ਸਪੋਰਟਸ, 15 ਨਵੰਬਰ 2025: SL ਬਨਾਮ PAK: ਪਾਕਿਸਤਾਨ ਕ੍ਰਿਕਟ ਟੀਮ ਨੇ ਰਾਵਲਪਿੰਡੀ ‘ਚ ਦੂਜੇ ਵਨਡੇ ਮੈਚ ‘ਚ ਸ੍ਰੀਲੰਕਾ ਨੂੰ 8 ਵਿਕਟਾਂ ਨਾਲ ਹਰਾ ਕੇ ਤਿੰਨ ਮੈਚਾਂ ਦੀ ਸੀਰੀਜ਼ 2-0 ਨਾਲ ਜਿੱਤ ਲਈ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਸ੍ਰੀਲੰਕਾ ਨੇ 288/8 ਦੌੜਾਂ ਬਣਾਈਆਂ ਸਨ।
ਇਸਦੇ ਜਵਾਬ ‘ਚ ਪਾਕਿਸਤਾਨ ਨੇ ਫਖਰ ਜ਼ਮਾਨ (78) ਅਤੇ ਬਾਬਰ ਆਜ਼ਮ (102 ਨਾਬਾਦ) ਦੀਆਂ ਪਾਰੀਆਂ ਦੀ ਬਦੌਲਤ 49ਵੇਂ ਓਵਰ ‘ਚ ਟੀਚਾ ਹਾਸਲ ਕਰ ਲਿਆ। ਤੀਜੇ ਨੰਬਰ ‘ਤੇ ਬੱਲੇਬਾਜ਼ੀ ਕਰਦੇ ਹੋਏ ਬਾਬਰ ਆਜ਼ਮ ਨੇ ਦੋ ਸਾਲਾਂ ਬਾਅਦ ਆਪਣਾ ਅੰਤਰਰਾਸ਼ਟਰੀ ਸੈਂਕੜਾ ਲਗਾਇਆ, 102* ਦੌੜਾਂ ਬਣਾ ਕੇ ਟੀਮ ਨੂੰ ਆਸਾਨ ਜਿੱਤ ਦਿਵਾਈ। ਬਾਬਰ ਨੇ 119 ਗੇਂਦਾਂ ‘ਚ ਆਪਣਾ 20ਵਾਂ ਇੱਕ ਰੋਜ਼ਾ ਸੈਂਕੜਾ ਪੂਰਾ ਕੀਤਾ, ਜਿਸ ‘ਚ 8 ਚੌਕੇ ਲੱਗੇ। ਇਸ ਦੇ ਨਾਲ, ਬਾਬਰ ਨੇ ਪਾਕਿਸਤਾਨ ਲਈ ਸਭ ਤੋਂ ਵੱਧ ਵਨਡੇ ਸੈਂਕੜਿਆਂ (20) ਦੇ ਸਈਦ ਅਨਵਰ ਦੇ ਰਿਕਾਰਡ ਦੀ ਵੀ ਬਰਾਬਰੀ ਕੀਤੀ।
ਫਖਰ ਜ਼ਮਾਨ ਅਤੇ ਸੈਮ ਅਯੂਬ ਨੇ 77 ਦੌੜਾਂ ਦੀ ਸ਼ੁਰੂਆਤੀ ਸਾਂਝੇਦਾਰੀ ਕਰਦੇ ਹੋਏ ਪਾਕਿਸਤਾਨ ਨੂੰ ਇੱਕ ਮਜ਼ਬੂਤ ਸ਼ੁਰੂਆਤ ਦਿੱਤੀ। ਜ਼ਮਾਨ ਨੇ ਆਪਣਾ 18ਵਾਂ ਵਨਡੇ ਅਰਧ ਸੈਂਕੜਾ ਬਣਾਇਆ। ਖੱਬੇ ਹੱਥ ਦੇ ਬੱਲੇਬਾਜ਼ ਨੇ 93 ਗੇਂਦਾਂ ‘ਚ 78 ਦੌੜਾਂ ਬਣਾਈਆਂ, ਜਿਸ ‘ਚ 8 ਚੌਕੇ ਅਤੇ 1 ਛੱਕਾ ਲੱਗਾ। ਉਨ੍ਹਾਂ ਨੇ ਬਾਬਰ ਨਾਲ 100 ਦੌੜਾਂ ਦੀ ਸਾਂਝੇਦਾਰੀ ਵੀ ਕੀਤੀ।
ਮੁਹੰਮਦ ਰਿਜ਼ਵਾਨ ਨੇ ਬਾਅਦ ‘ਚ ਬਾਬਰ ਨਾਲ 112 ਦੌੜਾਂ ਦੀ ਨਾਬਾਦ ਸਾਂਝੇਦਾਰੀ ਕੀਤੀ, ਜਿਸ ਨਾਲ ਮੈਚ ਇੱਕ ਪਾਸੜ ਮੈਚ ‘ਚ ਬਦਲ ਗਿਆ ਕਿਉਂਕਿ ਪਾਕਿਸਤਾਨ ਨੇ 10 ਗੇਂਦਾਂ ਬਾਕੀ ਰਹਿੰਦਿਆਂ ਜਿੱਤ ਪ੍ਰਾਪਤ ਕੀਤੀ। ਰਿਜ਼ਵਾਨ ਨੇ 51 ਗੇਂਦਾਂ ‘ਚ ਨਾਬਾਦ 52 ਦੌੜਾਂ ਬਣਾਈਆਂ।
Read More: NZ ਬਨਾਮ WI: ਨਿਊਜ਼ੀਲੈਂਡ ਨੇ ਵੈਸਟਇੰਡੀਜ਼ ਨੂੰ 8 ਵਿਕਟਾਂ ਨਾਲ ਹਰਾ ਕੇ ਟੀ-20 ਸੀਰੀਜ਼ ਜਿੱਤੀ
