ਮੋਹਾਲੀ, 30 ਜਨਵਰੀ 2026: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਮੋਹਾਲੀ ‘ਚ ਕਰਵਾਏ ਇੱਕ ਪ੍ਰੋਗਰਾਮ ‘ਚ 916 ਨਵ-ਨਿਯੁਕਤ ਕਰਮਚਾਰੀਆਂ ਨੂੰ ਨਿਯੁਕਤੀ ਪੱਤਰ ਵੰਡੇ ਗਏ। ਇਸ ਮੌਕੇ ਪੰਜਾਬ ਦੇ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ ਨੇ ਕਿਹਾ ਕਿ ਅੱਜ ਜਿਨ੍ਹਾਂ ਕਰਮਚਾਰੀਆਂ ਨੂੰ ਨਿਯੁਕਤੀ ਪੱਤਰ ਦਿੱਤੇ ਹਨ, ਉਹ ਸਾਰੇ ਸਿਹਤ ਵਿਭਾਗ ‘ਚ ਸ਼ਾਮਲ ਹੋਣਗੇ। ਉਨ੍ਹਾਂ ਐਲਾਨ ਕੀਤਾ ਕਿ ਪੰਜਾਬ ‘ਚ ਛੇਤੀ ਹੀ ਛੇ ਤੋਂ ਅੱਠ ਮੈਡੀਕਲ ਕਾਲਜ ਬਣਾਏ ਜਾਣਗੇ। ਮੁੱਖ ਮੰਤਰੀ ਛੇ ਮਹੀਨਿਆਂ ਦੇ ਅੰਦਰ ਇਨ੍ਹਾਂ ਦਾ ਨੀਂਹ ਪੱਥਰ ਰੱਖਣਗੇ।
ਸਿਹਤ ਮੰਤਰੀ ਬਲਬੀਰ ਸਿੰਘ ਨੇ ਇਹ 75 ਸਾਲਾਂ ‘ਚ ਪਹਿਲੀ ਵਾਰ ਹੈ ਜਦੋਂ ਕਿਸੇ ਮੁੱਖ ਮੰਤਰੀ ਮਾਨ ਨੇ ਚਾਰ ਸਾਲਾਂ ‘ਚ 64,000 ਨੌਕਰੀਆਂ ਦਿੱਤੀਆਂ ਹਨ। ਮੁੱਖ ਮੰਤਰੀ ਨੇ ਵਿਰੋਧੀ ਧਿਰ ‘ਤੇ ਹਮਲਾ ਕਰਦਿਆਂ ਉਨ੍ਹਾਂ ਕਿਹਾ, “ਅਸੀਂ ਚਾਰ ਸਾਲਾਂ ‘ਚ 63,000 ਤੋਂ ਵੱਧ ਨੌਕਰੀਆਂ ਪੈਦਾ ਕੀਤੀਆਂ ਹਨ, ਪਰ ਵਿਰੋਧੀ ਧਿਰ ਇਤਰਾਜ਼ ਉਠਾਉਂਦੀ ਹੈ। ਉਹ ਖਾਮੀਆਂ ਲੱਭਦੇ ਹਨ। ਉਹ ਤੁਹਾਡਾ ਨਿਵਾਸ ਸਥਾਨ ਮੰਗਦੇ ਹਨ ਅਤੇ ਦਾਅਵਾ ਕਰਦੇ ਹਨ ਕਿ ਨੌਕਰੀਆਂ ਬਾਹਰੀ ਲੋਕਾਂ ਨੂੰ ਦਿੱਤੀਆਂ ਗਈਆਂ ਹਨ। ਪਿਛਲੀਆਂ ਸਰਕਾਰਾਂ ਨੇ ਬੱਚਿਆਂ ਦੇ ਸਕਾਲਰਸ਼ਿਪ ਫੰਡਾਂ ‘ਚ ਗਬਨ ਕੀਤਾ।”
ਮੁੱਖ ਮੰਤਰੀ ਮਾਨ ਨੇ ਕਿਹਾ ਕਿ ਹੁਣ 63,943 ਨੌਕਰੀਆਂ ਪੈਦਾ ਕੀਤੀਆਂ ਹਨ। ਜੇਕਰ ਕੱਲ੍ਹ ਗਿਣਤੀ ਵਧਦੀ ਹੈ, ਤਾਂ ਹੋਰ ਵੀ ਜੋੜੀਆਂ ਜਾਣਗੀਆਂ। ਸੰਵਿਧਾਨ ਦਾ 77ਵਾਂ ਜਨਮ ਦਿਨ 26 ਜਨਵਰੀ ਨੂੰ ਮਨਾਇਆ ਗਿਆ। ਸਾਨੂੰ ਸੰਵਿਧਾਨ ਦੇ ਅੰਦਰ ਸਾਰੇ ਅਧਿਕਾਰ ਦਿੱਤੇ ਗਏ ਹਨ, ਪਰ ਸਾਨੂੰ ਉਹ ਬਾਹਰ ਨਹੀਂ ਮਿਲੇ। ਉਹ ਅਧਿਕਾਰ ਖੋਹੇ ਗਏ ਜਾਂ ਲੁੱਟੇ ਗਏ।
