ਚੰਡੀਗੜ੍ਹ, 03 ਦਸੰਬਰ 2023: ਰਾਜਸਥਾਨ ਦੀ ਸਾਬਕਾ ਮੁੱਖ ਮੰਤਰੀ ਵਸੁੰਧਰਾ ਰਾਜੇ (Vasundhara Raje) ਨੇ ਰਾਜਸਥਾਨ ਵਿੱਚ ਜਿੱਤ ਦਾ ਪੂਰਾ ਸਿਹਰਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦਿੱਤਾ। ਵਸੁੰਧਰਾ ਰਾਜੇ ਨੇ ਹਾਈ ਪ੍ਰੋਫਾਈਲ ਸੀਟ ਝਾਲਰਾਪਟਨ ਤੋਂ ਬਹੁਮਤ ਵੋਟਾਂ ਨਾਲ ਚੋਣ ਜਿੱਤੀ। ਵਸੁੰਧਰਾ ਨੇ ਇਹ ਸੀਟ 5ਵੀਂ ਵਾਰ ਜਿੱਤੀ ਹੈ।
ਵਸੁੰਧਰਾ (Vasundhara Raje) ਨੇ ਕਿਹਾ ਕਿ ਇਹ ਰਾਜਸਥਾਨ ਦੀ ਸਭ ਤੋਂ ਸ਼ਾਨਦਾਰ ਜਿੱਤ ਹੈ। ਇਹ ਉਹ ਪ੍ਰਧਾਨ ਮੰਤਰੀ ਮੋਦੀ ਹਨ ਜਿਨ੍ਹਾਂ ਦਾ ਮੰਤਰ ਸਬਕਾ ਸਾਥ, ਸਬਕਾ ਵਿਕਾਸ, ਸਬਕਾ ਵਿਸ਼ਵਾਸ ਅਤੇ ਸਬਕਾ ਯਤਨ ਸੀ। ਇਹ ਉਨ੍ਹਾਂ ਦੀ ਦਿੱਤੀ ਗਰੰਟੀ ਦੀ ਜਿੱਤ ਹੈ। ਝਾਲਰਾਪਟਨ ਵਿਧਾਨ ਸਭਾ ਹਲਕੇ ਤੋਂ ਸਾਬਕਾ ਮੁੱਖ ਮੰਤਰੀ ਵਸੁੰਧਰਾ ਰਾਜੇ ਨੇ ਕਾਂਗਰਸ ਉਮੀਦਵਾਰ ਰਾਮਲਾਲ ਚੋਹਾਨ ਨੂੰ 53193 ਵੋਟਾਂ ਨਾਲ ਹਰਾਇਆ।