ਮੋਹਾਲੀ , 10 ਅਪ੍ਰੈਲ 2024: ਮੋਹਾਲੀ ਦੇ ਸੈਕਟਰ -110 ਪਿੰਡ ਭਾਗੋ ਮਾਜਰਾ ਨੇੜੇ ਪ੍ਰਵਾਸੀ ਮਜਦੂਰਾਂ ਦੀ ਝੁੱਗੀਆਂ (slums) ‘ਚ ਭਿਆਨਕ ਅੱਗ ਲੱਗ ਗਈ | ਅੱਗ ਇੰਨੀਂ ਭਿਆਨਕ ਸੀ ਕਿ ਧੂੰਏ ਦੇ ਗੁਬਾਰ ਅਸਮਾਨ ‘ਚ ਕਾਫੀ ਦੂਰ ਤੋਂ ਦੇਖੇ ਆ ਸਕਦੇ ਸਨ | ਇਸ ਹਾਦਸੇ ‘ਚ ਕਈ ਝੁੱਗੀਆਂ ਸੜ ਕੇ ਸੁਆਹ ਹੋ ਗਈਆਂ ਹਨ |

ਫਿਲਹਾਲ ਸਥਾਨਕ ਲੋਕਾਂ ਅਤੇ ਫਾਇਰ ਬ੍ਰਿਗੇਡ ਦੇ ਅਧਿਕਾਰੀ ਅੱਗ ਬੁਝਾਉਣ ‘ਚ ਲੱਗੇ ਹੋਏ ਹਨ |ਝੁੱਗੀਆਂ (slums) ‘ਚ ਅੱਗ ਲੱਗਣ ਦੇ ਕਾਰਨਾ ਦਾ ਫਿਲਹਾਲ ਪਤਾ ਨਹੀਂ ਲੱਗ ਸਕਿਆ | ਪੀੜਤਾਂ ਦਾ ਕਹਿਣਾ ਹੈ ਕਿ ਅੱਗ ਕਿਵੇਂ ਲੱਗੀ ਇਸਦਾ ਕੋਈ ਪਤਾ ਨਹੀਂ | ਇੱਕ ਪੀੜਤ ਬੀਬੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਆਪਣੀ ਕੁੜੀ ਦੇ ਵਿਆਹ ਲਈ ਸਮਾਨ, ਗਹਿਣੇ ਤੇ ਪੈਸਾ ਜੋੜਿਆ ਸੀ | ਇਸ ਹਾਦਸੇ ‘ਚ ਉਨ੍ਹਾਂ ਦਾ ਘਰ ਅਤੇ ਸਾਰਾ ਸਮਾਨ ਸੜ ਕੇ ਸੁਆਹ ਹੋ ਗਿਆ ਹੈ |