ਚੰਡੀਗੜ੍ਹ, 12 ਜੁਲਾਈ 2023: ਪਹਾੜੀ ਤੋਂ ਭਾਰੀ ਮਲਬਾ ਡਿੱਗਣ ਕਾਰਨ ਸ਼ਾਮ ਵੇਲੇ ਛਿਨਕਾ ਵਿਖੇ ਬਦਰੀਨਾਥ (Badrinath) ਹਾਈਵੇਅ ਨੂੰ ਜਾਮ ਹੋ ਗਿਆ। ਜਿਸ ਕਾਰਨ ਇੱਥੇ ਹਾਈਵੇਅ ਦੇ ਦੋਵੇਂ ਪਾਸੇ ਕਰੀਬ 7000 ਸ਼ਰਧਾਲੂ ਫਸੇ ਹੋਏ ਹਨ। ਜ਼ਿਲ੍ਹਾ ਆਫ਼ਤ ਪ੍ਰਬੰਧਨ ਅਧਿਕਾਰੀ ਨੰਦ ਕਿਸ਼ੋਰ ਜੋਸ਼ੀ ਨੇ ਦੱਸਿਆ ਕਿ ਹਾਈਵੇਅ ਖੁੱਲ੍ਹਣ ਤੋਂ ਬਾਅਦ ਸ਼ਰਧਾਲੂਆਂ ਨੂੰ ਉਨ੍ਹਾਂ ਦੀ ਮੰਜ਼ਿਲ ਵੱਲ ਰਵਾਨਾ ਕੀਤਾ ਜਾਵੇਗਾ। ਦੂਜੇ ਪਾਸੇ ਪਾਤਾਲਗੰਗਾ ‘ਚ ਸੁਰੰਗ ਦੇ ਉੱਪਰ ਚੱਟਾਨ ਤੋਂ ਜ਼ਮੀਨ ਖਿਸਕਣ ਦੀ ਘਟਨਾ ਵਾਪਰੀ ਹੈ।

ਬੁੱਧਵਾਰ ਨੂੰ ਹੋਈ ਬਾਰਿਸ਼ ਦੇ ਬਾਵਜੂਦ ਛਿਨਕਾ ‘ਚ ਸਵੇਰ ਤੋਂ ਹੀ ਹਾਈਵੇਅ ਸੁਚਾਰੂ ਰਿਹਾ। ਜਿਸ ਕਾਰਨ ਸਫ਼ਰੀ ਵਾਹਨਾਂ ਦੀ ਆਵਾਜਾਈ ਜਾਰੀ ਰਹੀ। ਸ਼ਾਮ 6 ਵਜੇ ਹੋਈ ਭਾਰੀ ਬਰਸਾਤ ਦੌਰਾਨ ਪਹਾੜੀ ਦਾ ਮਲਬਾ ਅਚਾਨਕ ਪਹਾੜੀ ਤੋਂ ਖਿਸਕ ਕੇ ਹਾਈਵੇਅ ‘ਤੇ ਆ ਗਿਆ। ਜਿਸ ਕਾਰਨ ਹਾਈਵੇਅ ਦੇ ਦੋਵੇਂ ਪਾਸੇ ਤੋਂ ਆਉਣ-ਜਾਣ ਵਾਲੇ ਵਾਹਨਾਂ ਦੀ ਲੰਬੀ ਲਾਈਨ ਲੱਗ ਗਈ।