ਚੰਡੀਗੜ੍ਹ, 16 ਸਤੰਬਰ 2024: ਹਰਿਆਣਾ ‘ਚ ਅੱਜ ਅੰਬਾਲਾ ਦੇ ਸੁੰਦਰ ਨਗਰ ਦੇ ਸੈਂਕੜੇ ਨੌਜਵਾਨ ਕਾਂਗਰਸ (Congress) ਦੇ ਯੂਥ ਪ੍ਰਧਾਨ ਮੰਗਲ ਪਾਂਡੇ ਟਿੰਕੂ ਦੀ ਪ੍ਰਧਾਨਗੀ ਹੇਠ ਭਾਰਤੀ ਜਨਤਾ ਪਾਰਟੀ (BJP) ‘ਚ ਸ਼ਾਮਲ ਹੋ ਗਏ ਹਨ । ਸਾਬਕਾ ਮੰਤਰੀ ਅਨਿਲ ਵਿਜ ਨੇ ਅੱਜ ਅੰਬਾਲਾ ਦੇ ਨਿਕਲਸਨ ਰੋਡ ‘ਤੇ ਭਾਰਤੀ ਜਨਤਾ ਪਾਰਟੀ ਦੇ ਚੋਣ ਦਫ਼ਤਰ ‘ਚ ਸਾਰੇ ਨੌਜਵਾਨਾਂ ਦਾ ਪਾਰਟੀ ‘ਚ ਸਵਾਗਤ ਕੀਤਾ ਹੈ ।

ਉਨ੍ਹਾਂ ਕਿਹਾ ਕਿ ਨੌਜਵਾਨ ਪਾਰਟੀ (BJP) ਦੀ ਰੀੜ੍ਹ ਦੀ ਹੱਡੀ ਹਨ ਅਤੇ ਨੌਜਵਾਨਾਂ ਦੇ ਭਾਜਪਾ ‘ਚ ਸ਼ਾਮਲ ਹੋਣ ਨਾਲ ਪਾਰਟੀ ਪਹਿਲਾਂ ਨਾਲੋਂ ਵੀ ਮਜ਼ਬੂਤ ​​ਹੋਵੇਗੀ। ਉਨ੍ਹਾਂ ਕਿਹਾ ਕਿ ਭਾਜਪਾ ‘ਚ ਹਰ ਵਰਗ ਨੂੰ ਪੂਰਾ ਸਤਿਕਾਰ ਦਿੱਤਾ ਜਾਂਦਾ ਹੈ। ਕਾਂਗਰਸ (Congress) ਦੇ ਯੂਥ ਪ੍ਰਧਾਨ ਮੰਗਲ ਪਾਂਡੇ ਟਿੰਕੂ ਦੀ ਅਗਵਾਈ ‘ਚ ਸੈਂਕੜੇ ਨੌਜਵਾਨ ਭਾਜਪਾ ਵਿੱਚ ਸ਼ਾਮਲ ਹੋਏ। ਇਨ੍ਹਾਂ ਵਿੱਚ ਰਾਜੇਸ਼ ਕੁਮਾਰ, ਸੰਜੇ, ਸੁਰੇਸ਼, ਰਜਨੀਸ਼, ਸੰਨੀ, ਬੌਬੀ, ਕੇਸ਼ਵ, ਰਿਸ਼ਭ, ਦੇਵ, ਮਨੀਸ਼, ਆਰੀਅਨ, ਅਭਿਸ਼ੇਕ, ਪੂਰਵਾ, ਸ਼ੁਭਮ, ਦੇਵ ਕੁਮਾਰ, ਸ਼ਰਦ ਆਦਿ ਭਾਜਪਾ ਵਿੱਚ ਸ਼ਾਮਲ ਹੋਏ।