ਦੇਸ਼, 09 ਸਤੰਬਰ 2025: ਮੰਗਲਵਾਰ ਨੂੰ ਆਲ ਇੰਡੀਆ ਮੈਨੇਜਮੈਂਟ ਐਸੋਸੀਏਸ਼ਨ ਦੇ ਪ੍ਰੋਗਰਾਮ ‘ਚ ਫੌਜ ਮੁਖੀ ਜਨਰਲ ਉਪੇਂਦਰ ਦਿਵੇਦੀ ਨੇ ਕਿਹਾ ਕਿ ਆਤਮਨਿਰਭਰ ਭਾਰਤ ਫੌਜ ਲਈ ਵੀ ਜ਼ਰੂਰੀ ਹੈ। ਪਹਿਲੇ ਸੰਘਰਸ਼ ਦੇ ਸਮੇਂ ਜਿੱਥੇ 100 ਕਿਲੋਮੀਟਰ ਦੀ ਰੇਂਜ ਵਾਲੇ ਹਥਿਆਰਾਂ ਦੀ ਲੋੜ ਸੀ, ਅੱਜ 300 ਕਿਲੋਮੀਟਰ ਦੀ ਰੇਂਜ ਵਾਲੇ ਹਥਿਆਰਾਂ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਸਾਡੇ ਵਿਰੋਧੀਆਂ ਦੀ ਤਕਨਾਲੋਜੀ ਅੱਗੇ ਵਧ ਰਹੀ ਹੈ। ਅਸੀਂ ਹਮੇਸ਼ਾ ਵਿਦੇਸ਼ੀ ਹਥਿਆਰਾਂ ‘ਤੇ ਨਿਰਭਰ ਨਹੀਂ ਕਰ ਸਕਦੇ। ਆਪਣੀ ਯੋਗਤਾ ‘ਤੇ ਭਰੋਸਾ ਅਤੇ ਲਗਾਤਾਰ ਮਜ਼ਬੂਤ ਹੋਣਾ ਹੀ ਸਾਨੂੰ ਭਵਿੱਖ ਦੀਆਂ ਜੰਗਾਂ ਲਈ ਤਿਆਰ ਕਰ ਸਕਦਾ ਹੈ।
ਫੌਜ ਮੁਖੀ ਨੇ ਆਪ੍ਰੇਸ਼ਨ ਸੰਧੂਰ ‘ਤੇ ਕਿਹਾ ਕਿ ਕੁਝ ਲੋਕਾਂ ਨੇ ਕਿਹਾ ਕਿ ਇਹ ਚਾਰ ਦਿਨਾਂ ਦਾ ਟੈਸਟ ਮੈਚ ਸੀ, ਪਰ ਤੁਸੀਂ ਜੰਗ ਬਾਰੇ ਪਹਿਲਾਂ ਤੋਂ ਕੁਝ ਨਹੀਂ ਕਹਿ ਸਕਦੇ। ਸਾਨੂੰ ਕੋਈ ਅੰਦਾਜ਼ਾ ਨਹੀਂ ਸੀ ਕਿ ਇਹ ਆਪ੍ਰੇਸ਼ਨ ਕਿੰਨੇ ਦਿਨ ਚੱਲੇਗਾ। ਜੰਗ ਹਮੇਸ਼ਾ ਅਨਿਸ਼ਚਿਤ ਹੁੰਦੀ ਹੈ। ਜਦੋਂ ਰੂਸ-ਯੂਕਰੇਨ ਜੰਗ ਸ਼ੁਰੂ ਹੋਈ, ਤਾਂ ਕਿਸੇ ਨੂੰ ਵੀ ਅੰਦਾਜ਼ਾ ਨਹੀਂ ਸੀ ਕਿ ਇਹ ਇੰਨੀ ਦੇਰ ਤੱਕ ਚੱਲੇਗੀ। ਈਰਾਨ-ਇਰਾਕ ਜੰਗ ਲਗਭਗ 10 ਸਾਲ ਚੱਲੀ।
ਫੌਜ ਮੁਖੀ ਨੇ ਆਉਣ ਵਾਲੇ ਸਮੇਂ ‘ਚ ਫੌਜ ਵਿੱਚ ਨਵੀਂ ਤਕਨਾਲੋਜੀ ਵਾਲੇ ਹਥਿਆਰਾਂ ਨੂੰ ਸ਼ਾਮਲ ਕਰਨ ‘ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਭਾਰਤ ਹਥਿਆਰਾਂ ਦੇ ਮਾਮਲੇ ‘ਚ ਰਾਈਫਲਾਂ ਤੋਂ ਲੇਜ਼ਰ ਹਥਿਆਰਾਂ ਵੱਲ ਜਾਣਾ ਚਾਹੁੰਦਾ ਹੈ। ਅਸੀਂ ਫੌਜ ‘ਚ ਅਜਿਹੇ ਟੈਂਕ ਸ਼ਾਮਲ ਕਰ ਰਹੇ ਹਾਂ ਜਿਨ੍ਹਾਂ ਨੂੰ ਬਿਨਾਂ ਕਿਸੇ ਵਿਅਕਤੀ ਦੇ ਚਲਾਇਆ ਜਾ ਸਕਦਾ ਹੈ।
ਜਨਰਲ ਉਪੇਂਦਰ ਦਿਵੇਦੀ ਨੇ ਕਿਹਾ ਕਿ ਫੌਜ ਲਈ ਨਵੇਂ ਹੈਲੀਕਾਪਟਰ ਖਰੀਦਣ ਲਈ ਵੀ ਗੱਲਬਾਤ ਚੱਲ ਰਹੀ ਹੈ। ਮੈਂ ਇਸ ਸਬੰਧ ‘ਚ ਕੁਝ ਦਿਨ ਪਹਿਲਾਂ ਵਿਦੇਸ਼ ਗਿਆ ਸੀ। ਅਸੀਂ ਸੈਨਿਕਾਂ ਦੇ ਜੀਵਨ ਨੂੰ ਬਿਹਤਰ ਬਣਾਉਣ ‘ਤੇ ਜ਼ੋਰ ਦੇ ਰਹੇ ਹਾਂ।
Read More: ਆਪ੍ਰੇਸ਼ਨ ਸੰਧੂਰ ‘ਚ ਪੰਜ ਪਾਕਿਸਤਾਨੀ ਲੜਾਕੂ ਜਹਾਜ਼ਾਂ ਨੂੰ ਡੇਗਿਆ: IAF ਮੁਖੀ ਏਪੀ ਸਿੰਘ
