ਸਪੋਰਟਸ, 09 ਅਕਤੂਬਰ 2025: ਅਬੂ ਧਾਬੀ ‘ਚ ਖੇਡੇ ਗਏ ਪਹਿਲੇ ਵਨਡੇ ਮੈਚ ‘ਚ ਅਫਗਾਨਿਸਤਾਨ ਨੇ ਬੰਗਲਾਦੇਸ਼ ਨੂੰ 5 ਵਿਕਟਾਂ ਨਾਲ ਹਰਾ ਦਿੱਤਾ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਬੰਗਲਾਦੇਸ਼ ਨੇ ਆਲ ਆਊਟ 221 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਦੇ ਹੋਏ, ਅਫਗਾਨਿਸਤਾਨ ਨੇ 5 ਵਿਕਟਾਂ ਦੇ ਨੁਕਸਾਨ ‘ਤੇ 226 ਦੌੜਾਂ ਬਣਾ ਕੇ ਟੀਚਾ ਪ੍ਰਾਪਤ ਕਰ ਲਿਆ।
ਆਲਰਾਊਂਡਰ ਅਜ਼ਮਤੁੱਲਾ ਉਮਰਜ਼ਈ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੇ ਅਫਗਾਨਿਸਤਾਨ ਨੂੰ 222 ਦੌੜਾਂ ਦਾ ਟੀਚਾ ਪ੍ਰਾਪਤ ਕਰਨ ‘ਚ ਮੱਦਦ ਕੀਤੀ। ਉਮਰਜ਼ਈ ਨੇ ਪਹਿਲਾਂ ਗੇਂਦ ਨਾਲ 3 ਵਿਕਟਾਂ ਲਈਆਂ ਅਤੇ ਫਿਰ 44 ਗੇਂਦਾਂ ‘ਤੇ 40 ਦੌੜਾਂ ਦੀ ਹਮਲਾਵਰ ਪਾਰੀ ਖੇਡੀ, ਜਿਸ ‘ਚ 6 ਚੌਕੇ ਅਤੇ 1 ਛੱਕਾ ਸ਼ਾਮਲ ਸੀ। ਕਪਤਾਨ ਹਸ਼ਮਤੁੱਲਾ ਸ਼ਾਹਿਦੀ 34 ਦੌੜਾਂ ‘ਤੇ ਨਾਬਾਦ ਰਹੇ, ਜਦੋਂ ਕਿ ਤਜਰਬੇਕਾਰ ਮੁਹੰਮਦ ਨਬੀ ਨੇ 48ਵੇਂ ਓਵਰ ਵਿੱਚ ਸੈਫ ਹਸਨ ਨੂੰ ਜੇਤੂ ਛੱਕਾ ਮਾਰ ਕੇ ਮੈਚ ਦਾ ਅੰਤ ਕੀਤਾ।
ਅਫਗਾਨ ਖਿਡਾਰੀਆਂ ਨੇ ਬਣਾਏ ਨਵੇਂ ਰਿਕਾਰਡ
ਇਹ ਮੈਚ ਅਫਗਾਨ ਖਿਡਾਰੀਆਂ ਲਈ ਬਹੁਤ ਖਾਸ ਸੀ। ਰਾਸ਼ਿਦ ਖਾਨ ਵਨਡੇ ‘ਚ 200 ਵਿਕਟਾਂ ਲੈਣ ਵਾਲੇ ਪਹਿਲੇ ਅਫਗਾਨ ਗੇਂਦਬਾਜ਼ ਬਣੇ। ਰਾਸ਼ਿਦ ਨੇ ਇਹ ਕਾਰਨਾਮਾ ਸਿਰਫ਼ 115 ਮੈਚਾਂ ‘ਚ ਹਾਸਲ ਕੀਤਾ, ਜੋ ਕਿਸੇ ਵੀ ਸਪਿਨਰ ਲਈ ਦੂਜਾ ਸਭ ਤੋਂ ਤੇਜ਼ ਹੈ। ਇਸ ਤੋਂ ਇਲਾਵਾ, ਰਹਿਮਤ ਸ਼ਾਹ ਵਨਡੇ ਮੈਚਾਂ ‘ਚ 4,000 ਦੌੜਾਂ ਪੂਰੀਆਂ ਕਰਨ ਵਾਲਾ ਪਹਿਲਾ ਅਫਗਾਨ ਬੱਲੇਬਾਜ਼ ਬਣ ਗਿਆ।
Read More: AFG ਬਨਾਮ BAN: ਅਫਗਾਨਿਸਤਾਨ ਖ਼ਿਲਾਫ ਬੰਗਲਾਦੇਸ਼ ਦੀ ਰੋਮਾਂਚਕ ਜਿੱਤ, ਬੰਗਲਾਦੇਸ਼ ਨੇ 10 ਦੌੜਾਂ ‘ਤੇ ਗੁਆਈਆਂ 6 ਵਿਕਟਾਂ
