ਚੰਡੀਗੜ੍ਹ, 20 ਦਸੰਬਰ 2024: ਲੀਬੀਆ (Libya) ‘ਚ ਫਸੇ ਭਾਰਤੀ ਕਾਮਿਆਂ ਨੂੰ ਭਾਰਤ ਵਾਪਸ। ਲਿਆਉਣ ਲਈ ਵਿਦੇਸ਼ ਮੰਤਰਾਲੇ (MEA) ਦਾ ਅਹਿਮ ਬਿਆਨ ਸਾਹਮਣੇ ਆਇਆ ਹੈ | ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜੈਸਵਾਲ (Randhir Jaiswal) ਨੇ ਕਿਹਾ ਕਿ ਲੀਬੀਆ ‘ਚ ਫਸੇ ਭਾਰਤੀ ਕਾਮਿਆਂ ਨੂੰ ਕੱਢਣ ਲਈ ਯਤਨ ਜਾਰੀ ਹਨ |
ਲੀਬੀਆ ‘ਚ ਸੀਮਿੰਟ ਫੈਕਟਰੀ ‘ਚ ਫਸੇ ਭਾਰਤੀ ਕਾਮਿਆਂ ਬਾਰੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜੈਸਵਾਲ ਨੇ ਕਿਹਾ ਕਿ ‘ਇਹ ਭਾਰਤੀ ਕਾਮੇ ਦੁਬਈ ਦੇ ਰਸਤੇ ਬੇਨਗਾਜ਼ੀ ਪੁੱਜੇ ਸਨ। ਉਹ ਬਿਨਾਂ ਲੋੜੀਂਦੇ ਦਸਤਾਵੇਜ਼ਾਂ ਦੇ ਉੱਥੇ ਚਲੇ ਗਏ ਅਤੇ ਜਦੋਂ ਉਹ ਉੱਥੇ ਪਹੁੰਚੇ ਤਾਂ ਉਨ੍ਹਾਂ ਦੇ ਕੰਮ ਨੂੰ ਲੈ ਕੇ ਕੁਝ ਦਿੱਕਤਾਂ ਆਈਆਂ।
ਉਨ੍ਹਾਂ ਦੱਸਿਆ ਕਿ ਸਾਡਾ ਦੂਤਾਵਾਸ ਸਰਗਰਮ ਹੈ ਅਤੇ ਅਸੀਂ ਉਹਨਾਂ ਦੀ ਮੱਦਦ ਲਈ ਆਪਣੇ ਕਮਿਊਨਿਟੀ ਮੈਂਬਰਾਂ ਰਾਹੀਂ ਵਰਕਰਾਂ ਤੱਕ ਪਹੁੰਚ ਕੀਤੀ ਹੈ। ਅਸੀਂ ਉਨ੍ਹਾਂ ਦੇ ਖਾਣੇ, ਰੋਜ਼ਾਨਾ ਰਹਿਣ ਦੀਆਂ ਵਸਤੂਆਂ ਦਾ ਇੰਤਜ਼ਾਮ ਕੀਤਾ ਹੈ, ਕਿਉਂਕਿ ਉਹ ਸਹੀ ਦਸਤਾਵੇਜ਼ਾਂ ਤੋਂ ਬਿਨਾਂ ਲੀਬੀਆ ਗਏ ਸਨ, ਉਨ੍ਹਾਂ ਨੂੰ ਹੁਣ ਦੇਸ਼ ਛੱਡਣ ਲਈ ਇੱਕ ਐਗਜ਼ਿਟ ਪਰਮਿਟ ਦੀ ਲੋੜ ਹੈ | ਭਾਰਤੀ ਦੂਤਘਰ ਉਨ੍ਹਾਂ ਦੇ ਐਗਜ਼ਿਟ ਪਰਮਿਟ ਦਾ ਪ੍ਰਬੰਧ ਕਰਨ ਲਈ ਲੀਬੀਆ ਦੇ ਅਧਿਕਾਰੀ ਦੇ ਸੰਪਰਕ ‘ਚ ਹੈ |
ਇਸਦੇ ਨਾਲ ਹੀ ਬੰਗਲਾਦੇਸ਼ੀ ਆਗੂ ਮਹਿਫੂਜ਼ ਆਲਮ ਦੀ ਪੋਸਟ ‘ਤੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜੈਸਵਾਲ ਨੇ ਕਿਹਾ ਕਿ ਅਸੀਂ ਇਸ ਮੁੱਦੇ ‘ਤੇ ਬੰਗਲਾਦੇਸ਼ ਵਾਲੇ ਪਾਸਿਓਂ ਆਪਣਾ ਸਖ਼ਤ ਵਿਰੋਧ ਦਰਜ ਕਰਵਾਇਆ ਹੈ। ਅਸੀਂ ਸਮਝਦੇ ਹਾਂ ਕਿ ਕਥਿਤ ਤੌਰ ‘ਤੇ ਵਿਵਾਦਿਤ ਪੋਸਟ ਨੂੰ ਹਟਾ ਦਿੱਤਾ ਗਿਆ ਹੈ।
Read More: PM Modi’s Visit To Kuwait: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਕੁਵੈਤ ਦੌਰੇ ‘ਤੇ ਕੀ ਮਾਇਨੇ ?
