ਵਿਦੇਸ਼, 21 ਨਵੰਬਰ 2025: Miss Universe Fatima Bosch: ਮੈਕਸੀਕੋ ਦੀ ਫਾਤਿਮਾ ਬੋਸ਼ ਨੂੰ ਨਵੀਂ ਮਿਸ ਯੂਨੀਵਰਸ ਦਾ ਤਾਜ ਪਹਿਨਾਇਆ ਗਿਆ ਹੈ। ਥਾਈਲੈਂਡ ‘ਚ ਹੋਏ ਇਸ ਵੱਕਾਰੀ ਮੁਕਾਬਲੇ ‘ਚ ਫਾਤਿਮਾ ਨੇ ਦੁਨੀਆ ਭਰ ਦੀਆਂ ਸੁੰਦਰੀਆਂ ਦੇ ਖੇਤਰ ‘ਚੋਂ ਮਿਸ ਯੂਨੀਵਰਸ ਦਾ ਤਾਜ ਜਿੱਤਿਆ ਹੈ। ਭਾਰਤ ਚੋਟੀ ਦੇ 12 ‘ਚੋਂ ਬਾਹਰ ਹੋ ਗਿਆ।
ਜਿਵੇਂ ਹੀ ਫਾਤਿਮਾ (Fatima Bosch) ਦੇ ਨਾਮ ਦਾ ਜੇਤੂ ਵਜੋਂ ਐਲਾਨ ਕੀਤਾ ਗਿਆ ਅਤੇ ਤਾਜ ਉਸਦੇ ਸਿਰ ‘ਤੇ ਰੱਖਿਆ ਗਿਆ, ਫਾਤਿਮਾ ਬੋਸ਼ ਦੇ ਅੱਖਾਂ ਹੰਝੂਆਂ ਨਾਲ ਭਰ ਗਈਆਂ। ਇਹ ਹੰਝੂ ਸਾਲਾਂ ਦੀ ਸਖ਼ਤ ਮਿਹਨਤ, ਮਹੀਨਿਆਂ ਦੇ ਸਬਰ ਅਤੇ ਬੇਅੰਤ ਖੁਸ਼ੀ ਦਾ ਪ੍ਰਤੀਬਿੰਬ ਸਨ। ਫਾਤਿਮਾ ਬੋਸ਼ ਭਾਵੁਕ ਅਤੇ ਬਹੁਤ ਖੁਸ਼ ਦੋਵੇਂ ਸੀ। ਉਹ ਲਾਲ ਗਾਊਨ ‘ਚ ਸ਼ਾਨਦਾਰ ਲੱਗ ਰਹੀ ਸੀ।
2025 ਦੇ ਮਿਸ ਯੂਨੀਵਰਸ ਮੁਕਾਬਲੇ ‘ਚ ਪਹਿਲੀ ਰਨਰ-ਅੱਪ ਥਾਈਲੈਂਡ ਦੀ ਮਾਡਲ ਪ੍ਰਵੀਨ ਸਿੰਘ ਸੀ, ਜੋ ਇਸ ਪ੍ਰੋਗਰਾਮ ਦੀ ਮੇਜ਼ਬਾਨ ਸੀ। ਵੈਨੇਜ਼ੁਏਲਾ ਦੀ ਮਾਡਲ ਸਟੈਫਨੀ ਅਬਾਸਲੀ ਦੂਜੀ ਰਨਰ-ਅੱਪ ਸੀ। ਤੀਜਾ ਸਥਾਨ ਫਿਲੀਪੀਨਜ਼ ਦੀ ਅਤਿਸ਼ਾ ਮਨਾਲੋ ਨੂੰ ਮਿਲਿਆ। ਚੌਥਾ ਸਥਾਨ ਆਈਵਰੀ ਕੋਸਟ ਦੀ ਇੱਕ ਮਾਡਲ ਨੂੰ ਮਿਲਿਆ।
ਇਸ ਸਾਲ ਭਾਰਤ ਦੀ ਪ੍ਰਤੀਨਿਧਤਾ ਰਾਜਸਥਾਨ ਦੀ ਮਾਡਲ ਮਨਿਕਾ ਵਿਸ਼ਵਕਰਮਾ ਨੇ ਕੀਤੀ ਸੀ। ਹਾਲਾਂਕਿ, ਉਹ ਖਿਤਾਬ ਹਾਸਲ ਕਰਨ ‘ਚ ਅਸਫਲ ਰਹੀ। ਮਨਿਕਾ ਨੇ ਸਫਲਤਾਪੂਰਵਕ ਸਿਖਰਲੇ 30 ਲਈ ਕੁਆਲੀਫਾਈ ਕੀਤਾ, ਪਰ ਸਿਖਰਲੇ 12 ‘ਚ ਸਥਾਨ ਹਾਸਲ ਕਰਨ ‘ਚ ਅਸਫਲ ਰਹੀ।
Read More: ਸਾਬਕਾ ਮਿਸ ਯੂਨੀਵਰਸ ਹਰਨਾਜ਼ ਸੰਧੂ ਖਿਲਾਫ ਕੇਸ ‘ਤੇ ਅੱਜ ਹੋਵੇਗੀ ਕੋਰਟ ‘ਚ ਸੁਣਵਾਈ, ਉਪਾਸਨਾ ਸਿੰਘ ਨੇ ਪਾਈ ਸੀ ਪਟੀਸ਼ਨ
