ਗੁਰੂ ਦੇ ਲੰਗਰ ਵਰਗਾ ਸਵਾਦ ਪੂਰੇ ਵਿਸ਼ਵ ‘ਚੋਂ ਕੋਈ ਵੀ ਸ਼ੈਫ ਨਹੀਂ ਦੇ ਸਕਦਾ: ਮਾਸਟਰ ਸ਼ੈਫ ਸੰਜੀਵ ਕਪੂਰ

ਅੰਮ੍ਰਿਤਸਰ, 16 ਜੂਨ 2023: ਵਿਸ਼ਵ ਭਰ ਵਿੱਚ ਮਾਸਟਰ ਸ਼ੈਫ ਵਜੋਂ ਜਾਣੇ ਜਾਂਦੇ ਸੰਜੀਵ ਕਪੂਰ (Master Chef Sanjeev Kapoor) ਸੱਚਖੰਡ ਸ੍ਰੀ ਦਰਬਾਰ ਸਾਹਿਬ ਵਿਖੇ ਮੱਥਾ ਟੇਕਣ ਪਹੁੰਚੇ, ਇਸਤੋਂ ਬਾਅਦ ਉਨ੍ਹਾਂ ਪਵਿੱਤਰ ਗੁਰਬਾਣੀ ਦਾ ਕੀਰਤਨ ਵੀ ਸਰਵਣ ਕੀਤਾ | ਇਸਦੇ ਨਾਲ ਹੀ ਐਸਜੀਪੀਸੀ ਦੇ ਮੁਲਾਜ਼ਮਾਂ ਵੱਲੋਂ ਉਹਨਾਂ ਨੂੰ ਸੂਚਨਾ ਕੇਂਦਰ ਵਿਖੇ ਸਨਮਾਨਿਤ ਵੀ ਕੀਤਾ ਗਿਆ |

ਇਸ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਮਾਸਟਰ ਸ਼ੈਫ ਸੰਜੀਵ ਕਪੂਰ ਨੇ ਕਿਹਾ ਕਿ ਉਹ ਸੁਟਿੰਗ ਲਈ ਅੰਮ੍ਰਿਤਸਰ ਆਏ ਸਨ, ਇਸ ਦੌਰਾਨ ਸੱਚਖੰਡ ਸ੍ਰੀ ਦਰਬਾਰ ਸਾਹਿਬ ਮੱਥਾ ਟੇਕਣ ਆਏ ਹਨ | ਉਨ੍ਹਾਂ ਨੇ ਕਿਹਾ ਕਿ ਉਹ ਆਪਣੇ ਘਰ ਤੋਂ ਲਾਈਵ ਟੈਲੀਕਾਸਟ ਰਾਹੀਂ ਰੋਜ਼ਾਨਾ ਹੀ ਸ੍ਰੀ ਦਰਬਾਰ ਸਾਹਿਬ ਦੇ ਦਰਸ਼ਨ ਦੀਦਾਰ ਕਰਦੇ ਹਨ | ਸਾਡੇ ਪਰਿਵਾਰ ਦਾ ਗੁਰੂ ਸਾਹਿਬ ਪ੍ਰਤੀ ਪ੍ਰੇਮ ਤੇ ਆਸਥਾ ਹੈ, ਜਦੋਂ ਵੀ ਆਉਂਦਾ ਹਾਂ ਮਾਤਾ ਜੀ ਕੁਝ ਨਾ ਕੁਝ ਚੜਾਉਣ ਲਈ ਭੇਜਦੇ ਹਨ |

ਉਨ੍ਹਾਂ ਕਿਹਾ ਅੱਜ ਸ੍ਰੀ ਦਰਬਾਰ ਸਾਹਿਬ ਵਿਖੇ ਮੱਥਾ ਟੇਕਣ ਦਾ ਸੁਭਾਗ ਮਿਲਿਆ ਹੈ ਅਤੇ ਸੱਚਖੰਡ ਸ਼੍ਰੀ ਦਰਬਾਰ ਸਾਹਿਬ ਵਿੱਚ ਗੁਰੂ ਰਾਮਦਾਸ ਦੇ ਲੰਗਰ ਵਰਗਾ ਲੰਗਰ ਦੁਨੀਆ ਵਿੱਚ ਕੋਈ ਵੀ ਸ਼ੇਫ ਨਹੀਂ ਬਣਾ ਸਕਦਾ ਅਤੇ ਜਦੋਂ ਵੀ ਉਹ ਅੰਮ੍ਰਿਤਸਰ ਆਉਂਦੇ ਹਨ ਤਾਂ ਇੱਥੋਂ ਦਾ ਮਸ਼ਹੂਰ ਅੰਮ੍ਰਿਤਸਰੀ ਕੁਲਚਾ ਜ਼ਰੂਰ ਖਾ ਕੇ ਜਾਂਦੇ ਹਨ |