ਸਪੋਰਟਸ, 04 ਨਵੰਬਰ 2025: ਭਾਰਤ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਪਹਿਲੀ ਵਾਰ ਮਹਿਲਾ ਵਨਡੇ ਵਿਸ਼ਵ ਕੱਪ ਜਿੱਤ ਕੇ ਇਤਿਹਾਸ ਰਚ ਦਿੱਤਾ। ਹਰਮਨਪ੍ਰੀਤ ਕੌਰ ਦੀ ਕਪਤਾਨੀ ਹੇਠ ਟੀਮ ਨੇ ਨਵੀਂ ਮੁੰਬਈ ਦੇ ਡੀ.ਵਾਈ. ਪਾਟਿਲ ਸਟੇਡੀਅਮ ‘ਚ ਦੱਖਣੀ ਅਫਰੀਕਾ ਨੂੰ 52 ਦੌੜਾਂ ਨਾਲ ਹਰਾ ਕੇ ਖਿਤਾਬ ਜਿੱਤਿਆ। ਪਰ ਇਸ ਜਿੱਤ ਦੇ ਪਿੱਛੇ ਇੱਕ ਭਾਵਨਾਤਮਕ ਕਹਾਣੀ ਛੁਪੀ ਹੋਈ ਸੀ। ਆਲਰਾਉਂਡਰ ਅਮਨਜੋਤ ਕੌਰ ਦੀ ਕਹਾਣੀ, ਜਿਸਨੂੰ ਉਸਦੇ ਪਰਿਵਾਰ ਨੇ ਇੱਕ ਸੱਚਾਈ ਤੋਂ ਦੂਰ ਰੱਖਿਆ ਤਾਂ ਜੋ ਉਹ ਸਿਰਫ਼ ਕ੍ਰਿਕਟ ‘ਤੇ ਧਿਆਨ ਕੇਂਦਰਿਤ ਕਰ ਸਕੇ।
ਅਮਨਜੋਤ ਦੀ ਦਾਦੀ ਨੂੰ ਪਿਆ ਸੀ ਦਿਲ ਦਾ ਦੌਰਾ
ਅਮਨਜੋਤ ਦੇ ਪਿਤਾ, ਭੁਪਿੰਦਰ ਸਿੰਘ ਇੱਕ ਤਰਖਾਣ ਅਤੇ ਠੇਕੇਦਾਰ, ਆਪਣੀ 75 ਸਾਲਾ ਮਾਂ, ਭਗਵੰਤੀ ਕੌਰ ਨੂੰ ਪਿਛਲੇ ਹਫ਼ਤੇ ਦਿਲ ਦਾ ਦੌਰਾ ਪੈਣ ਤੋਂ ਬਾਅਦ ਹਸਪਤਾਲ ਲੈ ਜਾ ਰਹੇ ਸਨ, ਪਰ ਉਨ੍ਹਾਂ ਨੇ ਆਪਣੀ ਧੀ ਅਮਨਜੋਤ ਤੋਂ ਇਹ ਗੱਲ ਗੁਪਤ ਰੱਖੀ। ਇਸਦਾ ਕਾਰਨ ਸੀ ਕਿ ਅਮਨਜੋਤ ਦਾ ਵਿਸ਼ਵ ਕੱਪ ਖੇਡ ‘ਤੇ ਧਿਆਨ ਨਾ ਹਟੇ |
ਭੁਪਿੰਦਰ ਨੇ ਦ ਇੰਡੀਅਨ ਐਕਸਪ੍ਰੈਸ ਨੂੰ ਦੱਸਿਆ, “ਅਮਨਜੋਤ ਨੂੰ ਅਹਿਸਾਸ ਹੋਇਆ ਕਿ ‘ਬੀਜੀ’ (ਦਾਦੀ) ਦੀ ਸਿਹਤ ਠੀਕ ਨਹੀਂ ਹੈ। ਪਹਿਲਾਂ, ਉਨ੍ਹਾਂ ਨੇ ਆਪਣੀ ਭੈਣ ਨੂੰ ਫ਼ੋਨ ਕੀਤਾ, ਜਿਸਨੇ ਉਸਨੂੰ ਦੱਸਿਆ ਕਿ ਉਹ ਗੁਰਦੁਆਰੇ ‘ਚ ਹੈ।” ਫਿਰ ਉਸਨੇ ਮੈਨੂੰ ਫ਼ੋਨ ਕੀਤਾ ਅਤੇ ਮੈਨੂੰ ਬੀਜੀ ਨਾਲ ਵੀਡੀਓ ਕਾਲ ਕਰਨ ਲਈ ਕਿਹਾ। ਬਾਅਦ ‘ਚ ਮੈਂ ਆਪਣੀ ਮਾਂ ਨੂੰ ਦੱਸਿਆ ਕਿ ਅੱਜ ਉਸਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਮੈਚ ਹੈ ਅਤੇ ਉਸਨੂੰ ਸ਼ੁਭਕਾਮਨਾਵਾਂ ਦੇ ਦਿਓ । ਬੀਜੀ ਨੇ ਉਸਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ।
ਭੁਪਿੰਦਰ ਨੇ ਕਿਹਾ, “ਮੈਂ ਅਮਨਜੋਤ ਨੂੰ ਦੱਸਿਆ ਕਿ ਤੇਰੀ ਦਾਦੀ ਦੀ ਸਿਹਤ ਠੀਕ ਨਹੀਂ ਹੈ, ਬਸ ਬਲੱਡ ਪ੍ਰੈਸ਼ਰ ਘੱਟ ਸੀ, ਪਰ ਦਿਲ ਦੇ ਦੌਰੇ ਦਾ ਜ਼ਿਕਰ ਨਹੀਂ ਕੀਤਾ। ਅਸੀਂ ਫਾਈਨਲ ਤੋਂ ਬਾਅਦ ਹੀ ਸੱਚਾਈ ਦਾ ਖੁਲਾਸਾ ਕੀਤਾ।” ਇਸ ਨੇ ਅਮਨਜੋਤ ਦੀ ਜ਼ਿੰਦਗੀ ਬਦਲ ਦਿੱਤੀ। ਉਸਦੇ ਆਸ਼ੀਰਵਾਦ ਨੇ ਅਮਨਜੋਤ ਨੂੰ ਵਿਸ਼ਵ ਚੈਂਪੀਅਨ ਬਣਾ ਦਿੱਤਾ। ਭੁਪਿੰਦਰ ਨੇ ਦੱਸਿਆ ਕਿ ਅਮਨਜੋਤ ਨੇ ਹੁਣ ਡਾਕਟਰਾਂ ਨਾਲ ਗੱਲ ਕੀਤੀ ਹੈ, ਅਤੇ ਉਸਦੀ ਦਾਦੀ ਦੇ ਹੋਰ ਟੈਸਟ ਹੋਣ ਵਾਲੇ ਹਨ।
ਭਗਵੰਤੀ ਕੌਰ, ਜਿਸਨੂੰ ਦਿਲ ਦਾ ਦੌਰਾ ਪਿਆ ਸੀ, ਅਜੇ ਵੀ ਆਪਣੀ ਪੋਤੀ ‘ਤੇ ਮਾਣ ਮਹਿਸੂਸ ਕਰਦੀ ਹੈ। ਉਨ੍ਹਾਂ ਨੇ ਕਿਹਾ, “ਉਹ ਸਿਰਫ਼ ਮੇਰੀ ਪੋਤੀ ਨਹੀਂ ਹੈ, ਉਹ ਮੇਰੇ ਪੋਤੇ ਤੋਂ ਵੀ ਵੱਧ ਹੈ।” ਜਦੋਂ ਅਮਨਜੋਤ ਬਚਪਨ ‘ਚ ਆਂਢ-ਗੁਆਂਢ ਦੇ ਮੁੰਡਿਆਂ ਨਾਲ ਕ੍ਰਿਕਟ ਖੇਡਦੀ ਸੀ, ਤਾਂ ਭਗਵੰਤੀ ਕੁਰਸੀ ਲੈ ਕੇ ਪਾਰਕ ‘ਚ ਬੈਠ ਜਾਂਦੀ ਸੀ। ਉਹ ਇਹ ਵੀ ਯਕੀਨੀ ਬਣਾਉਂਦੀ ਸੀ ਕਿ ਕੋਈ ਉਸਦੀ ਪੋਤੀ ਨੂੰ ਤੰਗ ਨਾ ਕਰੇ।
ਅਮਨਜੋਤ ਨੇ ਸ਼ੁਰੂ ‘ਚ ਸਕੇਟਿੰਗ ਅਤੇ ਹਾਕੀ ਦੋਵਾਂ ‘ਚ ਆਪਣਾ ਹੱਥ ਅਜ਼ਮਾਇਆ, ਪਰ ਬਾਅਦ ‘ਚ ਕ੍ਰਿਕਟ ਅਪਣਾ ਲਿਆ। ਇੱਕ ਗੁਆਂਢੀ ਦੀ ਸਲਾਹ ‘ਤੇ ਭੁਪਿੰਦਰ ਨੇ ਉਸਨੂੰ ਸਿਖਲਾਈ ਦੇਣ ਲਈ ਇੱਕ ਕੋਚ ਦੀ ਭਾਲ ਸ਼ੁਰੂ ਕੀਤੀ ਅਤੇ ਕੋਚ ਨਾਗੇਸ਼ ਗੁਪਤਾ ਨੂੰ ਲੱਭ ਲਿਆ, ਜਿਸਨੇ ਅਮਨਜੋਤ ਨੂੰ ਟਰੇਨਿੰਗ ਦੇਣੀ ਸ਼ੁਰੂ ਕਰ ਦਿੱਤੀ |
Read More: IND ਬਨਾਮ SA Final: ਐਲ ਵੋਲਵਾਰਟ ਨੇ ਮੰਨਿਆ, “ਸ਼ੇਫਾਲੀ ਵਰਮਾ ਦੀ ਅਚਾਨਕ ਗੇਂਦਬਾਜ਼ੀ ਟਰਨਿੰਗ ਪੁਆਇੰਟ ਸੀ”
