ਚੰਡੀਗੜ੍ਹ, 19 ਫਰਵਰੀ 2025: ਆਈਸੀਸੀ ਚੈਂਪੀਅਨਜ਼ ਟਰਾਫੀ ਸ਼ੁਰੂ ਹੁੰਦਿਆਂ ਹੀ ਆਈਸੀਸੀ ਨੇ ਤਾਜ਼ਾ ਰੈਂਕਿੰਗ ਜਾਰੀ ਕੀਤੀ ਹੈ। ਭਾਰਤ ਦੇ ਸਟਾਰ ਬੱਲੇਬਾਜ਼ ਅਤੇ ਉਪ-ਕਪਤਾਨ ਸ਼ੁਭਮਨ ਗਿੱਲ (Shubman Gill) ਦੁਨੀਆ ਦੇ ਨੰਬਰ ਇੱਕ ਵਨਡੇ ਬੱਲੇਬਾਜ਼ ਬਣ ਗਏ ਹਨ। ਗਿੱਲ ਨੇ ਪਾਕਿਸਤਾਨ ਦੇ ਬਾਬਰ ਆਜ਼ਮ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਇਸ ਦੇ ਨਾਲ ਹੀ ਵਨਡੇ ਮੈਚਾਂ ‘ਚ ਚੋਟੀ ਦੇ 10 ਬੱਲੇਬਾਜ਼ਾਂ ‘ਚ ਚਾਰ ਭਾਰਤੀ ਖਿਡਾਰੀ ਸ਼ਾਮਲ ਹਨ। ਸ਼ੁਭਮਨ ਗਿੱਲ ਤੋਂ ਇਲਾਵਾ, ਰੋਹਿਤ ਸ਼ਰਮਾ ਤੀਜੇ ਸਥਾਨ ‘ਤੇ, ਵਿਰਾਟ ਕੋਹਲੀ ਛੇਵੇਂ ਸਥਾਨ ‘ਤੇ ਅਤੇ ਸ਼੍ਰੇਅਸ ਅਈਅਰ ਨੌਵੇਂ ਸਥਾਨ ‘ਤੇ ਹਨ। ਸ਼੍ਰੇਅਸ ਨੂੰ ਵੀ ਇੱਕ ਸਥਾਨ ਦਾ ਫਾਇਦਾ ਹੋਇਆ ਹੈ।
ਸ਼ੁਭਮਨ ਗਿੱਲ ਦੀ ਰੇਟਿੰਗ 796 ਹੈ, ਜਦੋਂ ਕਿ ਬਾਬਰ ਦੀ ਰੇਟਿੰਗ 773 ਹੈ। ਰੋਹਿਤ ਦੇ ਰੇਟਿੰਗ ਅੰਕ 761 ਹਨ। ਦੱਖਣੀ ਅਫਰੀਕਾ ਦੇ ਹੇਨਰਿਕ ਕਲਾਸੇਨ 756 ਰੇਟਿੰਗ ਅੰਕਾਂ ਨਾਲ ਚੌਥੇ ਸਥਾਨ ‘ਤੇ ਹਨ। ਨਿਊਜ਼ੀਲੈਂਡ ਦਾ ਡੈਰਿਲ ਮਿਸ਼ੇਲ 740 ਰੇਟਿੰਗ ਅੰਕਾਂ ਨਾਲ ਪੰਜਵੇਂ ਸਥਾਨ ‘ਤੇ ਹੈ।
25 ਸਾਲਾ ਸ਼ੁਭਮਨ ਗਿੱਲ (Shubman Gill) ਹਾਲ ਹੀ ‘ਚ ਸ਼ਾਨਦਾਰ ਫਾਰਮ ‘ਚ ਹੈ। ਸ਼ੁਭਮਨ ਨੇ ਇੰਗਲੈਂਡ ਖਿਲਾਫ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ‘ਚ ਇੱਕ ਸੈਂਕੜਾ ਅਤੇ ਦੋ ਅਰਧ ਸੈਂਕੜੇ ਲਗਾਏ। ਉਨ੍ਹਾਂ ਨੇ ਤਿੰਨ ਮੈਚਾਂ ‘ਚ 86.33 ਦੀ ਔਸਤ ਅਤੇ 103.60 ਦੇ ਸਟ੍ਰਾਈਕ ਰੇਟ ਨਾਲ 259 ਦੌੜਾਂ ਬਣਾਈਆਂ।
ਵਨਡੇ ਆਲਰਾਊਂਡਰਾਂ ਵਿੱਚ, ਅਫਗਾਨਿਸਤਾਨ ਦਾ ਮੁਹੰਮਦ ਨਬੀ ਪਹਿਲੇ ਸਥਾਨ ‘ਤੇ, ਜ਼ਿੰਬਾਬਵੇ ਦਾ ਸਿਕੰਦਰ ਰਜ਼ਾ ਦੂਜੇ ਸਥਾਨ ‘ਤੇ, ਅਫਗਾਨਿਸਤਾਨ ਦਾ ਅਜ਼ਮਤੁੱਲਾ ਜ਼ਜ਼ਈ ਤੀਜੇ ਸਥਾਨ ‘ਤੇ, ਬੰਗਲਾਦੇਸ਼ ਦਾ ਮੇਹਦੀ ਹਸਨ ਮਿਰਾਜ਼ ਚੌਥੇ ਸਥਾਨ ‘ਤੇ ਅਤੇ ਅਫਗਾਨਿਸਤਾਨ ਦਾ ਰਾਸ਼ਿਦ ਖਾਨ ਪੰਜਵੇਂ ਸਥਾਨ ‘ਤੇ ਹੈ। ਟਾਪ-10 ਵਿੱਚ ਇਕਲੌਤਾ ਭਾਰਤੀ ਖਿਡਾਰੀ ਰਵਿੰਦਰ ਜਡੇਜਾ ਹੈ। ਉਹ 10ਵੇਂ ਸਥਾਨ ‘ਤੇ ਹਨ।
ਗੇਂਦਬਾਜ਼ਾਂ ‘ਚ ਸ਼੍ਰੀਲੰਕਾ ਦੇ ਮਹੇਸ਼ ਥੀਕਸ਼ਾਨਾ ਨਵੇਂ ਨੰਬਰ-ਵਨ ਵਨਡੇ ਗੇਂਦਬਾਜ਼ ਬਣ ਗਏ ਹਨ। ਉਸਦੇ 680 ਰੇਟਿੰਗ ਅੰਕ ਹਨ। ਇਸ ਦੇ ਨਾਲ ਹੀ, ਤੀਕਸ਼ਾ ਨੇ ਅਫਗਾਨਿਸਤਾਨ ਦੇ ਰਾਸ਼ਿਦ ਖਾਨ ਨੂੰ ਪਿੱਛੇ ਛੱਡ ਦਿੱਤਾ। ਰਾਸ਼ਿਦ 669 ਅੰਕਾਂ ਨਾਲ ਦੂਜੇ ਸਥਾਨ ‘ਤੇ ਖਿਸਕ ਗਿਆ ਹੈ। ਨਾਮੀਬੀਆ ਦੇ ਬਰਨਾਰਡ ਸਕੋਲਜ਼ 662 ਅੰਕਾਂ ਨਾਲ ਤੀਜੇ ਸਥਾਨ ‘ਤੇ ਹਨ।
Read More: IND vs ENG: ਭਾਰਤ ਦਾ ਚੌਥਾ ਵਿਕਟ ਡਿੱਗਿਆ, ਸ਼ੁਭਮਨ ਗਿੱਲ ਨੇ ਜੜਿਆ ਸ਼ਾਨਦਾਰ ਸੈਂਕੜਾ
