ਚੰਡੀਗੜ੍ਹ, 29 ਜੂਨ 2023: ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ (Amit Shah) ਨੇ ਲਖੀਸਰਾਏ ‘ਚ ਕਿਹਾ ਕਿ 20 ਵਾਰ ਲਾਂਚਿੰਗ ‘ਚ ਅਸਫਲ ਰਹਿਣ ਵਾਲੇ ਰਾਹੁਲ ਬਾਬਾ ਚਾਹੀਦਾ ਹੈ ਜਾਂ ਨਰਿੰਦਰ ਮੋਦੀ । ਉਨ੍ਹਾਂ ਕਿਹਾ ਕਿ ਪਹਿਲਾਂ ਉਨ੍ਹਾਂ ਨੂੰ ਮੁੰਗੇਰ ਲੋਕ ਸਭਾ ਅਤੇ ਲਖੀਸਰਾਏ ਵਿੱਚ ਹਰਾ ਕੇ ਸਜ਼ਾ ਦੇਣ ਦਾ ਕੰਮ ਸ਼ੁਰੂ ਕਰਨਾ ਪਵੇਗਾ। ਉਨ੍ਹਾਂ ਕਿਹਾ ਬਿਹਾਰ ਹਮੇਸ਼ਾ ਤੋਂ ਹੀ ਬਦਲਾਅ ਅਤੇ ਕ੍ਰਾਂਤੀ ਦੀ ਭੂਮੀ ਰਹੀ ਹੈ ।
ਇਸ ਦੌਰਾਨ ਅਮਿਤ ਸ਼ਾਹ ਨੇ ਆਪਣੇ 27 ਮਿੰਟਾਂ ‘ਚ 8 ਵਾਰ ਨਿਤੀਸ਼ ਕੁਮਾਰ ਦਾ ਨਾਂ ਲਿਆ। ਉਨ੍ਹਾਂ ਕਿਹਾ ਕਿ ਪਲਟੂਰਾਮ ਨਿਤੀਸ਼ ਬਾਬੂ ਕਹਿੰਦੇ ਹਨ ਕਿ ਉਨ੍ਹਾਂ ਨੇ 9 ਸਾਲਾਂ ‘ਚ ਕੀ ਕੀਤਾ? ਨਿਤੀਸ਼ ਬਾਬੂ, ਜਿਸ ਦੀ ਬਦੌਲਤ ਤੁਸੀਂ ਮੁੱਖ ਮੰਤਰੀ ਬਣੇ, ਜਿਸ ਨਾਲ ਇੰਨੇ ਸਾਲ ਬੈਠੇ ਰਹੇ, ਘੱਟੋ-ਘੱਟ ਥੋੜਾ ਤਾਂ ਲਿਹਾਜ ਜ਼ਰੂਰ ਕਰੋ । ਨਿਤੀਸ਼ ਬਾਬੂ, ਜੇ ਤੁਸੀਂ ਸੁਣਨਾ ਚਾਹੁੰਦੇ ਹੋ, ਮੈਂ ਤੁਹਾਨੂੰ ਪੂਰਾ ਹਿਸਾਬ ਦੇਣ ਆਇਆ ਹਾਂ।
ਉਨ੍ਹਾਂ (Amit Shah) ਕਿਹਾ ਕਿ ਕਾਂਗਰਸ ਦੇ ਪਾਲੇ ਵਿੱਚ ਬੈਠ ਕੇ ਉਹ ਸਿਰਫ ਮੂਰਖ ਬਣਾ ਰਹੇ ਹਨ | ਨਿਤੀਸ਼ ਕੁਮਾਰ ਮੁੱਖ ਮੰਤਰੀ ਬਣੇ ਰਹਿਣਾ ਚਾਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ 20 ਤੋਂ ਵੱਧ ਪਾਰਟੀਆਂ ਇਕੱਠੀਆਂ ਹੋ ਚੁੱਕੀਆਂ ਹਨ। ਇਹ 20 ਪਾਰਟੀਆਂ 20 ਲੱਖ ਕਰੋੜ ਦਾ ਘਪਲਾ ਕਰਨ ਵਾਲੀਆਂ ਹਨ |
ਅਮਿਤ ਸ਼ਾਹ ਨੇ ਬਿਹਾਰ ਅਤੇ ਮੁੰਗੇਰ ਵਿੱਚ ਕੇਂਦਰ ਵੱਲੋਂ ਕੀਤੇ ਗਏ ਵਿਕਾਸ ਕਾਰਜਾਂ ਦੀ ਜਾਣਕਾਰੀ ਦਿੱਤੀ । ਉਨ੍ਹਾਂ ਕਿਹਾ ਕਿ ਮੁੰਗੇਰ ਤੋਂ ਬੇਗੂਸਰਾਏ ਤੱਕ ਰੇਲ ਸੜਕ ਨੂੰ ਡਬਲ ਕਰਨ, ਇੰਜਨੀਅਰਿੰਗ ਕਾਲਜ ਅਤੇ ਮੈਡੀਕਲ ਕਾਲਜ ਭਾਜਪਾ ਵੱਲੋਂ ਦਿੱਤਾ ਗਿਆ ਹੈ। 28 ਹਜ਼ਾਰ ਕਰੋੜ ਰੁਪਏ ਦਾ ਐਕਸਪ੍ਰੈੱਸ ਵੇਅ ਦਿੱਤਾ ਗਿਆ ਸੀ।
