ਸਪੋਰਟਸ, 11 ਅਗਸਤ 2025: AUS ਬਨਾਮ SA T20: ਆਸਟ੍ਰੇਲੀਆ ਨੇ ਟਿਮ ਡੇਵਿਡ ਦੀ ਸ਼ਾਨਦਾਰ ਬੱਲੇਬਾਜ਼ੀ ਦੇ ਦਮ ‘ਤੇ 3 ਮੈਚਾਂ ਦੀ ਟੀ-20 ਸੀਰੀਜ਼ ‘ਚ ਦੱਖਣੀ ਅਫਰੀਕਾ ਨੂੰ 17 ਦੌੜਾਂ ਨਾਲ ਹਰਾ ਦਿੱਤਾ ਅਤੇ ਸੀਰੀਜ਼ ‘ਚ 1-0 ਦੀ ਬੜ੍ਹਤ ਬਣਾ ਲਈ। ਟਿਮ ਡੇਵਿਡ ਨੇ ਸ਼ਾਨਦਾਰ ਪਾਰੀ ਖੇਡੀ ਜਦੋਂ ਉਨ੍ਹਾਂ ਦੀ ਟੀਮ ਦੀ ਬੱਲੇਬਾਜ਼ੀ ਪੂਰੀ ਤਰ੍ਹਾਂ ਲੜਖੜਾ ਗਈ ਸੀ ਅਤੇ 6 ਵਿਕਟਾਂ ਸਿਰਫ਼ 75 ਦੌੜਾਂ ਦੇ ਸਕੋਰ ‘ਤੇ ਡਿੱਗ ਗਈਆਂ।
ਆਪਣੀ ਹਮਲਾਵਰ ਬੱਲੇਬਾਜ਼ੀ ਲਈ ਮਸ਼ਹੂਰ ਡੇਵਿਡ ਨੇ ਦੱਖਣੀ ਅਫਰੀਕਾ ਵਿਰੁੱਧ ਇੱਕ ਮਹੱਤਵਪੂਰਨ ਪਾਰੀ ਖੇਡੀ ਅਤੇ ਆਪਣੀ ਟੀਮ ਲਈ 52 ਗੇਂਦਾਂ ‘ਚ 83 ਦੌੜਾਂ ਬਣਾਈਆਂ ਅਤੇ ਆਪਣੀ ਪਾਰੀ ਦੌਰਾਨ 8 ਛੱਕੇ ਅਤੇ 4 ਚੌਕੇ ਲਗਾਏ। ਆਪਣੀ ਪਾਰੀ ‘ਚ ਲੱਗੇ 8 ਛੱਕਿਆਂ ਨਾਲ, ਉਨ੍ਹਾਂ ਨੇ ਡੇਵਿਡ ਵਾਰਨਰ ਦਾ 16 ਸਾਲ ਪੁਰਾਣਾ ਰਿਕਾਰਡ ਤੋੜ ਦਿੱਤਾ।
ਟਿਮ ਡੇਵਿਡ ਨੇ ਦੱਖਣੀ ਅਫਰੀਕਾ ਵਿਰੁੱਧ ਪਹਿਲੇ ਟੀ-20 ਮੈਚ ‘ਚ ਆਪਣੀ ਪਾਰੀ ਦੌਰਾਨ 8 ਛੱਕੇ ਲਗਾਏ ਅਤੇ ਹੁਣ ਉਹ ਇੱਕ ਟੀ-20 ਮੈਚ ਦੀ ਇੱਕ ਪਾਰੀ ‘ਚ ਦੱਖਣੀ ਅਫਰੀਕਾ ਵਿਰੁੱਧ ਆਸਟ੍ਰੇਲੀਆ ਵੱਲੋਂ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲਾ ਬੱਲੇਬਾਜ਼ ਬਣ ਗਿਆ ਹੈ। ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਡੇਵਿਡ ਵਾਰਨਰ ਦੇ ਨਾਂ ਸੀ ਜਿਨ੍ਹਾਂ ਨੇ 2009 ‘ਚ ਮੈਲਬੌਰਨ ‘ਚ ਖੇਡੀ ਗਈ ਆਪਣੀ 89 ਦੌੜਾਂ ਦੀ ਪਾਰੀ ਦੌਰਾਨ 6 ਛੱਕੇ ਮਾਰੇ ਸਨ। ਇਹ ਰਿਕਾਰਡ ਪਿਛਲੇ 16 ਸਾਲਾਂ ਤੋਂ ਵਾਰਨਰ ਦੇ ਨਾਂ ਸੀ, ਪਰ ਹੁਣ ਇਹ ਟੁੱਟ ਗਿਆ ਹੈ।
Read More: ਇੰਗਲੈਂਡ ‘ਚ ਮੈਚ ਦੌਰਾਨ ਪਾਕਿਸਤਾਨ ਬੱਲੇਬਾਜ਼ ਹੈਦਰ ਅਲੀ ਗ੍ਰਿਫਤਾਰ, ਜਾਣੋ ਪੂਰਾ ਮਾਮਲਾ
