ਸਪੋਰਟਸ, 03 ਨਵੰਬਰ 2025: IND ਬਨਾਮ SA Final: ਭਾਰਤ ਨੇ ਨਵੀਂ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ‘ਚ ਹੋਏ ਮਹਿਲਾ ਵਨਡੇ ਵਿਸ਼ਵ ਕੱਪ 2025 ਦੇ ਫਾਈਨਲ ‘ਚ ਇਤਿਹਾਸ ਰਚ ਦਿੱਤਾ। ਭਾਰਤੀ ਟੀਮ ਨੇ ਦੱਖਣੀ ਅਫਰੀਕਾ ਨੂੰ 52 ਦੌੜਾਂ ਨਾਲ ਹਰਾ ਕੇ ਪਹਿਲੀ ਵਾਰ ਵਿਸ਼ਵ ਕੱਪ ਜਿੱਤਿਆ, ਪਰ ਇਸ ਫਾਈਨਲ ਦਾ ਸਭ ਤੋਂ ਵੱਡਾ ਮੋੜ ਸ਼ੇਫਾਲੀ ਵਰਮਾ ਦੀ ਅਚਾਨਕ ਗੇਂਦਬਾਜ਼ੀ ਸੀ।
ਫਾਈਨਲ ਦਾ ਸਭ ਤੋਂ ਵੱਡਾ ਮੋੜ ਸ਼ੇਫਾਲੀ ਵਰਮਾ ਦੀ ਗੇਂਦਬਾਜ਼ੀ: ਐਲ ਵੋਲਵਾਰਟ
ਦੱਖਣੀ ਅਫਰੀਕਾ ਦੀ ਕਪਤਾਨ ਐਲ ਵੋਲਵਾਰਟ (Laura Wolvaardt) ਨੇ ਮੈਚ ਤੋਂ ਬਾਅਦ ਕਿਹਾ, “ਸੱਚ ਕਹਾਂ ਤਾਂ ਸਾਨੂੰ ਸ਼ੇਫਾਲੀ ਤੋਂ ਗੇਂਦਬਾਜ਼ੀ ਦੀ ਉਮੀਦ ਨਹੀਂ ਸੀ। ਉਹ ਫ਼ਰੰਟ ਆਫ ਦੀ ਹੈਂਡ ਗੇਂਦਬਾਜ਼ੀ ਕਰ ਰਹੀ ਸੀ, ਬਹੁਤ ਹੌਲੀ ਗੇਂਦਾਂ ਕਰ ਰਹੀ ਸੀ, ਅਤੇ ਦੋ ਮਹੱਤਵਪੂਰਨ ਵਿਕਟਾਂ ਲਈਆਂ। ਕੋਈ ਵੀ ਵਿਸ਼ਵ ਕੱਪ ਫਾਈਨਲ ‘ਚ ਪਾਰਟ-ਟਾਈਮ ਗੇਂਦਬਾਜ਼ ਤੋਂ ਵਿਕਟਾਂ ਨਹੀਂ ਗੁਆਉਣਾ ਚਾਹੁੰਦਾ, ਪਰ ਸ਼ੇਫਾਲੀ ਨੇ ਦੋ ਵੱਡੀਆਂ ਵਿਕਟਾਂ ਲਈਆਂ, ਜੋ ਕਿ ਕਾਫ਼ੀ ਨਿਰਾਸ਼ਾਜਨਕ ਸੀ। ਉਨ੍ਹਾਂ ਨੇ ਬਹੁਤ ਵਧੀਆ ਗੇਂਦਬਾਜ਼ੀ ਕੀਤੀ। ਅਸੀ ਨਿਰਾਸ਼ ਸੀ ਕਿਉਂਕਿ ਅਸੀਂ ਸ਼ੇਫਾਲੀ ਦੇ ਲਈ ਯੋਜਨਾ ਨਹੀਂ ਬਣਾਈ ਸੀ।”
ਦਰਅਸਲ, ਜਦੋਂ ਦੱਖਣੀ ਅਫਰੀਕਾ ਚੰਗੀ ਸਥਿਤੀ ‘ਚ ਜਾਪ ਰਿਹਾ ਸੀ, ਤਾਂ ਹਰਮਨਪ੍ਰੀਤ ਕੌਰ ਨੇ ਇੱਕ ਦਲੇਰਾਨਾ ਫੈਸਲਾ ਲਿਆ। ਹਰਮਨਪ੍ਰੀਤ ਨੇ ਗੇਂਦ ਸ਼ੇਫਾਲੀ ਨੂੰ ਸੌਂਪ ਦਿੱਤੀ, ਜਿਸਨੇ ਹੁਣ ਤੱਕ ਇਸ ਵਿਸ਼ਵ ਕੱਪ ‘ਚ ਸ਼ਾਇਦ ਹੀ ਕਦੇ ਗੇਂਦਬਾਜ਼ੀ ਕੀਤੀ ਹੋਵੇ ਅਤੇ ਉਹੀ ਭਾਵਨਾ ਭਾਰਤੀ ਟੀਮ ਲਈ ਇੱਕ ਸੁਨਹਿਰੀ ਮੌਕਾ ਸਾਬਤ ਹੋਈ।
ਹਰਮਨਪ੍ਰੀਤ ਨੇ ਮੈਚ ਤੋਂ ਬਾਅਦ ਕਿਹਾ, “ਜਦੋਂ ਵੋਲਵਾਰਡਟ ਅਤੇ ਸੁਨੇ ਲੂਸ ਬੱਲੇਬਾਜ਼ੀ ਕਰ ਰਹੇ ਸਨ, ਉਹ ਬਹੁਤ ਵਧੀਆ ਖੇਡ ਰਹੇ ਸਨ। ਮੈਂ ਸ਼ੇਫਾਲੀ ਨੂੰ ਦੇਖ ਰਹੀ ਸੀ ਅਤੇ ਮਹਿਸੂਸ ਕੀਤਾ ਕਿ ਇਹ ਉਸਦਾ ਦਿਨ ਹੈ। ਮੇਰਾ ਦਿਲ ਕਹਿੰਦਾ ਸੀ ਕਿ ਉਸਨੂੰ ਜ਼ਰੂਰ ਇੱਕ ਓਵਰ ਦੇਣਾ ਚਾਹੀਦਾ ਹੈ। ਅਤੇ ਉਸ ਓਵਰ ਨੇ ਮੈਚ ਬਦਲ ਦਿੱਤਾ। ਜਦੋਂ ਸ਼ੇਫਾਲੀ ਟੀਮ ‘ਚ ਆਈ, ਅਸੀਂ ਕਿਹਾ ਸੀ ਕਿ ਜੇਕਰ ਲੋੜ ਪਈ ਤਾਂ ਉਸਨੂੰ ਦੋ ਜਾਂ ਤਿੰਨ ਓਵਰ ਕਰਨੇ ਪੈਣਗੇ। ਸ਼ੇਫਾਲੀ ਨੇ ਕਿਹਾ, ‘ਮੈਨੂੰ ਗੇਂਦ ਦਿਓ, ਮੈਂ 10 ਓਵਰ ਕਰਾਂਗੀ।’ ਉਸ ਸਕਾਰਾਤਮਕ ਸੋਚ ਲਈ ਉਸਨੂੰ ਸਲਾਮ।”
Read More: Indian Team: ਭਾਰਤ ਮਹਿਲਾ ਟੀਮ ਨੇ 47 ਸਾਲਾਂ ਦਾ ਸੋਕਾ ਕੀਤਾ ਖਤਮ, ਕਿਵੇਂ ਰਿਹਾ ਟੀਮ ਦਾ ਸਫ਼ਰ ?
