ਸ੍ਰੀ ਮੁਕਤਸਰ ਸਾਹਿਬ, 24 ਮਾਰਚ 2024: ਸ੍ਰੀ ਮੁਕਤਸਰ ਸਾਹਿਬ ਦੇ ਗਿੱਦੜਬਾਹਾ ਵਿਖੇ ਸੜਕ ਕਿਨਾਰੇ ਆਪਣੀ ਬਰੀਜਾ ਕਾਰ ‘ਚ ਰੁਕੇ ਇਕ ਵਿਅਕਤੀ ਤੋਂ ਦੋ ਅਣਪਛਾਤੇ ਕਾਰ ਖੋਹ ਕੇ ਲੈ ਗਏ। ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਸ੍ਰੀ ਮੁਕਤਸਰ ਸਾਹਿਬ ਜ਼ਿਲ੍ਹੇ ਦੇ ਗਿੱਦੜਬਾਹਾ ਵਿਖੇ ਬੀਤੀ ਰਾਤ ਇੱਕ ਵਿਅਕਤੀ ਤੋਂ ਬਰੀਜਾ ਕਾਰ ਖੋਹਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਗਿੱਦੜਬਾਹਾ ਵਿਖੇ ਸੜਕ ਕਿਨਾਰੇ ਆਪਣੀ ਬਰੀਜਾ ਕਾਰ ‘ਚ ਰੁਕੇ ਇਕ ਵਿਅਕਤੀ ਤੋਂ ਦੋ ਅਣਪਛਾਤੇ ਕਾਰ ਖੋਹ ਕੇ ਲੈ ਗਏ। ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਹ ਬੀਤੀ ਰਾਤ ਗਿੱਦੜਬਾਹਾ – ਬਠਿੰਡਾ ਮਾਰਗ ‘ਤੇ ਮਾਲਵਾ ਸਕੂਲ ਕੋਲ ਖੜ੍ਹਾ ਸੀ ਕਿ ਦੋ ਵਿਅਕਤੀ ਆਏ ਜਿੰਨ੍ਹਾ ਦੇ ਮੂੰਹ ਬੰਨ੍ਹੇ ਹੋਏ ਸੀ ਅਤੇ ਉਹ ਉਸ ਨੂੰ ਧੱਕੇ ਨਾਲ ਕਾਰ ‘ਚੋਂ ਕੱਢ ਕੇ ਕਾਰ ਖੋਹ ਕੇ ਲੈ ਗਏ। ਪੀੜਤ ਅਨੁਸਾਰ ਸ਼ਹਿਰ ਵਾਲੇ ਪਾਸੇ ਤੋਂ ਆਏ ਇਹ ਵਿਅਕਤੀ ਭਾਰੂ ਪਿੰਡ ਵੱਲ ਕਾਰ ਲੈ ਕੇ ਗਏ।
ਇਸ ਮਾਮਲੇ ‘ਚ ਐਸ ਐਚ ਓ ਪਰਮਜੀਤ ਕੁਮਾਰ ਨੇ ਕਿਹਾ ਕਿ ਫਿਲਹਾਲ ਇਸ ਵਿਅਕਤੀ ਦੇ ਬਿਆਨਾਂ ‘ਤੇ ਪੁਲਿਸ ਜਾਂਚ ਕਰ ਰਹੀ ਹੈ। ਆਸ ਪਾਸ ਦੇ ਸੀ ਸੀ ਟੀ ਵੀ ਖੰਗਾਲੇ ਜਾ ਰਹੇ ਹਨ। ਇਸ ਮਾਮਲੇ ‘ਚ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ ਅਤੇ ਪੂਰੇ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ।
