ਸਪੋਰਟਸ, 06 ਨਵੰਬਰ 2025: ਚੇਨਈ ਸੁਪਰ ਕਿੰਗਜ਼ (CSK) ਦੇ CEO ਕਾਸੀ ਵਿਸ਼ਵਨਾਥਨ ਨੇ ਸਪੱਸ਼ਟ ਕੀਤਾ ਹੈ ਕਿ ਮਹਿੰਦਰ ਸਿੰਘ ਧੋਨੀ (MS Dhoni) IPL 2026 ‘ਚ ਖੇਡਣਗੇ। ਉਨ੍ਹਾਂ ਕਿਹਾ ਕਿ ਧੋਨੀ ਦਾ ਇਸ ਵੇਲੇ ਸੰਨਿਆਸ ਲੈਣ ਦਾ ਕੋਈ ਇਰਾਦਾ ਨਹੀਂ ਹੈ। ਇੱਕ ਮੈਗਜ਼ੀਨ ਇੰਟਰਵਿਊ ‘ਚ ਵਿਸ਼ਵਨਾਥਨ ਨੇ ਕਿਹਾ, “ਧੋਨੀ ਇਸ ਆਈ.ਪੀ.ਐੱਲ ਲਈ ਸੰਨਿਆਸ ਨਹੀਂ ਲੈ ਰਹੇ ਹਨ। ਮੈਂ ਇਸ ਬਾਰੇ ਉਨ੍ਹਾਂ ਨਾਲ ਵੀ ਗੱਲ ਕਰਾਂਗਾ।”
ਧੋਨੀ ਦੀ ਕਪਤਾਨੀ ਹੇਠ, ਚੇਨਈ ਸੁਪਰ ਕਿੰਗਜ਼ ਨੇ 2010, 2011, 2018, 2021 ਅਤੇ 2023 ‘ਚ IPL ਖਿਤਾਬ ਜਿੱਤੇ ਸਨ। ਹਾਲਾਂਕਿ, IPL 2025 ਸੀਜ਼ਨ ‘ਚ CSK ਦਾ ਪ੍ਰਦਰਸ਼ਨ ਮਾੜਾ ਰਿਹਾ। ਟੀਮ ਨੇ 14 ‘ਚੋਂ ਸਿਰਫ਼ ਚਾਰ ਮੈਚ ਜਿੱਤੇ ਅਤੇ ਪਹਿਲੀ ਵਾਰ ਅੰਕ ਸੂਚੀ ‘ਚ ਸਭ ਤੋਂ ਹੇਠਾਂ ਰਹੇ।
ਹਾਲ ਹੀ ‘ਚ ਇੱਕ ਸਮਾਗਮ ‘ਚ ਐੱਮਐੱਸ ਧੋਨੀ ਨੇ ਆਪਣੇ ਭਵਿੱਖ ਬਾਰੇ ਇਹ ਵੀ ਕਿਹਾ, “ਮੇਰੇ ਕੋਲ ਸੋਚਣ ਲਈ 4-5 ਮਹੀਨੇ ਹਨ। ਮੈਂ ਇਹ ਨਹੀਂ ਕਹਿ ਰਿਹਾ ਕਿ ਮੈਂ ਪੂਰਾ ਕਰ ਲਿਆ ਹੈ, ਨਾ ਹੀ ਮੈਂ ਵਾਪਸੀ ਕਰ ਰਿਹਾ ਹਾਂ, ਮੇਰੇ ਕੋਲ ਕਾਫ਼ੀ ਸਮਾਂ ਹੈ। ਇਸ ਲਈ ਫੈਸਲਾ ਲੈਣ ਤੋਂ ਪਹਿਲਾਂ ਧਿਆਨ ਨਾਲ ਸੋਚਣਾ ਬਿਹਤਰ ਹੈ।” ਆਪਣੇ ਸਰੀਰ ਨੂੰ ਤੰਦਰੁਸਤ ਰੱਖਣ ਲਈ ਹਰ ਸਾਲ 15% ਹੋਰ ਮਿਹਨਤ ਦੀ ਲੋੜ ਹੁੰਦੀ ਹੈ, ਕਿਉਂਕਿ ਇਹ ਉੱਚ ਪੱਧਰੀ ਪੇਸ਼ੇਵਰ ਕ੍ਰਿਕਟ ਹੈ।
ਫਿਲਹਾਲ ਧੋਨੀ 44 ਸਾਲ ਦੇ ਹਨ, ਉਹ ਆਈਪੀਐਲ 2025 ‘ਚ ਸਭ ਤੋਂ ਵੱਡੀ ਉਮਰ ਦਾ ਖਿਡਾਰੀ ਸੀ। ਰੁਤੁਰਾਜ ਗਾਇਕਵਾੜ ਦੇ ਜ਼ਖਮੀ ਹੋਣ ਤੋਂ ਬਾਅਦ ਉਸਨੂੰ ਸੀਜ਼ਨ ਦੇ ਵਿਚਕਾਰ ਚੇਨਈ ਦੀ ਕਪਤਾਨੀ ਕਰਨੀ ਪਈ। ਧੋਨੀ ਨੇ ਟੀਮ ਨੂੰ ਚਾਰ ‘ਚੋਂ ਤਿੰਨ ਜਿੱਤਾਂ ਦਿਵਾਈਆਂ। ਇੱਕ ਬੱਲੇਬਾਜ਼ ਦੇ ਤੌਰ ‘ਤੇ, ਉਸਨੇ 13 ਪਾਰੀਆਂ ‘ਚ 196 ਦੌੜਾਂ ਬਣਾਈਆਂ, ਜਿਸਦਾ ਸਰਵੋਤਮ ਸਕੋਰ 30 ਹੈ।
ਧੋਨੀ ਆਈਪੀਐਲ ‘ਚ 100 ਮੈਚ ਜਿੱਤਣ ਵਾਲਾ ਇਕਲੌਤਾ ਕਪਤਾਨ ਹੈ। ਧੋਨੀ ਨੇ ਸਭ ਤੋਂ ਵੱਧ ਆਈਪੀਐਲ ਮੈਚਾਂ ‘ਚ 235 ਦੀ ਕਪਤਾਨੀ ਕੀਤੀ ਹੈ। ਰੋਹਿਤ ਸ਼ਰਮਾ ਇਸ ਸੂਚੀ ‘ਚ ਦੂਜੇ ਸਥਾਨ ‘ਤੇ ਹੈ, ਜਿਸਨੇ 158 ਮੈਚਾਂ ‘ਚ ਕਪਤਾਨੀ ਕੀਤੀ ਹੈ। ਧੋਨੀ ਨੇ ਆਖਰੀ ਵਾਰ 2023 ‘ਚ ਸੀਐਸਕੇ ਨੂੰ ਜਿੱਤ ਦਿਵਾਈ ਸੀ। ਧੋਨੀ ਨੇ ਟੀਮ ਨੂੰ 136 ਮੈਚਾਂ ‘ਚ ਜਿੱਤ ਦਿਵਾਈ ਹੈ ਅਤੇ 97 ਹਾਰੇ ਹਨ।
Read More: ਰਾਇਲ ਚੈਲੇਂਜਰਜ਼ ਬੰਗਲੁਰੂ ਟੀਮ ਨੂੰ ਵੇਚਣ ਦੀ ਤਿਆਰੀ, ਕਿੰਨੀ ਹੋ ਸਕਦੀ ਹੈ ਕੀਮਤ ?
