ਸਪੋਰਟਸ, 13 ਫਰਵਰੀ 2026: CAN ਬਨਾਮ UAE: ਆਈਸੀਸੀ ਪੁਰਸ਼ ਟੀ-20 ਵਿਸ਼ਵ ਕੱਪ ਦਾ 20ਵਾਂ ਮੈਚ ਅੱਜ ਕੈਨੇਡਾ (CAN) ਅਤੇ ਸੰਯੁਕਤ ਅਰਬ ਅਮੀਰਾਤ (UAE) ਵਿਚਾਲੇ ਖੇਡਿਆ ਜਾਵੇਗਾ। ਇਹ ਮੈਚ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ‘ਚ ਦੁਪਹਿਰ 3:00 ਵਜੇ ਸ਼ੁਰੂ ਹੋਵੇਗਾ, ਜਿਸ ‘ਚ ਟਾਸ ਦੁਪਹਿਰ 2:30 ਵਜੇ ਹੋਵੇਗਾ।
ਕੈਨੇਡਾ ਅਤੇ ਯੂਏਈ ਗਰੁੱਪ ਡੀ ‘ਚ ਹਨ, ਜਿਸ ‘ਚ ਅਫਗਾਨਿਸਤਾਨ, ਦੱਖਣੀ ਅਫਰੀਕਾ ਅਤੇ ਨਿਊਜ਼ੀਲੈਂਡ ਵੀ ਸ਼ਾਮਲ ਹਨ। ਅਫਗਾਨਿਸਤਾਨ ਦੋਵੇਂ ਮੈਚ ਹਾਰ ਚੁੱਕਾ ਹੈ, ਜਦੋਂ ਕਿ ਬਾਕੀ ਦੋ ਟੀਮਾਂ ਦੋ-ਦੋ ਜਿੱਤਾਂ ਨਾਲ ਅੰਕ ਸੂਚੀ ‘ਚ ਸਿਖਰਲੇ ਦੋ ਸਥਾਨਾਂ ‘ਤੇ ਹਨ। ਇਸ ਲਈ, ਅੱਜ ਦਾ ਮੈਚ ਦੋਵਾਂ ਟੀਮਾਂ ਲਈ ਕਰੋ ਜਾਂ ਮਰੋ ਦਾ ਮੁਕਾਬਲਾ ਹੈ।
ਟੀ-20 ਕ੍ਰਿਕਟ ‘ਚ ਕੈਨੇਡਾ ਅਤੇ ਯੂਏਈ ਵਿਚਾਲੇ ਹੁਣ ਤੱਕ ਸਿਰਫ਼ ਇੱਕ ਮੈਚ ਖੇਡਿਆ ਗਿਆ ਹੈ। 2019 ‘ਚ ਅਬੂ ਧਾਬੀ ‘ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਯੂਏਈ ਨੇ 154 ਦੌੜਾਂ ਬਣਾਈਆਂ। ਜਵਾਬ ‘ਚ ਕੈਨੇਡੀਅਨ ਟੀਮ ਸਿਰਫ਼ 140 ਦੌੜਾਂ ਹੀ ਬਣਾ ਸਕੀ।
2024 ਤੋਂ ਯੁਵਰਾਜ ਸਮਰਾ ਨੇ ਕੈਨੇਡਾ ਲਈ ਸਭ ਤੋਂ ਵੱਧ 454 ਦੌੜਾਂ ਬਣਾਈਆਂ ਹਨ। ਉਹ 160 ਤੋਂ ਵੱਧ ਦੇ ਸਟ੍ਰਾਈਕ ਰੇਟ ਨਾਲ ਸਕੋਰ ਕਰਦੇ ਹਨ। ਕਲੀਮ ਸਨਾ 36 ਵਿਕਟਾਂ ਨਾਲ ਟੀਮ ਦਾ ਚੋਟੀ ਦਾ ਗੇਂਦਬਾਜ਼ ਬਣਿਆ ਹੋਇਆ ਹੈ। 2024 ਤੋਂ ਕਪਤਾਨ ਮੁਹੰਮਦ ਵਸੀਮ ਨੇ ਯੂਏਈ ਲਈ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਹਨ, 1,325 ਦੌੜਾਂ ਨਾਲ। ਜੁਨੈਦ ਸਿੱਦੀਕੀ 32 ਮੈਚਾਂ ‘ਚ 45 ਵਿਕਟਾਂ ਨਾਲ ਟੀਮ ਦਾ ਚੋਟੀ ਦਾ ਗੇਂਦਬਾਜ਼ ਹੈ।
ਅਰੁਣ ਜੇਤਲੀ ਸਟੇਡੀਅਮ ਦੀ ਪਿੱਚ ਬੱਲੇਬਾਜ਼ੀ ਲਈ ਅਨੁਕੂਲ ਹੈ। ਪਿਛਲੇ ਦੋਵੇਂ ਮੈਚਾਂ ‘ਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀਆਂ ਟੀਮਾਂ ਨੇ 150 ਤੋਂ ਵੱਧ ਦੌੜਾਂ ਬਣਾਈਆਂ। ਇੱਕ ਮੈਚ ‘ਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਜਿੱਤੀ ਅਤੇ ਦੂਜੇ ‘ਚਪਿੱਛਾ ਕਰਨ ਵਾਲੀ ਟੀਮ ਜਿੱਤੀ।
Read More: RR Captain: ਰਿਆਨ ਪਰਾਗ ਨੂੰ ਰਾਜਸਥਾਨ ਰਾਇਲਜ਼ ਦਾ ਕਪਤਾਨ ਬਣਾਇਆ
