ਚੰਡੀਗੜ੍ਹ, 29 ਅਪ੍ਰੈਲ 2024: ਅੱਜ ਆਈ.ਪੀ.ਐੱਲ 2024 (IPL 2024) ਦਾ 47ਵਾਂ ਮੈਚ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਦਿੱਲੀ ਕੈਪੀਟਲਸ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਦਿੱਲੀ ਕੈਪੀਟਲਜ਼ ਦੇ ਕਪਤਾਨ ਰਿਸ਼ਭ ਪੰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ।
ਨੌਜਵਾਨ ਬੱਲੇਬਾਜ਼ ਫਰੇਜ਼ਰ ਮੈਕਗਰਕ ਦਿੱਲੀ ਲਈ ਜੈਕਪਾਟ ਬਣ ਗਿਆ ਹੈ। ਲੁੰਗੀ ਨਗਿਡੀ ਦੇ ਲੀਗ ਤੋਂ ਹਟਣ ਤੋਂ ਬਾਅਦ ਮੈਕਗਰਕ ਨੂੰ ਟੀਮ ਵਿਚ ਸ਼ਾਮਲ ਕੀਤਾ ਗਿਆ ਸੀ, ਪਰ ਉਸ ਨੇ ਆਪਣੀ ਹਮਲਾਵਰ ਪਾਰੀ ਨਾਲ ਧਮਾਲ ਮਚਾ ਦਿੱਤੀ ਹੈ। ਇਸ 22 ਸਾਲਾ ਬੱਲੇਬਾਜ਼ ਨੇ ਪੰਜ ਮੈਚਾਂ (IPL 2024) ਵਿੱਚ 237.50 ਦੀ ਸਟ੍ਰਾਈਕ ਰੇਟ ਨਾਲ ਦੌੜਾਂ ਬਣਾਈਆਂ ਹਨ। ਮੈਕਗਰਕ ਨੇ ਪਿਛਲੇ ਮੈਚ ‘ਚ ਮੁੰਬਈ ਖਿਲਾਫ 27 ਗੇਂਦਾਂ ‘ਤੇ 84 ਦੌੜਾਂ ਬਣਾਈਆਂ ਸਨ।
ਉਨ੍ਹਾਂ ਨੇ ਤੇਜ਼ ਗੇਂਦਬਾਜ਼ਾਂ ਦੀ ਬੁਰੀ ਤਰ੍ਹਾਂ ਧੋਇਆ ਅਤੇ ਜਸਪ੍ਰੀਤ ਬੁਮਰਾਹ ਵਰਗੇ ਗੇਂਦਬਾਜ਼ ਨੂੰ ਵੀ ਨਹੀਂ ਬਖਸ਼ਿਆ। ਇਸ ਤੋਂ ਇਲਾਵਾ ਦੱਖਣੀ ਅਫਰੀਕਾ ਦੇ ਕਪਤਾਨ ਰਿਸ਼ਭ ਪੰਤ ਅਤੇ ਟ੍ਰਿਸਟਨ ਸਟੱਬਸ ਨੇ ਵੀ ਦਿੱਲੀ ਦੀ ਬੱਲੇਬਾਜ਼ੀ ਨੂੰ ਮਜ਼ਬੂਤ ਕੀਤਾ। ਗੇਂਦਬਾਜ਼ੀ ‘ਚ ਸਪਿਨਰ ਕੁਲਦੀਪ ਯਾਦਵ ਅਤੇ ਅਕਸ਼ਰ ਪਟੇਲ ਹਨ। ਕੁਲਦੀਪ ਪਹਿਲਾਂ ਕੇਕੇਆਰ ਵਿੱਚ ਹੀ ਸਨ। ਉਸ ਕੋਲ ਪੁਰਾਣੀ ਟੀਮ ਦੇ ਖ਼ਿਲਾਫ਼ ਕਾਫੀ ਕੁਝ ਸਾਬਤ ਕਰਨਾ ਹੋਵੇਗਾ।
