ਸਪੋਰਟਸ, 08 ਸਤੰਬਰ 2025: ਵੈਸਟਇੰਡੀਜ਼ ਦੇ ਸਾਬਕਾ ਆਲਰਾਊਂਡਰ ਅਤੇ ਯੂਨੀਵਰਸ ਬੌਸ ਕ੍ਰਿਸ ਗੇਲ (Chris Gayle) ਆਪਣੇ ਜੋਸ਼ੀਲੇ ਸੁਭਾਅ ਲਈ ਜਾਣੇ ਜਾਂਦੇ ਹਨ। ਉਨ੍ਹਾਂ ਦੇ ਸਪੱਸ਼ਟ ਵਿਚਾਰ ਅਕਸਰ ਨਵੇਂ ਮੁੱਦਿਆਂ ਨੂੰ ਜਨਮ ਦਿੰਦੇ ਹਨ। ਹੁਣ ਸਾਬਕਾ ਖਿਡਾਰੀ ਨੇ ਪੰਜਾਬ ਕਿੰਗਜ਼ (ਉਸ ਸਮੇਂ ਕਿੰਗਜ਼ ਇਲੈਵਨ ਪੰਜਾਬ) ਨਾਲ ਆਪਣੇ ਵਿਗੜਦੇ ਸਬੰਧਾਂ ਬਾਰੇ ਗੱਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਟੀਮ ‘ਚ ਉਨ੍ਹਾਂ ਦਾ ਅਪਮਾਨ ਕੀਤਾ ਗਿਆ ਸੀ।
ਟੀ-20 ਕ੍ਰਿਕਟ ਦੇ ਮਹਾਨ ਖਿਡਾਰੀ ਕ੍ਰਿਸ ਗੇਲ ਨੇ ਆਈਪੀਐਲ ‘ਚ ਪੰਜਾਬ ਕਿੰਗਜ਼ ਨਾਲ ਬਿਤਾਏ ਆਪਣੇ ਦਿਨਾਂ ਬਾਰੇ ਇੱਕ ਵੱਡਾ ਖੁਲਾਸਾ ਕੀਤਾ ਹੈ। ਗੇਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਫਰੈਂਚਾਇਜ਼ੀ ਤੋਂ ਇੰਨਾ ਅਪਮਾਨ ਦਾ ਸਾਹਮਣਾ ਕਰਨਾ ਪਿਆ ਕਿ ਉਹ ਡਿਪਰੈਸ਼ਨ ਦੀ ਸਥਿਤੀ ‘ਚ ਪਹੁੰਚ ਗਏ ਸਨ। ਗੇਲ 2018 ਤੋਂ 2021 ਤੱਕ ਪੰਜਾਬ ਕਿੰਗਜ਼ ਦਾ ਹਿੱਸਾ ਸੀ। ਇਸ ਦੌਰਾਨ ਉਨ੍ਹਾਂ ਨੇ 41 ਮੈਚਾਂ ‘ਚ 1304 ਦੌੜਾਂ ਬਣਾਈਆਂ, ਜਿਸ ‘ਚ ਇੱਕ ਸੈਂਕੜਾ ਅਤੇ 11 ਅਰਧ-ਸੈਂਕੜੇ ਸ਼ਾਮਲ ਸਨ। ਉਨ੍ਹਾਂ ਦਾ ਸਟ੍ਰਾਈਕ ਰੇਟ 148.65 ਅਤੇ ਔਸਤ 40.75 ਸੀ। ਉਨ੍ਹਾਂ ਦਾ ਸਭ ਤੋਂ ਵੱਧ ਸਕੋਰ ਨਾਬਾਦ 104 ਸੀ। ਸ਼ਾਨਦਾਰ ਪ੍ਰਦਰਸ਼ਨ ਦੇ ਬਾਵਜੂਦ, ਗੇਲ ਦੀਆਂ ਪੰਜਾਬ ਨਾਲ ਜੁੜੀਆਂ ਯਾਦਾਂ ਬਹੁਤ ਕੌੜੀਆਂ ਰਹੀਆਂ।
ਗੇਲ (Chris Gayle) ਨੇ ਸ਼ੁਭੰਕਰ ਮਿਸ਼ਰਾ ਨਾਲ ਨਿਊਜ਼ਬੁੱਕ ਦੇ ਪੋਡਕਾਸਟ ‘ਚ ਕਿਹਾ, ‘ਪੰਜਾਬ ਨਾਲ ਮੇਰਾ ਆਈਪੀਐਲ ਸਫ਼ਰ ਸਮੇਂ ਤੋਂ ਪਹਿਲਾਂ ਖਤਮ ਹੋ ਗਿਆ। ਕਿੰਗਜ਼ ਇਲੈਵਨ ‘ਚ ਮੇਰਾ ਸਤਿਕਾਰ ਨਹੀਂ ਕੀਤਾ ਜਾਂਦਾ ਸੀ। ਇੱਕ ਸੀਨੀਅਰ ਖਿਡਾਰੀ ਹੋਣ ਦੇ ਬਾਵਜੂਦ ਜਿਸਨੇ ਲੀਗ ਨੂੰ ਇੰਨਾ ਕੁਝ ਦਿੱਤਾ, ਮੇਰੇ ਨਾਲ ਇੱਕ ਛੋਟੇ ਖਿਡਾਰੀ ਵਾਂਗ ਵਿਵਹਾਰ ਕੀਤਾ ਗਿਆ। ਆਪਣੀ ਜ਼ਿੰਦਗੀ ‘ਚ ਪਹਿਲੀ ਵਾਰ, ਮੈਨੂੰ ਮਹਿਸੂਸ ਹੋਇਆ ਕਿ ਮੈਂ ਡਿਪਰੈਸ਼ਨ ‘ਚ ਜਾ ਰਿਹਾ ਹਾਂ। ਅਨਿਲ ਕੁੰਬਲੇ ਨਾਲ ਗੱਲ ਕਰਦੇ ਸਮੇਂ ਮੈਂ ਆਪਣੇ ਆਪ ਨੂੰ ਟੁੱਟਦਾ ਮਹਿਸੂਸ ਕੀਤਾ। ਮੈਂ ਉਸਦੇ ਰਵੱਈਏ ਅਤੇ ਫਰੈਂਚਾਇਜ਼ੀ ਦੇ ਸੰਚਾਲਨ ਤੋਂ ਨਿਰਾਸ਼ ਸੀ।’
ਕੇਐਲ ਰਾਹੁਲ ਨੇ ਫ਼ੋਨ ਕੀਤਾ ਸੀ
ਉਨ੍ਹਾਂ ਕਿ ਸਾਬਕਾ ਕਪਤਾਨ ਕੇਐਲ ਰਾਹੁਲ ਨੇ ਵੀ ਉਸਨੂੰ ਪਲੇਇੰਗ ਇਲੈਵਨ ‘ਚ ਮੌਕਾ ਦੇਣ ਦਾ ਭਰੋਸਾ ਦਿੱਤਾ ਸੀ, ਪਰ ਉਦੋਂ ਤੱਕ ਉਸਨੇ ਜਾਣ ਦਾ ਮਨ ਬਣਾ ਲਿਆ ਸੀ। ਗੇਲ ਨੇ ਕਿਹਾ, ‘ਕੇਐਲ ਰਾਹੁਲ ਨੇ ਮੈਨੂੰ ਫ਼ੋਨ ਕੀਤਾ ਅਤੇ ਕ੍ਰਿਸ ਨੂੰ ਕਿਹਾ, ਰੁਕੋ, ਤੁਸੀਂ ਅਗਲਾ ਮੈਚ ਖੇਡੋਗੇ। ਪਰ ਮੈਂ ਆਪਣਾ ਸਾਮਾਨ ਪੈਕ ਕੀਤਾ ਅਤੇ ਟੀਮ ਛੱਡ ਦਿੱਤੀ’ ਕ੍ਰਿਸ ਗੇਲ ਆਪਣੇ ਆਈਪੀਐਲ ਕਰੀਅਰ ‘ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਲਈ ਵੀ ਖੇਡ ਚੁੱਕਾ ਹੈ, ਪਰ ਪੰਜਾਬ ਕਿੰਗਜ਼ ਉਹ ਟੀਮ ਰਹੀ ਹੈ ਜਿਸ ਵਿਰੁੱਧ ਗੇਲ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਗੇਲ ਨੇ ਪੰਜਾਬ ਵਿਰੁੱਧ 16 ਪਾਰੀਆਂ ‘ਚ ਕੁੱਲ 797 ਦੌੜਾਂ ਬਣਾਈਆਂ।
Read More: ENG ਬਨਾਮ SA: ਇੰਗਲੈਂਡ ਦੀ ਵਨਡੇ ਇਤਿਹਾਸ ‘ਚ ਸਭ ਤੋਂ ਵੱਡੀ ਜਿੱਤ, ਭਾਰਤ ਦਾ ਤੋੜਿਆ ਰਿਕਾਰਡ
