ਸਪੋਰਟਸ, 24 ਜੁਲਾਈ 2025: IND ਬਨਾਮ ENG: ਭਾਰਤੀ ਟੀਮ ਨਨੂੰ ਇੰਗਲੈਂਡ ਖ਼ਿਲਾਫ ਟੈਸਟ ਸੀਰੀਜ਼ ‘ਚ ਇੱਕ ਹੋਰ ਵੱਡਾ ਝਟਕਾ ਲੱਗਾ ਸਕਦਾ ਹੈ। ਭਾਰਤੀ ਟੀਮ ਦੇ ਉਪ-ਕਪਤਾਨ ਰਿਸ਼ਭ ਪੰਤ ਪੈਰ ਦੀ ਸੱਟ ਕਾਰਨ ਇੰਗਲੈਂਡ ਵਿਰੁੱਧ ਬਾਕੀ ਬਚੀ ਸੀਰੀਜ਼ ਤੋਂ ਬਾਹਰ ਹੋ ਸਕਦੇ ਹਨ। ਮੈਨਚੈਸਟਰ ਟੈਸਟ ਦੇ ਪਹਿਲੇ ਦਿਨ ਬੱਲੇਬਾਜ਼ੀ ਕਰਦੇ ਸਮੇਂ ਉਸਦੇ ਪੈਰ ‘ਚ ਸੱਟ ਲੱਗ ਗਈ ਸੀ।
ਇਸ ਤੋਂ ਬਾਅਦ, ਪੰਤ ਬਹੁਤ ਦਰਦ ‘ਚ ਦਿਖਾਈ ਦਿੱਤਾ ਅਤੇ ਰਿਟਾਇਰਡ ਹਰਟ ਵੀ ਹੋਇਆ। ਰਿਸ਼ਭ ਪੰਤ ਦਾ ਸਕੈਨ ਵੀ ਕਰਵਾਇਆ ਗਿਆ। ਨਿਊਜ਼ ਏਜੰਸੀ ਪੀਟੀਆਈ ਨੇ ਬੀਸੀਸੀਆਈ ਸੂਤਰਾਂ ਦੇ ਹਵਾਲੇ ਨਾਲ ਕਿਹਾ ਕਿ ਪੰਤ ਦਾ ਪੈਰ ਦਾ ਅੰਗੂਠਾ ਟੁੱਟ ਗਿਆ ਸੀ ਅਤੇ ਡਾਕਟਰਾਂ ਨੇ ਉਸਨੂੰ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ।
ਪੰਤ ਪਹਿਲੀ ਪਾਰੀ ‘ਚ 37 ਦੌੜਾਂ ‘ਤੇ ਬੱਲੇਬਾਜ਼ੀ ਕਰ ਰਿਹਾ ਸੀ ਜਦੋਂ ਰਿਵਰਸ ਸਵੀਪ ਦੀ ਕੋਸ਼ਿਸ਼ ਕਰਦੇ ਸਮੇਂ ਗੇਂਦ ਉਸਦੇ ਪੈਰ ‘ਚ ਲੱਗੀ। ਭਾਰਤੀ ਪਾਰੀ ਦੇ 68ਵੇਂ ਓਵਰ’ਚ, ਕ੍ਰਿਸ ਵੋਕਸ ਦੀ ਗੇਂਦ ਉਸਦੇ ਸੱਜੇ ਪੈਰ ‘ਚ ਲੱਗੀ। ਇਸ ਤੋਂ ਬਾਅਦ, ਉਹ ਜ਼ਮੀਨ ‘ਤੇ ਲੇਟ ਗਿਆ ਅਤੇ ਬਹੁਤ ਦਰਦ ‘ਚ ਦੇਖਿਆ ਗਿਆ। ਜਦੋਂ ਫਿਜ਼ੀਓ ਪਹੁੰਚੇ, ਤਾਂ ਵੀ ਉਹ ਦਰਦ ਨਾਲ ਕਰਾਹਦਾ ਦੇਖਿਆ ਗਿਆ। ਫਿਰ ਉਸਨੂੰ ਚੁੱਕਣ ਅਤੇ ਦੂਰ ਲਿਜਾਣ ਦੀ ਕੋਸ਼ਿਸ਼ ਕੀਤੀ ਗਈ, ਪਰ ਉਹ ਤੁਰ ਨਹੀਂ ਸਕਿਆ। ਫਿਰ ਪੰਤ ਨੂੰ ਐਂਬੂਲੈਂਸ ‘ਚ ਲਿਜਾਇਆ ਗਿਆ। ਪੰਤ ਦੇ ਸੱਜੇ ਪੈਰ ਤੋਂ ਖੂਨ ਵਗਦਾ ਦੇਖਿਆ ਗਿਆ ਸੀ, ਅਤੇ ਸਰੀਰ ਦੇ ਉਸ ਹਿੱਸੇ ‘ਚ ਬਹੁਤ ਜ਼ਿਆਦਾ ਸੋਜ ਸੀ।
Read More: IND ਬਨਾਮ ENG: ਰਿਸ਼ਭ ਪੰਤ ਨੇ ਬਣਾਇਆ ਵਿਸ਼ਵ ਰਿਕਾਰਡ, ਕੀ ਜ਼ਖਮੀ ਪੰਤ ਨੂੰ ਮਿਲੇਗਾ ਸਬਸਟੀਚਿਊਟ ?
