ਚੰਡੀਗੜ੍ਹ, 27 ਅਪ੍ਰੈਲ 2024: ਕੁਰੂਕਸ਼ੇਤਰ ਯੂਨੀਵਰਸਿਟੀ ਦੇ ਇੰਸਟੀਚਿਊਟ ਆਫ਼ ਇੰਟੀਗ੍ਰੇਟਿਡ ਐਂਡ ਆਨਰਜ਼ ਸਟੱਡੀਜ਼ ਵਿਖੇ ਫਾਈਨ ਆਰਟਸ ਕਲੱਬ ਵੱਲੋਂ ਪਹਿਲੇ ਸੈਸ਼ਨ ਵਿਚ ਪੋਸਟਰ ਮੇਕਿੰਗ ਮੁਕਾਬਲਾ (poster competition) ਕਰਵਾਇਆ ਗਿਆ, ਜਿਸ ਵਿਚ ਵੱਡੀ ਗਿਣਤੀ ਵਿਚ ਵਿਦਿਆਰਥੀਆਂ ਨੇ ਭਾਗ ਲਿਆ ਅਤੇ ਨਸ਼ਾ ਛੁਡਾਊ ਅਤੇ ਸਮਾਜਿਕ ਵਿਸ਼ੇ ‘ਤੇ ਸ਼ਾਨਦਾਰ ਪੋਸਟਰ ਬਣਾਏ |
ਦੂਜੇ ਸੈਸ਼ਨ ਵਿੱਚ ਫਾਈਨ ਆਰਟਸ ਕਲੱਬ ਵੱਲੋਂ ਇੱਕ ਵਿਸ਼ੇਸ਼ ਲੈਕਚਰ ਕਰਵਾਇਆ ਗਿਆ ਜਿਸ ਵਿੱਚ ਡੀਨ ਫੈਕਲਟੀ ਆਫ਼ ਇੰਡਿਕ ਸਟੱਡੀਜ਼ ਅਤੇ ਫਾਈਨ ਆਰਟਸ ਵਿਭਾਗ ਦੇ ਮੁਖੀ ਪ੍ਰੋ. ਰਾਮ ਵਿਰੰਜਨ ਨੇ ਵਿਦਿਆਰਥੀਆਂ ਨੂੰ ਫਾਈਨ ਆਰਟਸ ਵਿਸ਼ੇ ਬਾਰੇ ਮੁੱਢਲੀ ਜਾਣਕਾਰੀ ਦਿੱਤੀ ਅਤੇ ਲੈਂਡਸਕੇਪਿੰਗ, ਪੇਂਟਿੰਗ, ਪੋਸਟਰ ਮੇਕਿੰਗ, ਸਲੋਗਨ ਰਾਈਟਿੰਗ, ਰੰਗੋਲੀ, ਮੂਰਤੀ, ਕੈਲੀਗ੍ਰਾਫੀ, ਡੂਡਲ ਆਰਟ, ਮੂਰਲ ਆਦਿ ਵਿਸ਼ਿਆਂ ‘ਤੇ ਡੂੰਘਾਈ ਨਾਲ ਚਾਨਣਾ ਪਾਇਆ।
ਪੋਸਟਰ ਮੁਕਾਬਲੇ (poster competition) ਵਿੱਚ ਆਰਤੀ ਬੀਏ ਦੂਜੇ ਸਾਲ ਦੀ ਵਿਦਿਆਰਥਣ ਨੇ ਪਹਿਲਾ, ਮੁਸਕਾਨ ਬੀਐਸਸੀ ਆਨਰਜ਼ ਦੀ ਵਿਦਿਆਰਥਣ ਨੇ ਦੂਜਾ ਅਤੇ ਵੀਨੂੰ ਬੀਏ ਪਹਿਲੇ ਸਾਲ ਦੀ ਵਿਦਿਆਰਥਣ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਹ ਪ੍ਰੋਗਰਾਮ ਫਾਈਨ ਆਰਟਸ ਕਲੱਬ ਦੇ ਅਧਿਆਪਕ ਇੰਚਾਰਜ ਡਾ: ਮੰਜੂ ਨਰਵਾਲ ਅਤੇ ਡਾ: ਗਿਆਨ ਚਾਹਲ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਕਰਵਾਇਆ ਗਿਆ |
