ਚੰਡੀਗੜ੍ਹ, 02 ਦਸੰਬਰ 2025: ਸੋਮਵਾਰ ਦੇਰ ਸ਼ਾਮ ਚੰਡੀਗੜ੍ਹ ਦੇ ਸੈਕਟਰ-26 ਟਿੰਬਰ ਮਾਰਕੀਟ ‘ਚ ਇੱਕ ਕਾਰ ‘ਚ ਸਵਾਰ ਇੰਦਰਪ੍ਰੀਤ ਸਿੰਘ ਉਰਫ਼ ਪੈਰੀ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ | ਪੰਚਕੂਲਾ ਸੀਆਈਏ ਟੀਮ ਨੇ ਕ੍ਰੇਟਾ ਕਾਰ ਬਰਾਮਦ ਕਰ ਲਈ ਹੈ, ਜਿਸ ‘ਚ ਹਮਲਾਵਰ ਆਏ ਸਨ। ਇਲਾਕੇ ਦੇ ਸੀਸੀਟੀਵੀ ਫੁਟੇਜ ‘ਚ ਦੋ ਕਾਰਾਂ ‘ਚ ਨੌਜਵਾਨਾਂ ਦੀ ਹਰਕਤ ਵੀ ਕੈਦ ਹੋਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਇੰਦਰਪ੍ਰੀਤ ਸਿੰਘ ਉਰਫ਼ ਪੈਰੀ ਲਾਰੈਂਸ ਬਿਸ਼ਨੋਈ ਦੇ ਕਰੀਬੀ ਦੋਸਤ ਸੀ | ਇੰਦਰਪ੍ਰੀਤ ਸਿੰਘ ਉਰਫ਼ ਪੈਰੀ ਦਾ ਸੋਮਵਾਰ ਸ਼ਾਮ 6:15 ਵਜੇ ਦੇ ਕਰੀਬ ਸੈਕਟਰ-26 ਟਿੰਬਰ ਮਾਰਕੀਟ ‘ਚ ਕਤਲ ਕਤਲ ਕਰ ਦਿੱਤਾ ਗਿਆ। ਪੈਰੀ ਦੇ ਕਰੀਬੀਆਂ ਨੂੰ ਉਸਦੇ ਕਤਲ ਲਈ ਜ਼ਿੰਮੇਵਾਰ ਦੱਸਿਆ ਜਾ ਰਿਹਾ ਹੈ। ਜਦੋਂ ਪੈਰੀ ਟਿੰਬਰ ਮਾਰਕੀਟ ‘ਚ ਆਪਣੀ ਕੀਆ ਕਾਰ ਚਲਾ ਰਿਹਾ ਸੀ, ਤਾਂ ਅਚਾਨਕ ਇੱਕ ਹੋਰ ਕਾਰ ਉਸਦੀ ਕਾਰ ਦੇ ਸਾਹਮਣੇ ਆ ਗਈ ਅਤੇ ਉਸਦਾ ਰਸਤਾ ਰੋਕ ਲਿਆ।
ਪੈਰੀ ਦੇ ਪ੍ਰਤੀਕਿਰਿਆ ਕਰਨ ਤੋਂ ਪਹਿਲਾਂ, ਹਮਲਾਵਰਾਂ ਨੇ ਗੋਲੀਬਾਰੀ ਕਰ ਦਿੱਤੀ। ਉਸਨੂੰ ਉਸਦੀ ਛਾਤੀ, ਮੋਢੇ ਅਤੇ ਪਿੱਠ ‘ਚ ਲਗਭਗ ਪੰਜ ਗੋਲੀਆਂ ਲੱਗੀਆਂ। ਦੱਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ‘ਚੋਂ ਇੱਕ ਕਥਿਤ ਤੌਰ ‘ਤੇ ਅਮਰੀਕਾ ‘ਚ ਇੱਕ ਗੈਂਗਸਟਰ ਨੂੰ ਘਟਨਾਵਾਂ ਦਾ ਸਾਰਾ ਕ੍ਰਮ ਦਿਖਾ ਰਿਹਾ ਸੀ। ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਅਤੇ ਪੈਰੀ ਚੰਡੀਗੜ੍ਹ ਦੇ ਡੀਏਵੀ ਕਾਲਜ ‘ਚ ਆਪਣੇ ਦਿਨਾਂ ਤੋਂ ਹੀ ਦੋਸਤ ਸਨ। ਇਸ ਘਟਨਾ ਤੋਂ ਬਾਅਦ ਲਾਰੈਂਸ ਗੈਂਗ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ ‘ਤੇ ਇੱਕ ਪੋਸਟ ਪਾ ਕੇ ਕਤਲ ਦੀ ਜ਼ਿੰਮੇਵਾਰੀ ਲਈ ਹੈ।
