ਚੰਡੀਗੜ੍ਹ, 03 ਫਰਵਰੀ 2025: Budget Session 2025: ਅੱਜ ਸੰਸਦ ਦੇ ਸ਼ੈਸਨ ‘ਚ ਕਈ ਮਹੱਤਵਪੂਰਨ ਬਿੱਲ ਪੇਸ਼ ਕੀਤੇ ਜਾ ਸਕਦੇ ਹਨ, ਜਿਸ ‘ਚ ਵਕਫ਼ ਬਿੱਲ ਵੀ ਸ਼ਾਮਲ ਹੈ। ਦੂਜੇ ਪਾਸੇ ਅੱਜ ਸੰਸਦ ਦੀ ਕਾਰਵਾਈ ਸ਼ੁਰੂ ਹੁੰਦਿਆਂ ਹੀ ਪ੍ਰਯਾਗਰਾਜ ਵਿਖੇ ਮਹਾਂਕੁੰਭ ’ਚ ਭਗਦੜ ਦੇ ਮੁੱਦੇ ‘ਤੇ ਵਿਰੋਧੀ ਧਿਰ ਸਰਕਾਰ ਤੋਂ ਚਰਚਾ ਦੀ ਮੰਗ ਕੀਤੀ ਹੈ |
ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ (Union Home Minister Amit Shah) ਅੱਜ ਲੋਕ ਸਭਾ ‘ਚ ਇੱਕ ਬਿੱਲ ਪੇਸ਼ ਕਰਨਗੇ। ਇਸ ਬਿੱਲ ‘ਚ ਇੰਸਟੀਚਿਊਟ ਆਫ਼ ਰੂਰਲ ਮੈਨੇਜਮੈਂਟ, ਆਨੰਦ ਨੂੰ ਤ੍ਰਿਭੁਵਨ ਸਹਿਕਾਰੀ ਯੂਨੀਵਰਸਿਟੀ ‘ਚ ਬਦਲਣ ਦਾ ਪ੍ਰਬੰਧ ਹੋਵੇਗਾ। ਇਸਨੂੰ ਰਾਸ਼ਟਰੀ ਮਹੱਤਵ ਵਾਲਾ ਸੰਸਥਾਨ ਵੀ ਘੋਸ਼ਿਤ ਕੀਤਾ ਜਾਵੇਗਾ। ਇਸ ਦੌਰਾਨ (Budget Session 2025) ਕਾਂਗਰਸ ਸੰਸਦ ਮੈਂਬਰ ਮਨੀਕਮ ਟੈਗੋਰ ਅੱਜ ਲੋਕ ਸਭਾ ‘ਚ ਮੁਲਤਵੀ ਪ੍ਰਸਤਾਵ ਪੇਸ਼ ਕਰਨਗੇ। ਇਸ ਮੁਲਤਵੀ ਪ੍ਰਸਤਾਵ ਵਿੱਚ, ਤਾਮਿਲਨਾਡੂ ਨੂੰ ਮਨਰੇਗਾ ਯੋਜਨਾ ਦੇ 1056 ਕਰੋੜ ਰੁਪਏ ਦੇ ਬਕਾਏ ਜਾਰੀ ਨਾ ਕਰਨ ‘ਤੇ ਚਰਚਾ ਦੀ ਮੰਗ ਕੀਤੀ ਗਈ ਹੈ।
ਇਸਦੇ ਨਾਲ ਹੀ ਆਪਣੀ ਰਿਪੋਰਟ ਪੇਸ਼ ਕਰਨ ‘ਤੇ ਵਕਫ਼ ਬਿੱਲ (Waqf Bill) ‘ਤੇ ਜੇਪੀਸੀ ਦੇ ਚੇਅਰਮੈਨ ਅਤੇ ਭਾਜਪਾ ਸੰਸਦ ਮੈਂਬਰ ਜਗਦੰਬਿਕਾ ਪਾਲ ਨੇ ਕਿਹਾ ਕਿ ‘ਜਦੋਂ ਸਪੀਕਰ ਏਜੰਡਾ ਦੇਣਗੇ, ਤਾਂ ਅਸੀਂ ਇਸਨੂੰ ਪੇਸ਼ ਕਰਾਂਗੇ।’ ਜੇਪੀਸੀ ਮੈਂਬਰ ਭਾਜਪਾ ਸੰਸਦ ਮੈਂਬਰ ਅਪਰਾਜਿਤਾ ਸਾਰੰਗੀ ਨੇ ਕਿਹਾ ਕਿ ਵਕਫ਼ ਬਿੱਲ ਅੱਜ ਜਾਂ ਕੱਲ੍ਹ ਸੰਸਦ ‘ਚ ਪੇਸ਼ ਕੀਤਾ ਜਾ ਸਕਦਾ ਹੈ।
ਦੂਜੇ ਪਾਸੇ ਕੇਂਦਰੀ ਮੰਤਰੀ ਜਾਰਜ ਕੁਰੀਅਨ ਦੇ ਕੇਰਲ ਨੂੰ ‘ਪਛੜਿਆ ਸੂਬਾ’ ਕਹਿਣ ਦੇ ਬਿਆਨ ਅਤੇ ਸੁਰੇਸ਼ ਗੋਪੀ ਦੀਆਂ ਟਿੱਪਣੀਆਂ ‘ਤੇ ਸੀਪੀਆਈ ਸੰਸਦ ਮੈਂਬਰ ਪੀ ਸੰਧੋਸ਼ ਨੇ ਕਿਹਾ, ‘ਜਾਰਜ ਕੁਰੀਅਨ ਦਾ ਬਿਆਨ ਕੇਰਲ ਲਈ ਬਹੁਤ ਨੁਕਸਾਨਦੇਹ ਹੈ ਅਤੇ ਇੱਕ ਮੰਤਰੀ ਲਈ ਅਜਿਹਾ ਕਰਨਾ ਅਣਉਚਿਤ ਹੈ।’
ਮੈਨੂੰ ਨਹੀਂ ਪਤਾ ਕਿ ਭਾਜਪਾ ਵਾਲਿਆਂ ਦੀ ਮਾਨਸਿਕਤਾ ਕੀ ਹੈ। ਉਨ੍ਹਾਂ ਨੇ ਕੇਰਲ ਨੂੰ ਕੋਈ ਵਾਧੂ ਫੰਡ ਅਲਾਟ ਨਹੀਂ ਕੀਤਾ ਅਤੇ ਉਹ ਲਗਾਤਾਰ ਇਸਨੂੰ ਜਾਇਜ਼ ਠਹਿਰਾ ਰਹੇ ਹਨ। ਸੁਰੇਸ਼ ਗੋਪੀ ਅਤੇ ਜਾਰਜ ਕੁਰੀਅਨ ਨੇ ਕੇਰਲ ਦੀ ਚੇਤਨਾ ਦਾ ਅਪਮਾਨ ਕੀਤਾ ਹੈ। ਉਨ੍ਹਾਂ ਨੂੰ ਨੈਤਿਕ ਜ਼ਿੰਮੇਵਾਰੀ ਲੈਣੀ ਚਾਹੀਦੀ ਹੈ ਅਤੇ ਅਸਤੀਫਾ ਦੇ ਦੇਣਾ ਚਾਹੀਦਾ ਹੈ।
ਸੁਰੇਸ਼ ਨੇ ਇਸ ‘ਤੇ ਚਰਚਾ ਕਰਨ ਲਈ ਨਿਯਮ 267 ਦੇ ਤਹਿਤ ਨੋਟਿਸ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਇੱਕ ਕੇਂਦਰੀ ਮੰਤਰੀ ਹਨ ਅਤੇ ਉਹ ਲੋਕਾਂ ਨੂੰ ਜਾਤ ਦੇ ਆਧਾਰ ‘ਤੇ ਵੰਡਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਇਹ ਇੱਕ ਗੰਭੀਰ ਮੁੱਦਾ ਹੈ।
Read More: Parliament Session: ਸੰਸਦ ‘ਚ ਮਹਾਂਕੁੰਭ ਭਗਦੜ ਮਾਮਲੇ ‘ਤੇ ਚਰਚਾ ਲਈ ਵਿਰੋਧੀ ਧਿਰ ਦਾ ਹੰਗਾਮਾ
