ਸਪੋਰਟਸ, 07 ਅਗਸਤ 2025: NZ ਬਨਾਮ ZIM 2nd Test: ਅੱਜ ਨਿਊਜ਼ੀਲੈਂਡ ਅਤੇ ਜ਼ਿੰਬਾਬਵੇ ਵਿਚਾਲੇ ਦੂਜੇ ਟੈਸਟ ਮੈਚ ਦੀ ਸ਼ੁਰੂਆਤ ਹੋਈ ਹੈ | ਇਸ ਦੌਰਾਨ ਜ਼ਿੰਬਾਬਵੇ ਦੇ ਸਾਬਕਾ ਕਪਤਾਨ ਬ੍ਰੈਂਡਨ ਟੇਲਰ ਨੇ ਆਈਸੀਸੀ ਦਾ ਬੈਨ ਸਮਾਂ ਪੂਰਾ ਕਰਕੇ ਅੰਤਰਰਾਸ਼ਟਰੀ ਕ੍ਰਿਕਟ ‘ਚ ਵਾਪਸੀ ਕੀਤੀ ਹੈ। ਉਹ ਸ਼ੁੱਕਰਵਾਰ ਨੂੰ ਨਿਊਜ਼ੀਲੈਂਡ ਵਿਰੁੱਧ ਟੈਸਟ ਸੀਰੀਜ਼ ਦਾ ਦੂਜਾ ਮੈਚ ਖੇਡਣ ਲਈ ਆਏ ਸਨ। ਟੇਲਰ ਨੂੰ 30 ਜੁਲਾਈ ਨੂੰ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਸੀ। ਜ਼ਿੰਬਾਬਵੇ ਦੀ ਪਹਿਲੀ ਪਾਰੀ ਸਿਰਫ਼ 125 ਦੌੜਾਂ ‘ਤੇ ਸਮਾਪਤ ਹੋ ਗਈ ਹੈ | ਬ੍ਰੈਂਡਨ ਟੇਲਰ ਨੇ ਸਭ ਤੋਂ ਜ਼ਿਆਦਾ 45 ਦੌੜਾਂ ਬਣਾਈਆਂ |
ਟੈਸਟ ਸੀਰੀਜ਼ ਦੇ ਦੂਜੇ ਮੈਚ ‘ਚ ਜ਼ਿੰਬਾਬਵੇ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਸਮੇਂ ਜ਼ਿੰਬਾਬਵੇ 2 ਮੈਚਾਂ ਦੀ ਸੀਰੀਜ਼ ‘ਚ 0-1 ਨਾਲ ਪਿੱਛੇ ਹੈ। ਨਿਊਜ਼ੀਲੈਂਡ ਨੇ ਪਹਿਲਾ ਮੈਚ 9 ਵਿਕਟਾਂ ਨਾਲ ਜਿੱਤਿਆ ਸੀ।
39 ਸਾਲਾ ਟੇਲਰ ਨੂੰ ਭ੍ਰਿਸ਼ਟਾਚਾਰ ਵਿਰੋਧੀ ਅਤੇ ਡੋਪਿੰਗ ਵਿਰੋਧੀ ਨਿਯਮਾਂ ਨੂੰ ਤੋੜਨ ਲਈ ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ਆਈਸੀਸੀ) ਦੁਆਰਾ ਸਾਢੇ ਤਿੰਨ ਸਾਲ ਲਈ ਪਾਬੰਦੀ ਲਗਾਈ ਗਈ ਸੀ। ਟੇਲਰ ਨੂੰ ਜਨਵਰੀ 2022 ‘ਚ 2019 ‘ਚ ਸਪਾਟ ਫਿਕਸਿੰਗ ਲਈ ਇੱਕ ਭਾਰਤੀ ਵਪਾਰੀ ਨੇ ਸੰਪਰਕ ਕੀਤਾ ਸੀ, ਪਰ ਉਨ੍ਹਾਂ ਨੇ ਭ੍ਰਿਸ਼ਟਾਚਾਰ ਵਿਰੋਧੀ ਯੂਨਿਟ ਨੂੰ ਇਸਦੀ ਰਿਪੋਰਟ ਨਹੀਂ ਕੀਤੀ।
ਟੇਲਰ ਨੂੰ ਉਸ ਸਮੇਂ ਕੋਕੀਨ ਦੀ ਖਪਤ ਨਾਲ ਸਬੰਧਤ ਡੋਪ ਟੈਸਟ ‘ਚ ਅਸਫਲ ਰਹਿਣ ਕਾਰਨ ਇੱਕ ਮਹੀਨੇ ਲਈ ਮੁਅੱਤਲ ਵੀ ਕੀਤਾ ਗਿਆ ਸੀ। ਉਨ੍ਹਾਂ ‘ਤੇ 2019 ‘ਚ 15,000 ਅਮਰੀਕੀ ਡਾਲਰ ਲੈਣ ਦਾ ਦੋਸ਼ ਲਗਾਇਆ ਗਿਆ ਸੀ। ਪਾਬੰਦੀ ਤੋਂ ਪਹਿਲਾਂ, ਟੇਲਰ ਲਾਲ ਗੇਂਦ ਦੀ ਕ੍ਰਿਕਟ ‘ਚ ਸ਼ਾਨਦਾਰ ਫਾਰਮ ‘ਚ ਸੀ। ਉਨ੍ਹਾਂ ਨੇ ਆਪਣੀਆਂ ਆਖਰੀ ਤਿੰਨ ਟੈਸਟ ਪਾਰੀਆਂ ‘ਚ ਕ੍ਰਮਵਾਰ 92, 81 ਅਤੇ 49 ਦੌੜਾਂ ਬਣਾਈਆਂ।
ਨਿਊਜ਼ੀਲੈਂਡ ‘ਚ 3 ਖਿਡਾਰੀਆਂ ਦਾ ਡੈਬਿਊ
ਨਿਊਜ਼ੀਲੈਂਡ ਦੇ 3 ਖਿਡਾਰੀਆਂ ਨੇ ਆਪਣਾ ਟੈਸਟ ਡੈਬਿਊ ਕੀਤਾ ਹੈ, ਜਿਸ ‘ਚ ਜੈਕਬ ਡਫੀ, ਮੈਟ ਫਿਸ਼ਰ ਅਤੇ ਜੈਕ ਫੈਲਕਸ ਸ਼ਾਮਲ ਹਨ। ਡਫੀ ਨੂੰ ਟੈਸਟ ਕੈਪ ਨੰਬਰ 289, ਫਿਸ਼ਰ ਨੂੰ 290 ਅਤੇ ਫੈਲਕਸ ਨੂੰ ਟੈਸਟ ਕੈਪ ਨੰਬਰ 291 ਮਿਲਿਆ।
Read More: IND ਬਨਾਮ ENG: ਭਾਰਤ ਨੇ 6 ਦੌੜਾਂ ਨਾਲ ਜਿੱਤਿਆ ਓਵਲ ਟੈਸਟ, ਮੁਹੰਮਦ ਸਿਰਾਜ ਦੀ ਘਾਤਕ ਗੇਂਦਬਾਜ਼ੀ
