਨਾਲਿਕਾ ਟ੍ਰੈਕਟਰਜ਼) ਮੁੱਖ ਅਤਿਥੀ ਵਜੋਂ ਸ਼ਾਮਲ ਹੋਏ। ਉਨ੍ਹਾਂ ਨੇ ਆਪਣੇ ਪ੍ਰੇਰਣਾਦਾਇਕ ਸੰਬੋਧਨਾਂ ਰਾਹੀਂ ਉਦਯਮੀਤਾ ਦੀ ਮਹੱਤਤਾ ‘ਤੇ ਰੋਸ਼ਨੀ ਪਾਈ, ਜਿਸ ਨਾਲ ਦੇਸ਼ ਦੀ ਆਰਥਿਕ ਵਿਕਾਸ, ਨਵੀਂ ਰੋਜ਼ਗਾਰੀ ਦੇ ਮੌਕਿਆਂ ਅਤੇ ਭਾਰਤ ਨੂੰ ਵਿਸ਼ਵ ਪੱਧਰੀ ਨਵੀਨਤਾ ਕੇਂਦਰ ਵਜੋਂ ਸਥਾਪਿਤ ਕਰਨ ‘ਤੇ ਜ਼ੋਰ ਦਿੱਤਾ।
ਇਸ ਸਮਾਗਮ ਨੂੰ ਹੋਰ ਵੀ ਵਿਸ਼ੇਸ਼ ਬਣਾਇਆ ਏਰ. ਪ੍ਰਿਤਪਾਲ ਸਿੰਘ (ਐਗਜ਼ਿਕਿਊਟਿਵ ਡਾਇਰੈਕਟਰ, ਪੰਜਾਬ ਸਟੇਟ ਕੌਂਸਲ ਫਾਰ ਸਾਇੰਸ ਐਂਡ ਟੈਕਨੋਲੋਜੀ), ਡਾ. ਦਪੀੰਦਰ ਕੌਰ ਬਕਸ਼ੀ (ਜਾਇੰਟ ਡਾਇਰੈਕਟਰ, ਪੀਐਸਸੀਐਸਟੀ), ਦੀਪਿੰਦਰ ਢਿੱਲੋਂ (ਜਾਇੰਟ ਡਾਇਰੈਕਟਰ, ਸਟਾਰਟਅਪ ਪੰਜਾਬ), ਸੌਰਭ ਜੈਨ (ਐਡਵਾਇਜ਼ਰ, ਪੇਟੀਐਮ), ਸੁਸ਼੍ਰੀ ਭਾਰਤੀ ਸੂਦ (ਸੀਨੀਅਰ ਰੀਜਨਲ ਡਾਇਰੈਕਟਰ, ਪੀਐਚਡੀ ਚੈਂਬਰ ਆਫ ਕਾਮਰਸ ਐਂਡ ਇੰਡਸਟਰੀ), ਸਮਤੀ ਇਸ਼ਿਤਾ ਠਾਮਨ (ਡਿਪਟੀ ਡਾਇਰੈਕਟਰ, ਮਿਨਿਸਟਰੀ ਆਫ ਐਮਐਸਐਮਈ, ਭਾਰਤ ਸਰਕਾਰ), ਸੁਸ਼੍ਰੀ ਦਿਵੀਤਾ ਜੁਨੇਜਾ (ਅਦਾਕਾਰਾ, ਹੀਰ ਐਕਸਪ੍ਰੈਸ), ਹੰਸ ਮਾਈਕਲ ਗੁਲਿਚ (ਡਾਇਰੈਕਟਰ, ਸਟੈਂਫਰਡ ਇੰਟਰਨੈਸ਼ਨਲ ਯੂਨੀਵਰਸਿਟੀ, ਥਾਈਲੈਂਡ), ਡਾ. ਉਲਰੀਕੇ ਗੁਲਿਚ (ਟੀਮ ਲੀਡ, ਗਲੋਬਲ ਆਂਟਰਪ੍ਰਿਨਰਸ਼ਿਪ ਨੈਟਵਰਕ, ਥਾਈਲੈਂਡ), ਡਾ. ਫਥਿਨੁਲ ਸਯਹਿਰ ਬਿਨ ਅਹਿਮਦ ਸਾਅਦ (ਡਾਇਰੈਕਟਰ, ਯੂਨੀਵਰਸਿਟੀ ਮਲੇਸ਼ੀਆ ਪੇਰਲਿਸ), ਰਵੀ ਸ਼ਰਮਾ (ਜਨਰਲ ਸੈਕਟਰੀ, ਟਾਈ ਚੰਡੀਗੜ੍ਹ), ਸ਼੍ਰੀ ਸੋਮਵੀਰ ਆਨੰਦ (ਸੀਈਓ, ਟਾਈ ਪੰਜਾਬ) ਅਤੇ ਸ਼ੈਫ ਜਸਪ੍ਰੀਤ ਸਿੰਘ ਦੇਵਗੁਣ (ਟੀਵੀ ਹੋਸਟ ਅਤੇ ਜੋਸ਼ ਟਾਕਸ ਸਪੀਕਰ) ਵਰਗੇ ਵਿਸ਼ੇਸ਼ ਮਹਿਮਾਨਾਂ ਨੇ ਆਪਣੀ ਹਾਜ਼ਰੀ ਨਾਲ ਸ਼ੋਭਾ ਵਧਾਈ।
ਸ਼ਾਰਕ ਟੈਂਕ ਇੰਡੀਆ (ਸੀਜ਼ਨ 1 ਤੋਂ 4 ਤੱਕ) ਦੇ ਪ੍ਰਸਿੱਧ ਉਦਯਮੀਆਂ ਨੇ ਵੀ ਇਸ ਸਮਾਗਮ ‘ਚ ਸ਼ਮੂਲੀਅਤ ਕੀਤੀ ਅਤੇ ਆਪਣੇ ਤਜਰਬਿਆਂ ਰਾਹੀਂ ਨੌਜਵਾਨਾਂ ਨੂੰ ਪ੍ਰੇਰਿਤ ਕੀਤਾ ਕਿ ਉਹ ਆਪਣੀਆਂ ਸੋਚਾਂ ਨੂੰ ਸਫਲ ਉਦਯਮਾਂ ‘ਚ ਬਦਲਣ।
ਇਸ ਸਾਲ ਦੇ ਸੰਸਕਰਣ ‘ਚ 60+ ਸਟਾਰਟਅਪ ਪ੍ਰਦਰਸ਼ਨ, 30+ ਨਿਵੇਸ਼ਕਾਂ ਦੀ ਭਾਗੀਦਾਰੀ ਅਤੇ ₹40 ਕਰੋੜ ਤੱਕ ਦੇ ਫੰਡਿੰਗ ਮੌਕੇ ਖੋਲ੍ਹੇ। ਸਮਾਗਮ ਦੌਰਾਨ ਵਿਸ਼ੇਸ਼ ਕੀਨੋਟ ਸੈਸ਼ਨ, ਪੈਨਲ ਚਰਚਾਵਾਂ, ਮਾਸਟਰਕਲਾਸ ਅਤੇ ਮੈਂਟਰਸ਼ਿਪ ਇੰਟਰੈਕਸ਼ਨਸ ਆਯੋਜਿਤ ਕੀਤੇ ਗਏ।
ਦੇਸ਼ ਭਰ ਦੇ 500 ਤੋਂ ਵੱਧ ਵਿਦਿਆਰਥੀਆਂ ਨੇ 24-ਘੰਟੇ ਦੇ ਹੈਕਾਥਾਨ ‘ਚ ਹਿੱਸਾ ਲਿਆ, ਜਦਕਿ ਪੰਜਾਬ ਅਤੇ ਹਰਿਆਣਾ ਦੇ 25 ਤੋਂ ਵੱਧ ਸਕੂਲਾਂ ਦੇ 300+ ਵਿਦਿਆਰਥੀਆਂ ਨੇ ਯੰਗ ਇਨੋਵੇਟਰਜ਼ ਸ਼ੋਕੇਸ ‘ਚ ਆਪਣੇ ਵਿਚਾਰ ਪੇਸ਼ ਕੀਤੇ। ਸਿਖਰ ਦੇ ਪ੍ਰਦਰਸ਼ਨਕਾਰ ਟੀਮਾਂ ਨੂੰ ਯੂਨੀਵਰਸਿਟੀ ਵੱਲੋਂ ₹1 ਲੱਖ ਦੇ ਨਕਦ ਇਨਾਮ ਦਿੱਤੇ ਗਏ।
ਇਸ ਮੌਕੇ ‘ਤੇ ਰਸ਼ਪਾਲ ਸਿੰਘ ਧਾਲੀਵਾਲ, ਸੰਸਥਾਪਕ ਚਾਂਸਲਰ, ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਨੇ ਕਿਹਾ “ਕਿਸੇ ਭੀ ਰਾਸ਼ਟਰ ਦੀ ਅਸਲ ਤਾਕਤ ਉਸਦੇ ਨੌਜਵਾਨਾਂ ਦੀ ਨਵੀਨਤਾ, ਹਿੰਮਤ ਅਤੇ ਦ੍ਰਿੜਤਾ ‘ਚ ਹੈ। ਵੈਂਚਰਵਾਲਟ ‘ਸਟਾਰਟਅਪ ਇੰਡੀਆ, ਸਟੈਂਡਅਪ ਇੰਡੀਆ’ ਦੀ ਭਾਵਨਾ ਦਾ ਪ੍ਰਤੀਕ ਹੈ, ਜੋ ਨੌਜਵਾਨ ਮਨਾਂ ਨੂੰ ਵੱਡੇ ਸੁਪਨੇ ਦੇਖਣ ਤੇ ਉਨ੍ਹਾਂ ਨੂੰ ਹਕੀਕਤ ‘ਚ ਬਦਲਣ ਲਈ ਪ੍ਰੇਰਿਤ ਕਰਦਾ ਹੈ। ਸੀਜੀਸੀ ਯੂਨੀਵਰਸਿਟੀ ਨਵੀਨਤਾ ਰਾਹੀਂ ਭਾਰਤ ਨੂੰ 2047 ਤੱਕ ਵਿਸ਼ਵ ਪੱਧਰੀ ਤਾਕਤ ਬਣਾਉਣ ਲਈ ਪ੍ਰਤੀਬੱਧ ਹੈ।”
ਇਸ ਵਿਜ਼ਨ ਬਾਰੇ ਅਰਸ਼ ਧਾਲੀਵਾਲ, ਮੈਨੇਜਿੰਗ ਡਾਇਰੈਕਟਰ, ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਨੇ ਕਿਹਾ “ਵੈਂਚਰਵਾਲਟ ਸਿਰਫ਼ ਇੱਕ ਸਮਾਗਮ ਨਹੀਂ, ਇੱਕ ਪ੍ਰੇਰਣਾ ਹੈ ਜੋ ਨੌਜਵਾਨਾਂ ਨੂੰ ਵੱਡੇ ਸੁਪਨੇ ਦੇਖਣ, ਨਵੀਂ ਸੋਚ ਨਾਲ ਅੱਗੇ ਵੱਧਣ ਅਤੇ ਦੇਸ਼ ਦੀ ਤਰੱਕੀ ‘ਚ ਆਪਣਾ ਯੋਗਦਾਨ ਪਾਉਣ ਲਈ ਉਤਸ਼ਾਹਿਤ ਕਰਦੀ ਹੈ। ਸੀਜੀਸੀ ਯੂਨੀਵਰਸਿਟੀ ਦਾ ਮਕਸਦ ਸਿੱਖਿਆ ਨੂੰ ਉਦਯਮੀਤਾ ਨਾਲ ਜੋੜ ਕੇ ਐਸੀ ਪੀੜ੍ਹੀ ਤਿਆਰ ਕਰਨਾ ਹੈ, ਜੋ ਆਪਣੇ ਵਿਚਾਰਾਂ ਨਾਲ ਭਵਿੱਖ ਨੂੰ ਨਵੀਂ ਦਿਸ਼ਾ ਦੇ ਸਕੇ।
ਸੀਜੀਸੀ ਯੂਨੀਵਰਸਿਟੀ ਨੇ “Education Aligned with Enterprise” ਦੇ ਆਪਣੇ ਵਿਜ਼ਨ ਨੂੰ ਹੋਰ ਮਜ਼ਬੂਤ ਕੀਤਾ ਹੈ। ਵੈਂਚਰਵਾਲਟ ਸੀਜ਼ਨ 2 ਇੱਕ ਐਸਾ ਮੀਲ ਪੱਥਰ ਸਾਬਤ ਹੋਇਆ ਹੈ ਜਿੱਥੇ ਵਿਚਾਰ ਮੌਕੇ ਨਾਲ ਮਿਲਦੇ ਹਨ, ਅਰਮਾਨ ਤਰੱਕੀ ਨੂੰ ਜਨਮ ਦਿੰਦੇ ਹਨ ਅਤੇ ਨਵੀਨਤਾ ਰਾਸ਼ਟਰੀ ਵਿਕਾਸ ਦਾ ਅਧਾਰ ਬਣਦੀ ਹੈ।
Read More: ਸੀਜੀਸੀ ਲਾਂਡਰਾਂ ਦੇ ACIC ਰਾਈਜ਼ ਵਿਭਾਗ ਵੱਲੋਂ ਵਿਕਸਤ ਭਾਰਤ ਬਿਲਡਾਥਾੱਨ ਜਾਗਰੂਕਤਾ ਮੁਹਿੰਮ ਵਿੱਢੀ
