ਸਪੋਰਟਸ, 08 ਅਕਤੂਬਰ 2025: ICC Test Rankings: ਆਈਸੀਸੀ ਨੇ ਬੁੱਧਵਾਰ ਨੂੰ ਆਪਣੀ ਤਾਜ਼ਾ ਰੈਂਕਿੰਗ ਜਾਰੀ ਕੀਤੀ। ਮੁਹੰਮਦ ਸਿਰਾਜ ਅਤੇ ਕੁਲਦੀਪ ਯਾਦਵ ਵਰਗੇ ਭਾਰਤੀ ਗੇਂਦਬਾਜ਼ਾਂ ਨੇ ਟੈਸਟ ਗੇਂਦਬਾਜ਼ਾਂ ਦੀ ਰੈਂਕਿੰਗ ‘ਚ ਫਾਇਦਾ ਹੋਇਆ ਹੈ, ਜਦੋਂ ਕਿ ਜਸਪ੍ਰੀਤ ਬੁਮਰਾਹ (Jasprit Bumrah) ਨੇ ਆਪਣਾ ਟਾਪ ਦਾ ਸਥਾਨ ਬਰਕਰਾਰ ਰੱਖਿਆ ਹੈ।
ਵੈਸਟਇੰਡੀਜ਼ ਵਿਰੁੱਧ ਪਹਿਲੇ ਟੈਸਟ ‘ਚ ਸੱਤ ਵਿਕਟਾਂ ਲੈਣ ਵਾਲੇ ਮੁਹੰਮਦ ਸਿਰਾਜ 718 ਰੇਟਿੰਗ ਅੰਕਾਂ ਨਾਲ ਕਰੀਅਰ ਦੇ ਸਭ ਤੋਂ ਵਧੀਆ 12ਵੇਂ ਸਥਾਨ ‘ਤੇ ਪਹੁੰਚ ਗਏ ਹਨ। ਸਪਿਨਰ ਕੁਲਦੀਪ ਯਾਦਵ ਸੱਤ ਸਥਾਨਾਂ ਦਾ ਫਾਇਦਾ ਉਠਾਇਆ ਹੈ ਅਤੇ ਹੁਣ 644 ਰੇਟਿੰਗ ਅੰਕਾਂ ਨਾਲ 21ਵੇਂ ਸਥਾਨ ‘ਤੇ ਹੈ।
ਭਾਰਤੀ ਓਪਨਰ ਯਸ਼ਸਵੀ ਜੈਸਵਾਲ ਬੱਲੇਬਾਜ਼ਾਂ ਦੀ ਰੈਂਕਿੰਗ ‘ਚ ਦੋ ਸਥਾਨ ਹੇਠਾਂ ਆ ਗਏ ਹਨ, 779 ਰੇਟਿੰਗ ਅੰਕਾਂ ਨਾਲ 7ਵੇਂ ਸਥਾਨ ‘ਤੇ ਆ ਗਏ ਹਨ। ਜੈਸਵਾਲ ਅਹਿਮਦਾਬਾਦ ‘ਚ ਵੈਸਟਇੰਡੀਜ਼ ਵਿਰੁੱਧ ਖੇਡੀ ਇੱਕਲੌਤੀ ਪਾਰੀ ‘ਚ ਸਿਰਫ 36 ਦੌੜਾਂ ਹੀ ਬਣਾ ਸਕੇ।
ਇੱਕ ਹੋਰ ਭਾਰਤੀ ਓਪਨਰ ਕੇਐਲ ਰਾਹੁਲ ਚਾਰ ਸਥਾਨਾਂ ਦਾ ਫਾਇਦਾ ਉਠਾਇਆ ਹੈ ਅਤੇ ਹੁਣ 606 ਅੰਕਾਂ ਨਾਲ 35ਵੇਂ ਸਥਾਨ ‘ਤੇ ਹਨ। ਰਾਹੁਲ ਨੇ ਕੈਰੇਬੀਅਨ ਟੀਮ ਵਿਰੁੱਧ 100 ਦੌੜਾਂ ਦਾ ਸੈਂਕੜਾ ਲਗਾਇਆ। ਨਾਬਾਦ 104 ਦੌੜਾਂ ਬਣਾਉਣ ਵਾਲੇ ਰਵਿੰਦਰ ਜਡੇਜਾ ਛੇ ਸਥਾਨ ਉੱਪਰ 644 ਰੇਟਿੰਗ ਅੰਕਾਂ ਨਾਲ 25ਵੇਂ ਸਥਾਨ ‘ਤੇ ਪਹੁੰਚ ਗਏ ਹਨ। ਇਹ ਜਡੇਜਾ ਦੀ ਕਰੀਅਰ ਦੀ ਸਭ ਤੋਂ ਵਧੀਆ ਰੈਂਕਿੰਗ ਹੈ। ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਇਸ ਸੂਚੀ ‘ਚ 13ਵੇਂ ਸਥਾਨ ‘ਤੇ ਬਰਕਰਾਰ ਹਨ।
Read More: IND ਬਨਾਮ WI: ਭਾਰਤ ਵੱਲੋਂ ਪਹਿਲੀ ਪਾਰੀ 448/5 ਘੋਸ਼ਿਤ, ਵੈਸਟਇੰਡੀਜ਼ ਦੀ ਦੂਜੀ ਪਾਰੀ ਸ਼ੁਰੂ
