ਸਪੋਰਟਸ, 05 ਦਸੰਬਰ 2025: Andre Russell News: ਵੈਸਟਇੰਡੀਜ਼ ਦੇ ਸਟਾਰ ਆਲਰਾਊਂਡਰ ਆਂਦਰੇ ਰਸਲ ਨੇ ਆਈਪੀਐਲ ਤੋਂ ਸੰਨਿਆਸ ਲੈਣ ਦੇ ਆਪਣੇ ਅਚਾਨਕ ਫੈਸਲੇ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਆਈਪੀਐਲ ਵਰਗੇ ਵੱਡੇ ਟੂਰਨਾਮੈਂਟ ‘ਚ ਆਲਰਾਊਂਡਰ ਵਜੋਂ ਖੇਡਣਾ ਬਹੁਤ ਚੁਣੌਤੀਪੂਰਨ ਹੋ ਗਿਆ ਸੀ।
ਆਂਦਰੇ ਰਸਲ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਤੋਂ ਰਿਲੀਜ਼ ਕੀਤਾ ਗਿਆ ਸੀ ਅਤੇ ਨਿਲਾਮੀ ‘ਚ ਉੱਚ ਬੋਲੀ ਮਿਲਣ ਦੀ ਉਮੀਦ ਸੀ, ਪਰ ਸਟਾਰ ਆਲਰਾਊਂਡਰ ਨੇ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ। ਆਉਣ ਵਾਲੇ ਆਈਪੀਐਲ ਸੀਜ਼ਨ ਲਈ ਮਿੰਨੀ ਨਿਲਾਮੀ 16 ਦਸੰਬਰ ਨੂੰ ਅਬੂ ਧਾਬੀ ‘ਚ ਹੋਵੇਗੀ।
11 ਐਡੀਸ਼ਨਾਂ ਲਈ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਲਈ ਖੇਡਣ ਵਾਲੇ ਰਸੇਲ ਨੇ ਆਪਣੇ ਫੈਸਲੇ ਨਾਲ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ, ਕਿਉਂਕਿ ਉਮੀਦਾਂ ਸਨ ਕਿ ਕੇਕੇਆਰ ਜਾਂ ਕੋਈ ਹੋਰ ਟੀਮ ਉਸਨੂੰ ਨਿਲਾਮੀ ‘ਚ ਪ੍ਰਾਪਤ ਕਰੇਗੀ। ਹਾਲਾਂਕਿ, ਉਹ ਹੁਣ ਕੇਕੇਆਰ ਦੇ ਕੋਚਿੰਗ ਸਟਾਫ ਦਾ ਹਿੱਸਾ ਹੋਵੇਗਾ ਅਤੇ ਉਸਨੂੰ ਪਾਵਰ ਕੋਚ ਨਿਯੁਕਤ ਕੀਤਾ ਗਿਆ ਹੈ। ਰਸਲ ਨੇ ਦੱਸਿਆ ਕਿ ਆਈਪੀਐਲ ਵਰਗੇ ਵੱਡੇ ਟੂਰਨਾਮੈਂਟ ‘ਚ ਆਲਰਾਊਂਡਰ ਵਜੋਂ ਖੇਡਣਾ ਬਹੁਤ ਚੁਣੌਤੀਪੂਰਨ ਹੋ ਗਿਆ ਸੀ। ਲਗਾਤਾਰ ਮੈਚ, ਯਾਤਰਾ, ਸਿਖਲਾਈ ਅਤੇ ਰਿਕਵਰੀ ਪ੍ਰਕਿਰਿਆ ਉਸਦੇ ਸਰੀਰ ‘ਤੇ ਭਾਰ ਪਾ ਰਹੀ ਸੀ।
ਉਨ੍ਹਾਂ ਨੇ ਕ੍ਰਿਕਬਜ਼ ਨੂੰ ਕਿਹਾ, “ਆਈਪੀਐਲ ਵਰਗੀ ਵੱਡੀ ਲੀਗ ‘ਚ ਇੱਕ ਆਲਰਾਊਂਡਰ ਵਜੋਂ ਖੇਡਣਾ ਹਮੇਸ਼ਾ ਚੁਣੌਤੀਪੂਰਨ ਹੁੰਦਾ ਹੈ। ਹਰ ਚੀਜ਼ ਨੂੰ ਸੰਤੁਲਿਤ ਕਰਨਾ,ਬੱਲੇਬਾਜ਼ੀ, ਗੇਂਦਬਾਜ਼ੀ, ਫੀਲਡਿੰਗ, ਅਤੇ ਜਿੰਮ ਮੁਸ਼ਕਿਲ ਹੁੰਦਾ ਹੈ। ਤੁਸੀਂ ਹਰ ਮੈਚ ‘ਚ ਆਪਣਾ ਸਭ ਤੋਂ ਵਧੀਆ ਦੇਣਾ ਚਾਹੁੰਦੇ ਹੋ ਅਤੇ ਇਹੀ ਦਬਾਅ ਵਧਾਉਂਦਾ ਹੈ।”
ਰਸਲ ਨੇ ਸਪੱਸ਼ਟ ਕੀਤਾ ਕਿ ਉਹ ਕਦੇ ਵੀ ਸਿਰਫ਼ ਇੱਕ ਬੱਲੇਬਾਜ਼ ਵਜੋਂ ਖੇਡਣ ਦੀ ਕਲਪਨਾ ਨਹੀਂ ਕਰ ਸਕਦਾ। ਉਨ੍ਹਾਂ ਨੇ ਕਿਹਾ, “ਮੇਰੀ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਇੱਕ ਦੂਜੇ ਦੇ ਪੂਰਕ ਹਨ। ਜੇਕਰ ਮੈਂ ਚੰਗੀ ਗੇਂਦਬਾਜ਼ੀ ਕਰਦਾ ਹਾਂ, ਤਾਂ ਮੇਰੀ ਬੱਲੇਬਾਜ਼ੀ ਆਪਣੇ ਆਪ ਸੁਧਰ ਜਾਂਦੀ ਹੈ। ਮੈਂ ਸਿਰਫ਼ ਇੱਕ ਬੱਲੇਬਾਜ਼ ਵਜੋਂ ਖੇਡਣ ਦੀ ਕਲਪਨਾ ਨਹੀਂ ਕਰ ਸਕਦਾ।”
ਰਸਲ ਨੇ ਸਪੱਸ਼ਟ ਕੀਤਾ ਕਿ ਉਹ ਕਦੇ ਵੀ ਸਿਰਫ਼ ਇੱਕ ਬੱਲੇਬਾਜ਼ ਵਜੋਂ ਖੇਡਣ ਦੀ ਕਲਪਨਾ ਨਹੀਂ ਕਰ ਸਕਦਾ। ਉਨਾਂ ਨੇ ਕਿਹਾ, “ਮੇਰੀ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਇੱਕ ਦੂਜੇ ਦੇ ਪੂਰਕ ਹਨ।” “ਜੇ ਮੈਂ ਚੰਗੀ ਗੇਂਦਬਾਜ਼ੀ ਕਰਦਾ ਹਾਂ, ਤਾਂ ਮੇਰੀ ਬੱਲੇਬਾਜ਼ੀ ਆਪਣੇ ਆਪ ਸੁਧਰ ਜਾਂਦੀ ਹੈ। ਮੈਂ ਸਿਰਫ਼ ਇੱਕ ਬੱਲੇਬਾਜ਼ ਵਜੋਂ ਖੇਡਣ ਦੀ ਕਲਪਨਾ ਨਹੀਂ ਕਰ ਸਕਦਾ।”
Read More: AUS ਬਨਾਮ ENG: ਜੈਕ ਕ੍ਰਾਲੀ ਨੇ 68 ਗੇਂਦਾਂ ‘ਚ ਜੜਿਆ ਅਰਧ ਸੈਂਕੜਾ, ਜੋ ਰੂਟ ਨਾਲ ਸਾਂਝੇਦਾਰੀ ਜਾਰੀ
