ਲੁਧਿਆਣਾ, 16 ਫਰਵਰੀ 2026: ਸੀਟੀ ਯੂਨੀਵਰਸਿਟੀ ਦੇ ਵਿਦਿਆਰਥੀ ਕਲੱਬਾਂ ਨੇ ਡਿਵਿਜ਼ਨ ਆਫ ਸਟੂਡੈਂਟ ਵੈਲਫੇਅਰ ਦੇ ਅਧੀਨ ਐਨਕਿੰਡਲ ਵੈਲੈਂਟਾਈਨ 3.0 ਕਰਵਾਇਆ | ਇਸ ਸਮਾਗਮ ਨੇ ਵੱਖ-ਵੱਖ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਇਕੱਠੇ ਕਰਕੇ ਰਚਨਾਤਮਕਤਾ, ਅਭਿਵੈਕਤੀ ਅਤੇ ਖੁਸ਼ੀ ਨਾਲ ਭਰੀ ਯਾਦਗਾਰ ਸ਼ਾਮ ਬਖ਼ਸ਼ੀ।
“ਯੂਨਾਈਟਿੰਗ ਮਾਈਂਡਜ਼, ਸਪ੍ਰੈਡਿੰਗ ਲਵ” ਥੀਮ ਅਧੀਨ ਕਰਵਾਏ ਇਸ ਪ੍ਰੋਗਰਾਮ ‘ਚ ਮਨੋਰੰਜਨ ਦੇ ਨਾਲ-ਨਾਲ ਸਮਾਜਿਕ ਜ਼ਿੰਮੇਵਾਰੀ ਦਾ ਸੁਨੇਹਾ ਵੀ ਦਿੱਤਾ। ਡਾਂਸ, ਗਾਇਕੀ, ਫੈਸ਼ਨ ਸ਼ੋਅ ਅਤੇ ਕਈ ਰੰਗ-ਬਰੰਗੀਆਂ ਗਤੀਵਿਧੀਆਂ ਨੇ ਦਰਸ਼ਕਾਂ ਨੂੰ ਮੋਹ ਲਿਆ। #ਸਪ੍ਰੈਡਦਲਵ ਮੁਹਿੰਮ ਰਾਹੀਂ ਚੈਰਿਟੀ ਅਤੇ ਆਪਸੀ ਪਿਆਰ ਦਾ ਸੰਦੇਸ਼ ਵੀ ਦਿੱਤਾ।
ਇਸ ਮੌਕੇ ‘ਤੇ ਪ੍ਰੋ ਚਾਂਸਲਰ ਡਾ. ਮਨਬੀਰ ਸਿੰਘ, ਵਾਈਸ ਚਾਂਸਲਰ ਡਾ. ਨਿਤਿਨ ਟੰਡਨ, ਪ੍ਰੋ ਵਾਈਸ ਚਾਂਸਲਰ ਡਾ. ਸਿਮਰਨਜੀਤ ਕੌਰ ਗਿੱਲ ਅਤੇ ਡਾਇਰੈਕਟਰ ਡੀਐਸਡਬਲਿਊ ਇਰ. ਦਵਿੰਦਰ ਸਿੰਘ ਦੀ ਗਰਿਮਾਮਈ ਹਾਜ਼ਰੀ ਨੇ ਸਮਾਗਮ ਨੂੰ ਚਾਰ ਚੰਨ ਲਗਾ ਦਿੱਤੇ। ਉਨ੍ਹਾਂ ਦੇ ਪ੍ਰੇਰਣਾਦਾਇਕ ਸ਼ਬਦਾਂ ਨੇ ਵਿਦਿਆਰਥੀਆਂ ਦਾ ਹੌਂਸਲਾ ਵਧਾਇਆ।
ਮੁਕਾਬਲਿਆਂ ‘ਚ ਵੱਖ-ਵੱਖ ਸਕੂਲਾਂ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਜਿਸ ਨਾਲ ਨਤੀਜੇ ਬਹੁਤ ਹੀ ਰੋਮਾਂਚਕ ਰਹੇ। ਅੰਤਿਮ ਨਤੀਜਿਆਂ ‘ਚ ਪਹਿਲਾ ਸਥਾਨ, ਸਕੂਲ ਆਫ ਇੰਜੀਨੀਅਰਿੰਗ ਐਂਡ ਟੈਕਨੋਲੋਜੀ, ਦੂਜਾ ਸਥਾਨ, ਸਕੂਲ ਆਫ ਲਾਅ, ਤੀਜਾ ਸਥਾਨ ‘ਚ ਸਕੂਲ ਆਫ ਸੋਸ਼ਲ ਸਾਇੰਸਜ਼ ਐਂਡ ਲਿਬਰਲ ਆਰਟਸ ਦਾ ਰਿਹਾ |
ਸਭਾ ਨੂੰ ਸੰਬੋਧਨ ਕਰਦਿਆਂ ਡਾ. ਮਨਬੀਰ ਸਿੰਘ ਨੇ ਡਿਵਿਜ਼ਨ ਆਫ ਸਟੂਡੈਂਟ ਵੈਲਫੇਅਰ ਅਤੇ ਵਿਦਿਆਰਥੀ ਕਲੱਬਾਂ ਦੇ ਯਤਨਾਂ ਦੀ ਸਰਾਹਨਾ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਵਿਦਿਆਰਥੀਆਂ ‘ਚ ਅਗਵਾਈ ਗੁਣ, ਸੱਭਿਆਚਾਰਕ ਸਮਝ ਅਤੇ ਭਾਵਨਾਤਮਕ ਬੁੱਧੀਮਤਾ ਦਾ ਵਿਕਾਸ ਕਰਦੇ ਹਨ, ਜੋ ਅਕਾਦਮਿਕ ਪ੍ਰਾਪਤੀਆਂ ਜਿਤਨੇ ਹੀ ਮਹੱਤਵਪੂਰਨ ਹਨ।
ਡਾਇਰੈਕਟਰ ਡੀਐਸਡਬਲਿਊ ਇਰ. ਦਵਿੰਦਰ ਸਿੰਘ ਨੇ ਵਿਦਿਆਰਥੀਆਂ ਦੀ ਉਤਸ਼ਾਹਪੂਰਣ ਭਾਗੀਦਾਰੀ ‘ਤੇ ਮਾਣ ਜਤਾਇਆ ਅਤੇ ਕਿਹਾ ਕਿ ਐਨਕਿੰਡਲ ਸਿਰਫ਼ ਇਕ ਜਸ਼ਨ ਨਹੀਂ, ਸਗੋਂ ਟੀਮਵਰਕ, ਇਕਤਾ ਅਤੇ ਸਮਾਜਿਕ ਜ਼ਿੰਮੇਵਾਰੀ ਦੀ ਪ੍ਰਤੀਕ ਹੈ।
ਐਨਕਿੰਡਲ ਵੈਲੈਂਟਾਈਨ 3.0 ਖੁਸ਼ੀ ਅਤੇ ਏਕਤਾ ਦੇ ਮਾਹੌਲ ‘ਚ ਸਮਾਪਤ ਹੋਇਆ, ਜੋ ਸਭ ਲਈ ਸੁਹਣੀਆਂ ਯਾਦਾਂ ਛੱਡ ਗਿਆ। ਇਸ ਪ੍ਰੋਗਰਾਮ ਨੇ ਇਕ ਵਾਰ ਫਿਰ ਸੀਟੀ ਯੂਨੀਵਰਸਿਟੀ ਦੀ ਸਮੱਗਰੀਕ ਵਿਕਾਸ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਇਆ।
Read More: ਸੀਟੀ ਗਰੁੱਪ ‘ਚ ‘ਦੌਰ-ਏ-ਮੁਹੱਬਤ’ ਨੇ ਬਿਖੇਰਿਆ ਸੂਫ਼ੀਆਨਾ ਸੁਰਾਂ ਦਾ ਜਾਦੂ
