ਪ੍ਰਯਾਗਰਾਜ, 14 ਜਨਵਰੀ 2026: Magh Mela: ਮਕਰ ਸੰਕ੍ਰਾਂਤੀ ‘ਤੇ ਮਾਘ ਮੇਲੇ ‘ਚ ਪ੍ਰਯਾਗਰਾਜ ‘ਚ ਗੰਗਾ, ਯਮੁਨਾ ਅਤੇ ਅਦਿੱਖ ਸਰਸਵਤੀ ਦੇ ਸੰਗਮ ‘ਤੇ ਸ਼ਰਧਾਲੂ ਵੱਡੀ ਗਿਣਤੀ ‘ਚ ਪਹੁੰਚ ਰਹੇ ਹਨ। ਬੁੱਧਵਾਰ ਸਵੇਰ ਤੋਂ ਹੀ ਸੰਗਮ ਵੱਲ ਜਾਣ ਵਾਲੇ ਸਾਰੇ ਰਸਤਿਆਂ ‘ਤੇ ਸ਼ਰਧਾਲੂਆਂ ਦੀ ਭਾਰੀ ਆਮਦ ਦੇਖੀ ਗਈ। ਐਂਟਰੀ ਪੁਆਇੰਟਾਂ ‘ਤੇ ਵਾਹਨਾਂ ਨੂੰ ਰੋਕ ਦਿੱਤਾ ਹੈ।
ਮੇਲਾ ਖੇਤਰ ‘ਚ ਲੱਖਾਂ ਲੋਕ ਇਕੱਠੇ ਹੋ ਗਏ ਹਨ, ਲੋਕ ਪੈਦਲ ਮੇਲਾ ਖੇਤਰ ‘ਚ ਦਾਖਲ ਹੋ ਰਹੇ ਹਨ। ਐਂਟਰੀ ਪੁਆਇੰਟਾਂ ‘ਤੇ ਵਾਹਨਾਂ ਨੂੰ ਰੋਕ ਦਿੱਤਾ ਗਿਆ ਹੈ। ਸਿਰਫ਼ ਦੋਪਹੀਆ ਵਾਹਨ ਪਾਸ ਵਾਲੇ ਵਾਹਨਾਂ ਨੂੰ ਹੀ ਇਜਾਜ਼ਤ ਹੈ। ਪੁਲਿਸ ਨੇ ਆਪਣੀ ਗਤੀਵਿਧੀ ਵਧਾ ਦਿੱਤੀ ਹੈ। ਲੋਕ ਘਾਟਾਂ ‘ਤੇ ਇਸ਼ਨਾਨ ਕਰ ਰਹੇ ਹਨ।
ਮਕਰ ਸੰਕ੍ਰਾਂਤੀ ‘ਤੇ ਮਾਘ ਮੇਲੇ ‘ਚ ਭੀੜ ‘ਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਮੇਲਾ ਪ੍ਰਸ਼ਾਸਨ ਦਾ ਦਾਅਵਾ ਹੈ ਕਿ ਸਵੇਰੇ 4:00 ਵਜੇ ਤੋਂ ਦੁਪਹਿਰ 12:00 ਵਜੇ ਦੇ ਵਿਚਕਾਰ 50 ਲੱਖ ਲੋਕਾਂ ਨੇ ਇਸ਼ਨਾਨ ਕੀਤਾ। ਮਕਰ ਸੰਕ੍ਰਾਂਤੀ ‘ਤੇ ਮਾਘ ਮੇਲੇ ‘ਚ ਵੱਡੀ ਭੀੜ ਨੂੰ ਦੇਖਦੇ ਹੋਏ, NDRF, SDRF ਅਤੇ ਜਲ ਪੁਲਿਸ ਦੀਆਂ ਟੀਮਾਂ ਨੂੰ ਸਰਗਰਮ ਕਰ ਦਿੱਤਾ ਹੈ। ਘਾਟਾਂ ਦੀ ਲਗਾਤਾਰ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਡੂੰਘੇ ਸਥਾਨਾਂ ਨੂੰ ਨਿਸ਼ਾਨਬੱਧ ਕੀਤਾ ਹੈ ਅਤੇ ਸੰਕੇਤ ਲਗਾਏ ਹਨ। ਘਾਟਾਂ ਦੀ ਤਿਆਰੀ ਬੁੱਧਵਾਰ ਨੂੰ ਦਿਨ ਭਰ ਜਾਰੀ ਰਹੀ।
ਚੰਦੌਲੀ ਤੋਂ ਆਏ ਰਾਮ ਕਿਸ਼ੋਰ ਤਿਵਾੜੀ ਨੇ ਕਿਹਾ ਕਿ ਉਹ ਆਪਣੇ ਪਰਿਵਾਰ ਨਾਲ ਮੇਲੇ ‘ਚ ਆਏ ਹਨ। ਉਨ੍ਹਾਂ ਨੇ ਅੱਜ ਵੀ ਇਸ਼ਨਾਨ ਕੀਤਾ ਅਤੇ ਕੱਲ੍ਹ ਵੀਰਵਾਰ ਨੂੰ ਵੀ ਇਸ਼ਨਾਨ ਕਰਕੇ ਘਰ ਲਈ ਰਵਾਨਾ ਹੋ ਜਾਣਗੇ। ਏਟੀਐਸ ਦੇ ਨਾਲ ਅਰਧ ਸੈਨਿਕ ਕਰਮਚਾਰੀ ਸੰਗਮ ਸਮੇਤ ਸਾਰੇ ਘਾਟਾਂ ‘ਤੇ ਨਜ਼ਰ ਰੱਖ ਰਹੇ ਹਨ। ਸੰਗਮ ਵਾਚ ਟਾਵਰ ਤੋਂ ਪੂਰੇ ਮੇਲਾ ਖੇਤਰ ਅਤੇ ਇਸ਼ਨਾਨ ਘਾਟਾਂ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਸ਼ਰਧਾਲੂਆਂ ਦਾ ਇਸ਼ਨਾਨ ਕਰਨ ਦਾ ਸਿਲਸਿਲਾ ਜਾਰੀ ਹੈ। ਬੁੱਧਵਾਰ ਦੁਪਹਿਰ ਤੋਂ ਸੂਰਜ ਦੇ ਮਕਰ ਰਾਸ਼ੀ ‘ਚ ਪ੍ਰਵੇਸ਼ ਕਰਨ ਤੋਂ ਬਾਅਦ, ਅੱਜ ਵੀ ਵੱਡੀ ਗਿਣਤੀ ‘ਚ ਸ਼ਰਧਾਲੂ ਇਸ਼ਨਾਨ ਕਰ ਰਹੇ ਹਨ।
Read More: Magh Mela: ਮਾਘ ਮੇਲੇ ‘ਚ ਸ਼ਰਧਾਲੂਆਂ ਦੀ ਭਾਰੀ ਆਮਦ ਕਰਕੇ ਟ੍ਰੈਫਿਕ ਡਾਇਵਰਸ਼ਨ ਲਾਗੂ, 12-12 ਘੰਟੇ ਰੋਕੇ ਜਾਣਗੇ ਵਾਹਨ
