ਸਪੋਰਟਸ, 16 ਅਕਤੂਬਰ 2025: ਅਭਿਸ਼ੇਕ ਸ਼ਰਮਾ ਅਤੇ ਸਮ੍ਰਿਤੀ ਮੰਧਾਨਾ ਨੇ ਕ੍ਰਮਵਾਰ ਪੁਰਸ਼ ਅਤੇ ਮਹਿਲਾਵਾਂ ਲਈ ਆਈਸੀਸੀ ਪਲੇਅਰ ਆਫ ਦਿ ਮੰਥ ਪੁਰਸਕਾਰ ਜਿੱਤੇ ਹਨ | ਦੋਵੇਂ ਖਿਡਾਰੀਆਂ ਦੇ ਵਧੀਆ ਪ੍ਰਦਰਸ਼ਨ ਤੋਂ ਬਾਅਦ ਸਤੰਬਰ ਲਈ ਹੋਰ ਮਜ਼ਬੂਤ ਦਾਅਵੇਦਾਰਾਂ ਨੂੰ ਪਿੱਛੇ ਛੱਡਣ ‘ਚ ਮੱਦਦ ਕੀਤੀ।
ਏਸ਼ੀਆ ਕੱਪ ਟੀ-20ਆਈ ਟੂਰਨਾਮੈਂਟ ‘ਚ ਅਭਿਸ਼ੇਕ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਪ੍ਰਸ਼ੰਸਕਾਂ ਅਤੇ ਆਲੋਚਕਾਂ ਦੁਆਰਾ ਪ੍ਰਸ਼ੰਸਾ ਕੀਤੀ ਅਤੇ ਪਲੇਅਰ ਆਫ ਦਿ ਮੰਥ ਪੁਰਸਕਾਰਾਂ ‘ਚ ਵੀ ਇਹ ਦਿਖਾਈ ਦਿੱਤਾ ਹੈ। ਇਸ ਸ਼ਾਨਦਾਰ ਬੱਲੇਬਾਜ਼ ਨੇ ਇਸ ਸਮੇਂ ਦੌਰਾਨ ਸੱਤ ਮੈਚਾਂ ‘ਚ 44.85 ਦੀ ਔਸਤ ਅਤੇ 200 ਦੇ ਸ਼ਾਨਦਾਰ ਸਟ੍ਰਾਈਕ-ਰੇਟ ਨਾਲ 314 ਦੌੜਾਂ ਬਣਾਈਆਂ।
25 ਸਾਲਾ ਖਿਡਾਰੀ ਨੂੰ ਟੂਰਨਾਮੈਂਟ ਦਾ ਖਿਡਾਰੀ ਚੁਣਿਆ ਗਿਆ ਅਤੇ ਏਸ਼ੀਆ ਕੱਪ ਦੌਰਾਨ ਆਈਸੀਸੀ ਪੁਰਸ਼ ਟੀ-20ਆਈ ਬੱਲੇਬਾਜ਼ੀ ਰੈਂਕਿੰਗ ਵਿੱਚ ਹੁਣ ਤੱਕ ਦੇ ਸਭ ਤੋਂ ਵੱਧ ਰੇਟਿੰਗ ਅੰਕ ਪ੍ਰਾਪਤ ਕੀਤੇ, ਸੁਪਰ ਫੋਰ ਪੜਾਅ ਦੇ ਅੰਤ ‘ਚ 931 ਤੱਕ ਪਹੁੰਚ ਗਏ। ਉਨ੍ਹਾਂ ਨੇ ਆਪਣੇ ਸਾਥੀ ਕੁਲਦੀਪ ਯਾਦਵ ਅਤੇ ਜ਼ਿੰਬਾਬਵੇ ਦੇ ਬ੍ਰਾਇਨ ਬੇਨੇਟ ਤੋਂ ਅੱਗੇ ਜਿੱਤ ਪ੍ਰਾਪਤ ਕੀਤੀ।
ਸਮ੍ਰਿਤੀ ਮੰਧਾਨਾ ਦਾ ਸ਼ਾਨਦਾਰ ਪ੍ਰਦਰਸ਼ਨ
ਅਭਿਸ਼ੇਕ ਵਾਂਗ ਖੱਬੇ ਹੱਥ ਦੀ ਸਲਾਮੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਨੇ ਆਸਟ੍ਰੇਲੀਆ ਵਿਰੁੱਧ ਘਰੇਲੂ ਵਨਡੇ ਸੀਰੀਜ਼ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਤਿੰਨ ਮੈਚਾਂ ‘ਚ 58, 117 ਅਤੇ 125 ਦੌੜਾਂ ਬਣਾਈਆਂ। ਭਾਰਤ ਦੇ ਉਪ-ਕਪਤਾਨ ਨੇ ਇਸ ਸਮੇਂ ਦੌਰਾਨ ਚਾਰ ਵਨਡੇ ਮੈਚਾਂ ‘ਚ 77 ਦੀ ਔਸਤ ਅਤੇ 135.68 ਦੇ ਸਟ੍ਰਾਈਕ ਰੇਟ ਨਾਲ 308 ਦੌੜਾਂ ਬਣਾਈਆਂ।
Read More: ਭਾਰਤ ਖ਼ਿਲਾਫ ਖੇਡਣਾ ਹਮੇਸ਼ਾ ਵੱਡੀ ਚੁਣੌਤੀ ਤੇ ਦਿਲਚਸਪ ਅਨੁਭਵ ਹੁੰਦਾ ਹੈ: ਪੈਟ ਕਮਿੰਸ
