ਚੰਡੀਗੜ੍ਹ, 31 ਮਾਰਚ 2023: ਭਾਰਤ ਨੂੰ ਏਐਫਸੀ ਅੰਡਰ-17 ਏਸ਼ਿਆਈ ਕੱਪ (AFC U-17 Asian Cup) ਲਈ ਗਰੁੱਪ ਡੀ ਵਿੱਚ ਮਜ਼ਬੂਤ ਜਾਪਾਨ, ਵੀਅਤਨਾਮ ਅਤੇ ਉਜ਼ਬੇਕਿਸਤਾਨ ਦੇ ਨਾਲ ਰੱਖਿਆ ਗਿਆ ਹੈ। ਇਹ ਟੂਰਨਾਮੈਂਟ ਇਸ ਸਾਲ 15 ਜੂਨ ਤੋਂ 2 ਜੁਲਾਈ ਤੱਕ ਥਾਈਲੈਂਡ ਵਿੱਚ ਹੋਣਾ ਹੈ। ਚਾਰ ਗਰੁੱਪਾਂ ਵਿੱਚੋਂ ਚੋਟੀ ਦੀਆਂ ਦੋ ਟੀਮਾਂ ਫੁੱਟਬਾਲ ਟੂਰਨਾਮੈਂਟ ਲਈ ਨਾਕਆਊਟ ਦੌਰ ਵਿੱਚ ਪਹੁੰਚਣਗੀਆਂ।
ਟੂਰਨਾਮੈਂਟ ਦੇ ਸੈਮੀਫਾਈਨਲ ਵਿੱਚ ਪਹੁੰਚਣ ਵਾਲੀਆਂ ਚਾਰ ਟੀਮਾਂ ਨੂੰ ਇਸ ਸਾਲ ਦੇ ਅੰਤ ਵਿੱਚ ਪੇਰੂ ਵਿੱਚ ਹੋਣ ਵਾਲੇ ਅੰਡਰ-17 ਫੀਫਾ ਵਿਸ਼ਵ ਕੱਪ ਲਈ ਟਿਕਟਾਂ ਮਿਲਣਗੀਆਂ। ਟੀਮ ਦੇ ਕੋਚ ਬਿਬੀਆਨੋ ਫਰਨਾਂਡੇਜ਼ ਡਰਾਅ ਤੋਂ ਖੁਸ਼ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਾਰੇ ਫੁੱਟਬਾਲਰ ਬਿਹਤਰੀਨ ਟੀਮਾਂ ਨਾਲ ਖੇਡਣਾ ਚਾਹੁੰਦੇ ਹਨ। ਫਿਰ ਜਾਪਾਨ ਏਸ਼ੀਆ ਦੀ ਸਰਵੋਤਮ ਟੀਮ ਹੈ।
ਇਸ ਉਮਰ ਵਰਗ ਵਿੱਚ ਸਾਡੀਆਂ ਪਿਛਲੀਆਂ ਟੀਮਾਂ ਉਜ਼ਬੇਕਿਸਤਾਨ ਅਤੇ ਵੀਅਤਨਾਮ ਖ਼ਿਲਾਫ਼ ਖੇਡ ਚੁੱਕੀਆਂ ਹਨ। ਉਨ੍ਹਾਂ ਦੇ ਖ਼ਿਲਾਫ਼ ਸਾਨੂੰ ਚੰਗੇ ਨਤੀਜੇ ਮਿਲੇ ਹਨ। ਇਸ ਲਈ ਅਸੀਂ ਆਪਣੇ ਟੀਚੇ ਪ੍ਰਤੀ ਸਕਾਰਾਤਮਕ ਹਾਂ। ਸਾਡਾ ਟੀਚਾ ਪਹਿਲੀ ਵਾਰ ਅੰਡਰ-17 ਵਿਸ਼ਵ ਕੱਪ ਲਈ ਕੁਆਲੀਫਾਈ ਕਰਨਾ ਹੈ।
