ਚੰਡੀਗੜ੍ਹ 08 ਜੁਲਾਈ 2025: World Police and Fire Games 2025: ਕੇਂਦਰੀ ਉਦਯੋਗਿਕ ਸੁਰੱਖਿਆ ਬਲ ਨੇ ਵਿਸ਼ਵ ਪੁਲਿਸ ਅਤੇ ਫਾਇਰ ਖੇਡਾਂ-2025 ‘ਚ 64 ਤਮਗੇ ਜਿੱਤ ਕੇ ਦੇਸ਼ ਦਾ ਮਾਣ ਵਧਾਉਣ ਦਾ ਕੰਮ ਕੀਤਾ ਹੈ। ਭਾਰਤ ਇਨ੍ਹਾਂ ਖੇਡਾਂ ‘ਚ 560 ਤਮਗਿਆਂ ਨਾਲ ਤੀਜੇ ਸਥਾਨ ‘ਤੇ ਰਿਹਾ।
ਜਾਣਕਾਰੀ ਦਿੰਦੇ ਹੋਏ ਬੁਲਾਰੇ ਨੇ ਕਿਹਾ ਕਿ ਸੀਆਈਐਸਐਫ ਨੇ 30 ਜੂਨ ਤੋਂ 6 ਜੁਲਾਈ 2025 ਤੱਕ ਅਮਰੀਕਾ ਦੇ ਬਰਮਿੰਘਮ ‘ਚ ਹੋਈਆਂ ਵਿਸ਼ਵ ਪੁਲਿਸ ਅਤੇ ਫਾਇਰ ਖੇਡਾਂ-2025 ‘ਚ 64 ਤਮਗੇ ਜਿੱਤੇ ਹਨ। ਉਨ੍ਹਾਂ ਕਿਹਾ ਕਿ ਵਿਸ਼ਵ ਪੁਲਿਸ ਅਤੇ ਫਾਇਰ ਖੇਡਾਂ ਇੱਕ ਪ੍ਰਮੁੱਖ ਅੰਤਰਰਾਸ਼ਟਰੀ ਖੇਡ ਸਮਾਗਮ ਹੈ, ਜਿੱਥੇ ਦੁਨੀਆ ਭਰ ਦੇ ਪੁਲਿਸ ਅਤੇ ਫਾਇਰ ਸੇਵਾ ਦੇ ਕਰਮਚਾਰੀ ਵੱਖ-ਵੱਖ ਖੇਡਾਂ ‘ਚ ਹਿੱਸਾ ਲੈਂਦੇ ਹਨ। ਇਸ ਸਾਲ, 70 ਤੋਂ ਵੱਧ ਦੇਸ਼ਾਂ ਦੇ 10 ਹਜ਼ਾਰ ਤੋਂ ਵੱਧ ਐਥਲੀਟਾਂ ਨੇ ਇਨ੍ਹਾਂ ਖੇਡਾਂ ‘ਚ ਹਿੱਸਾ ਲਿਆ।
ਬੁਲਾਰੇ ਨੇ ਕਿਹਾ ਕਿ CISF ਟੀਮ ਨੇ 6 ਮੁਕਾਬਲਿਆਂ ‘ਚ ਹਿੱਸਾ ਲਿਆ ਅਤੇ ਹਰੇਕ ਖਿਡਾਰੀ ਨੇ ਆਪਣਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਸ਼ਾਨਦਾਰ ਖੇਡ ਭਾਵਨਾ, ਤਾਕਤ ਅਤੇ ਟੀਮ ਵਰਕ ਦਿਖਾਇਆ। CISF ਨਿਰੰਤਰ ਤੰਦਰੁਸਤੀ, ਅਨੁਸ਼ਾਸਨ ਅਤੇ ਉੱਤਮਤਾ ਨੂੰ ਉਤਸ਼ਾਹਿਤ ਕਰਦਾ ਹੈ। ਵਿਸ਼ਵ ਪੁਲਿਸ ਅਤੇ ਫਾਇਰ ਖੇਡਾਂ ‘ਚ ਟੀਮ ਦਾ ਪ੍ਰਦਰਸ਼ਨ ਅੰਤਰਰਾਸ਼ਟਰੀ ਪੱਧਰ ‘ਤੇ ਸਾਡੇ ਫੋਰਸ ਮੈਂਬਰਾਂ ਦੀ ਤਾਕਤ ਅਤੇ ਦ੍ਰਿੜਤਾ ਨੂੰ ਦਰਸਾਉਂਦਾ ਹੈ।
ਉਨ੍ਹਾਂ ਕਿਹਾ ਕਿ ਹਰਿਆਣਾ ਦੇ ਐਥਲੀਟਾਂ ਨੇ ਇਨ੍ਹਾਂ ਖੇਡਾਂ ‘ਚ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਤਗਮੇ ਜਿੱਤ ਕੇ ਬਹੁਤ ਸਾਰੀਆਂ ਪ੍ਰਾਪਤੀਆਂ ਪ੍ਰਾਪਤ ਕੀਤੀਆਂ ਹਨ। ਜਿਸ ‘ਚ ਹਰਿਆਣਾ ਦੇ ਜੀਂਦ ਜ਼ਿਲ੍ਹੇ ਦੇ ਗੁਰਜੀਤ ਸਿੰਘ ਨੇ ਉੱਚੀ ਛਾਲ ‘ਚ ਸੋਨ ਤਮਗਾ, ਹੈਮਰ ਥ੍ਰੋ ‘ਚ ਚਾਂਦੀ ਦਾ ਤਗਮਾ, ਡੇਕੈਥਲੋਨ, ਟ੍ਰਿਪਲ ਜੰਪ ਅਤੇ ਪੋਲ ਵਾਲਟ ਵਿੱਚ ਕਾਂਸੀ ਦਾ ਤਮਗਾ ਜਿੱਤ ਕੇ ਯੋਗਦਾਨ ਪਾਇਆ। ਇਸੇ ਤਰ੍ਹਾਂ, ਕੁਸ਼ਤੀ ‘ਚ ਹਰਿਆਣਾ ਦੇ CISF ਐਥਲੀਟਾਂ, ਝੱਜਰ ਤੋਂ ASI/ਕਾਰਜਕਾਰੀ ਸੰਨੀ ਕੁਮਾਰ, ਹਿਸਾਰ ਤੋਂ HC ਅਭਿਮਨਿਊ, HC/GD ਅਜੇ ਡਾਗਰ, HC ਹਰੀਸ਼, HC ਮੋਹਿਤ ਨੇ ਸੋਨ ਤਮਗੇ ਜਿੱਤੇ ਹਨ।
ਬੁਲਾਰੇ ਨੇ ਦੱਸਿਆ ਕਿ ਐਥਲੈਟਿਕਸ ‘ਚ ਹਿਸਾਰ, ਹਰਿਆਣਾ ਦੀ ਐਲ/ਏਐਸਆਈ ਰੀਨੂ ਨੇ 10 ਕਿਲੋਮੀਟਰ ਕਰਾਸ ਕੰਟਰੀ ‘ਚ ਸੋਨ ਤਮਗਾ , 5000 ਮੀਟਰ ਵਿੱਚ ਸੋਨ ਤਗਮਾ, 10,000 ਮੀਟਰ ਵਿੱਚ ਸੋਨ ਤਗਮਾ, ਹਾਫ ਮੈਰਾਥਨ ਵਿੱਚ ਸੋਨ ਤਮਗਾ, ਹਾਫ ਮੈਰਾਥਨ ਟੀਮ ਈਵੈਂਟ ਵਿੱਚ ਸੋਨ ਤਗਮਾ ਅਤੇ 1500 ਮੀਟਰ ਵਿੱਚ ਚਾਂਦੀ ਦਾ ਤਮਗਾ ਜਿੱਤ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ।
Read More: ਆਲ ਇੰਡੀਆ ਪੁਲਿਸ ਡਿਊਟੀ ਮੀਟ ‘ਚ ਪੰਜਾਬ ਪੁਲਿਸ ਦੇ ਮੁਲਾਜਮਾਂ ਨੇ ਜਿੱਤੇ ਤਮਗੇ, DGP ਗੌਰਵ ਯਾਦਵ ਨੇ ਕੀਤਾ ਸਨਮਾਨਿਤ
