ਚੰਡੀਗੜ੍ਹ, 15 ਨਵੰਬਰ 2023: ਭਾਰਤੀ ਏਅਰਫੋਰਸ ਵੱਲੋਂ ਏਅਰਫੋਰਸ ਸਟੇਸ਼ਨ ਅੰਬਾਲਾ ਕੈਂਟ ਵਿਚ 23 ਤੇ 24 ਨਵੰਬਰ ਨੂੰ ਏਅਰ ਸ਼ੌਅ (air show) ਦਾ ਪ੍ਰਬੰਧ ਕੀਤਾ ਜਾਵੇਗਾ। ਜਿਸ ਵਿਚ ਭਾਰਤੀ ਏਅਰ ਫੋਰਸ ਦੇ ਜਹਾਜਾਂ ਵੱਲੋਂ ਆਕਾਸ਼ ਵਿਚ ਸੂਰਜ ਦੀ ਕਿਰਣ ਤੇ ਆਕਾਸ਼ਗੰਗਾ ਟੀਮ ਆਪਣੀ ਕਲਾਵਾਂ ਦਾ ਪ੍ਰਦਰਸ਼ਨ ਵੀ ਕਰੇਗੀ।

ਇਕ ਸਰਕਾਰੀ ਬੁਲਾਰੇ ਨੇ ਇਸ ਬਾਰੇ ਵਿਚ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਭਾਰਤੀ ਏਅਰਫੋਰਸ ਵੱਲੋਂ ਏਅਰ ਸ਼ੌਅ (air show) ਦੇ ਸਾਰੇ ਜਰੂਰੀ ਪ੍ਰਬੰਧ ਕੀਤੇ ਗਏ ਹਨ। ਉਨ੍ਹਾਂ ਨੇ ਦਸਿਆ ਕਿ ਪਾਰਕਿੰਗ ਦੇ ਲਈ ਅੰਬਾਲਾ ਕੈਂਟ ਵਿਚ ਏਅਰ ਫੋਰਸ ਸਟੇਸ਼ਨ ਸਕੂਲ ਦੇ ਪਰਿਸਰ ਵਿਚ ਅਤੇ ਡੋਮੇਸਟਿਕ ਏਅਰਪੋਰਟ ਦੇ ਨੇੜੇ ਵਾਹਨਾਂ ਦੀ ਪਾਰਕਿੰਗ ਦੀ ਵਿਵਸਥਾ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਦਸਿਆ ਕਿ ਸੁਰੱਖਿਆ ਦੇ ਮੱਦੇਨਜਰ ਏਅਰ ਫੋਰਸ ਸਟੇਸ਼ਨ ਦੇ ਨੇੜੇ ਪਹਿਲਾਂ ਤੋਂ ਹੀ ਡਰੋਨ ਨਾ ਉੜਾਏ ਜਾਣ ਬਾਰੇ ਧਾਰਾ 144 ਦੇ ਤਹਿਤ ਆਦੇਸ਼ ਜਾਰੀ ਕੀਤੇ ਗਏ ਹਨ।