4 ਨਵੰਬਰ 2024: 4 ਨਵੰਬਰ 2024 ਨੂੰ ਸ਼ੇਅਰ ਬਾਜ਼ਾਰ (share market) ‘ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ, ਜਿਸ ਕਾਰਨ ਨਿਵੇਸ਼ਕਾਂ ‘ਚ ਚਿੰਤਾ ਦਾ ਵਿਚ ਬਣਿਆ ਹੋਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੈਂਸੈਕਸ (Sensex) 700 ਅੰਕਾਂ ਦੀ ਗਿਰਾਵਟ ਨਾਲ ਅਤੇ ਨਿਫਟੀ ਨੇ ਲਗਭਗ 200 ਅੰਕਾਂ ਦੀ ਗਿਰਾਵਟ ਨਾਲ ਬਾਜ਼ਾਰ ਦੀ ਸ਼ੁਰੂਆਤ ਕੀਤੀ।

ਅੱਜ ਸੈਂਸੈਕਸ 79,713.14 ਅੰਕਾਂ ‘ਤੇ ਖੁੱਲ੍ਹਿਆ, ਪਰ ਹੁਣ ਇਹ 1,000 ਅੰਕ ਡਿੱਗ ਕੇ 78,719 ‘ਤੇ ਆ ਗਿਆ ਹੈ। ਇਸੇ ਤਰ੍ਹਾਂ ਨਿਫਟੀ ਸੋਮਵਾਰ ਨੂੰ 24,315.75 ਅੰਕਾਂ ‘ਤੇ ਖੁੱਲ੍ਹਿਆ, ਪਰ ਹੁਣ 313 ਅੰਕਾਂ ਦੀ ਗਿਰਾਵਟ ਨਾਲ 23,990 ‘ਤੇ ਕਾਰੋਬਾਰ ਕਰ ਰਿਹਾ ਹੈ।

ਦੱਸ ਦੇਈਏ ਕਿ ਬੀ.ਐੱਸ.ਈ. ਸੈਂਸੈਕਸ ਦੇ ਚੋਟੀ ਦੇ 30 ਸਟਾਕਾਂ ‘ਚੋਂ 25 ਸਟਾਕ ਡਿੱਗ ਰਹੇ ਹਨ, ਜਦਕਿ ਸਿਰਫ 4 ਸਟਾਕ ਵਧ ਰਹੇ ਹਨ। ਸਭ ਤੋਂ ਜ਼ਿਆਦਾ ਵਾਧਾ ਮਹਿੰਦਰਾ ਐਂਡ ਮਹਿੰਦਰਾ ਦੇ ਸ਼ੇਅਰਾਂ ‘ਚ ਦੇਖਣ ਨੂੰ ਮਿਲਿਆ ਹੈ, ਜਿਸ ‘ਚ 2.39 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਸਨ ਫਾਰਮਾ ਦੇ ਸ਼ੇਅਰਾਂ ‘ਚ 3 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਦੇਸ਼ ਦੀ ਸਭ ਤੋਂ ਵੱਡੀ ਕੰਪਨੀ ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰਾਂ ‘ਚ ਵੀ 2.64 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ, ਜਿਸ ਨਾਲ ਬਾਜ਼ਾਰ ‘ਚ ਦਬਾਅ ਵਧ ਗਿਆ ਹੈ।

ਜੇਕਰ ਸੈਕਟਰ ਦੇ ਹਿਸਾਬ ਨਾਲ ਦੇਖੀਏ ਤਾਂ ਸਾਰੇ ਸੈਕਟਰਾਂ ਵਿੱਚ ਗਿਰਾਵਟ ਦਾ ਮਾਹੌਲ ਹੈ। ਮੀਡੀਆ ਸੈਕਟਰ ਵਿੱਚ 2.66 ਫੀਸਦੀ ਅਤੇ ਤੇਲ ਅਤੇ ਗੈਸ ਖੇਤਰ ਵਿੱਚ 2.47 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਵਿੱਤ, ਆਟੋ, ਬੈਂਕਿੰਗ ਅਤੇ ਖਪਤਕਾਰ ਖੇਤਰਾਂ ਵਿੱਚ ਵੀ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ, ਜਿਸ ਕਾਰਨ ਨਿਵੇਸ਼ਕਾਂ ਨੂੰ ਭਾਰੀ ਨੁਕਸਾਨ ਝੱਲਣਾ ਪੈ ਰਿਹਾ ਹੈ।