ਚੰਡੀਗੜ੍ਹ, 23 ਮਾਰਚ 2026: ਸੀਜੀਸੀ ਲਾਂਡਰਾਂ ਨੇ ਪੰਜਾਬ ਦੇ ਅਕਾਲ ਕਾਲਜ, ਮਸਤੂਆਣਾ ਸਾਹਿਬ, ਪੰਜਾਬ ਵਿਖੇ ਆਯੋਜਿਤ 27ਵੀਂ ਆਈਕੇਜੀਪੀਟੀਯੂ ਇੰਟਰ ਕਾਲਜ ਐਥਲੈਟਿਕ ਮੀਟ ਵਿੱਚ ਲੜਕਿਆਂ ਅਤੇ ਲੜਕੀਆਂ ਦੋਵਾਂ ਸ਼੍ਰੇਣੀਆਂ ‘ਚ ਓਵਰਆਲ ਜੇਤੂ ਬਣ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਇਸ ਮੌਕੇ ਲਗਭਗ 31 ਕਾਲਜਾਂ ਦੇ ਭਾਗੀਦਾਰਾਂ ਅਤੇ 450 ਤੋਂ ਵੱਧ ਵਿਦਿਆਰਥੀ ਐਥਲੀਟਾਂ ਨਾਲ ਮੁਕਾਬਲਾ ਕਰਦੇ ਹੋਏ, ਸੰਸਥਾ ਦੇ ਐਥਲੀਟਾਂ ਨੇ ਮੁੰਡਿਆਂ ਅਤੇ ਕੁੜੀਆਂ ਦੋਵਾਂ ਵਰਗਾਂ ‘ਚ ਜੇਤੂ ਟਰਾਫੀ ਹਾਸਲ ਕਰਨ ਲਈ ਟਰੈਕ ਅਤੇ ਫੀਲਡ ਈਵੈਂਟਾਂ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਵਿਅਕਤੀਗਤ ਪ੍ਰਦਰਸ਼ਨਾਂ ‘ਚ, ਸੀਜੀਸੀ ਲਾਂਡਰਾਂ ਦੇ ਵਿਵੇਕ ਬੈਨਰਜੀ ਨੇ 200 ਮੀਟਰ ਦੌੜ (22.66 ਸਕਿੰਟ) ਅਤੇ 400 ਮੀਟਰ ਦੌੜ (50.8 ਸਕਿੰਟ) ਦੋਵਾਂ ਵਿੱਚ ਨਵੇਂ ਮੀਟ ਰਿਕਾਰਡ ਕਾਇਮ ਕੀਤੇ।
ਲੜਕਿਆਂ ਦੀ ਟੀਮ ਨੇ ਸਪ੍ਰਿੰਟ, ਮੱਧ ਦੂਰੀ (ਮਿਡਲ ਡਿਸਟੈਂਸ), ਰੀਲੇਅ, ਹਰਡਲਸ ਅਤੇ ਫੀਲਡ ਈਵੈਂਟਸ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕੁੱਲ 20 ਤਗਮੇ ਜਿੱਤੇ, ਜਿਨ੍ਹਾਂ ‘ਚ 9 ਸੋਨ, 9 ਚਾਂਦੀ ਅਤੇ 2 ਕਾਂਸੀ ਸ਼ਾਮਲ ਹਨ। ਮੁੱਖ ਨਤੀਜਿਆਂ ‘ਚ 1500 ਮੀਟਰ ਦੌੜ, 4×100 ਮੀਟਰ ਰਿਲੇਅ ਅਤੇ ਡਿਸਕਸ ਥ੍ਰੋ ‘ਚ ਸੋਨੇ ਦੇ ਤਗਮੇ, 110 ਮੀਟਰ ਰੁਕਾਵਟਾਂ, 400 ਮੀਟਰ ਰੁਕਾਵਟਾਂ, 10,000 ਮੀਟਰ ਦੌੜ, ਹੈਮਰ ਥ੍ਰੋ ਅਤੇ 4×400 ਮੀਟਰ ਰਿਲੇਅ ‘ਚ ਪੋਡੀਅਮ ਫਿਿਨਸ਼ ਸ਼ਾਮਲ ਸਨ। ਟੀਮ ਨੇ ਲੰਬੀ ਦੂਰੀ ਅਤੇ ਫੀਲਡ ਈਵੈਂਟਸ ‘ਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਨੇ ਟੀਮ ਦੇ ਕੁੱਲ ਮੈਡਲ ਟੈਲੀ ‘ਚ ਮਹੱਤਵਪੂਰਨ ਯੋਗਦਾਨ ਪਾਇਆ।
ਲੜਕੀਆਂ ਦੀ ਟੀਮ ਨੇ ਹਰਡਲਸ, ਰੀਲੇਅ ਅਤੇ ਫੀਲਡ ਈਵੈਂਟਸ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 18 ਤਗਮੇ ਜਿੱਤੇ, ਜਿਨ੍ਹਾਂ ਵਿੱਚ 10 ਸੋਨ, 3 ਚਾਂਦੀ ਅਤੇ 5 ਕਾਂਸੀ ਸ਼ਾਮਲ ਹਨ। 100 ਮੀਟਰ ਰੁਕਾਵਟਾਂ, 400 ਮੀਟਰ ਰੁਕਾਵਟਾਂ, 4×100 ਮੀਟਰ ਰਿਲੇਅ, ਉੱਚੀ ਛਾਲ, ਲੰਬੀ ਛਾਲ, ਟ੍ਰਿਪਲ ਜੰਪ ਅਤੇ ਸ਼ਾਟ ਪੁਟ ‘ਚ ਸੋਨੇ ਦੇ ਤਗਮੇ ਜਿੱਤੇ ਗਏ। ਟੀਮ ਨੇ ਸਪ੍ਰਿੰਟ ਈਵੈਂਟਸ, ਰੀਲੇਅ ਦੌੜ ਅਤੇ ਡਿਸਕਸ ਥ੍ਰੋ ਵਿੱਚ ਵੀ ਪੋਡੀਅਮ ਫਿਨਸ਼ ਦਰਜ ਕੀਤੀ।
ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਪ੍ਰਦਰਸ਼ਨ ਮੌਕੇ ਵਧਾਈ ਦਿੰਦੇ ਹੋਏ ਸੀਜੀਸੀ ਲਾਂਡਰਾਂ ਦੇ ਕੈਂਪਸ ਡਾਇਰੈਕਟਰ ਡਾ.ਰਾਜਦੀਪ ਸਿੰਘ ਨੇ ਕਿਹਾ ਕਿ ਇਹ ਪ੍ਰਾਪਤੀ ਐਥਲੀਟਾਂ ਦੇ ਸਮਰਪਣ ਅਤੇ ਅਨੁਸ਼ਾਸਨ ਦੇ ਨਾਲ-ਨਾਲ ਕਾਲਜ ਦੇ ਖੇਡ ਵਿਭਾਗ ਦੇ ਨਿਰੰਤਰ ਯਤਨਾਂ ਦਾ ਨਤੀਜਾ ਹੈ। ਇਸ ਮੌਕੇ ਉਨ੍ਹਾਂ ਨੇ ਕਿਹਾ ਕਿ ਇਹ ਸਫਲਤਾ ਯੂਨੀਵਰਸਿਟੀ ਪੱਧਰੀ ਖੇਡਾਂ ਵਿੱਚ ਸੀਜੀਸੀ ਲਾਂਡਰਾਂ ਦੀ ਨਿਰੰਤਰ ਭਾਗੀਦਾਰੀ ਅਤੇ ਪ੍ਰਤੀਯੋਗੀ ਮੌਜੂਦਗੀ ਨੂੰ ਉਜਾਗਰ ਕਰਦੀ ਹੈ | ਜਿਸ ਨੂੰ ਸੁਚੱਜੀ ਟੇ੍ਰਨਿੰਗ ਅਤੇ ਸੰਸਥਾ ਵੱਲੋਂ ਮਿਲ ਰਹੇ ਉਤਸ਼ਾਹ ਦਾ ਪੂਰਾ ਸਹਿਯੋਗ ਪ੍ਰਾਪਤ ਹੈ। ਇਹ ਪ੍ਰਦਰਸ਼ਨ ਸੀਜੀਸੀ ਲਾਂਡਰਾਂ ਦੀ ਉਸ ਵਚਨਬੱਧਤਾ ਨੂੰ ਵੀ ਦਰਸਾਉਂਦਾ ਹੈ ਜਿਸ ਦੇ ਤਹਿਤ ਅਕਾਦਮਿਕ ਦੇ ਨਾਲ-ਨਾਲ ਖੇਡਾਂ ਨੂੰ ਵੀ ਬਰਾਬਰ ਦਾ ਮਹੱਤਵ ਦਿੱਤਾ ਜਾਂਦਾ ਹੈ ਤਾਂ ਜੋ ਵਿਦਿਆਰਥੀਆਂ ਦਾ ਸੰਪੂਰਨ ਅਤੇ ਸਮੁੱਚੇ ਵਿਕਾਸ ਨੂੰ ਯਕੀਨੀ ਬਣਾਇਆ ਜਾ ਸਕੇ।
Read More: ਸੀਈਸੀ-ਸੀਜੀਸੀ ਲਾਂਡਰਾਂ ਵੱਲੋਂ ਹੁਮੇਨਾਈਜ਼ਿੰਗ ਏਆਈ ਵਿਸ਼ੇ ਸੰਬੰਧੀ ਐਚਆਰ ਕਨਕਲੇਵ 2026 ਕਰਵਾਇਆ
