ਚੰਡੀਗੜ੍ਹ 15 ਦਸੰਬਰ 2021: ਭਾਰਤ ਦੇ ਐਚਐਸ ਪ੍ਰਣਯ (H. S. Prannoy) ਨੇ ਬੁੱਧਵਾਰ ਨੂੰ ਦੂਜੇ ਦੌਰ ਦਾ ਮੈਚ ਜਿੱਤ ਕੇ ਸਪੇਨ ਦੇ ਹੁਏਲਵਾ (Huelva) ਵਿੱਚ BWF ਵਿਸ਼ਵ ਬੈਡਮਿੰਟਨ ਚੈਂਪੀਅਨਸ਼ਿਪ (World Badminton Championships) ਦੇ ਰਾਊਂਡ ਆਫ 16 (ਪ੍ਰੀ-ਕੁਆਰਟਰ ਫਾਈਨਲ) ਵਿੱਚ ਪ੍ਰਵੇਸ਼ ਕਰ ਲਿਆ। ਇਸ ਦੌਰਾਨ, ਐਮਆਰ ਅਰਜੁਨ ਅਤੇ ਧਰੁਵ ਕਪਿਲਾ ਦੀ ਭਾਰਤੀ ਪੁਰਸ਼ ਡਬਲਜ਼ ਜੋੜੀ ਆਪਣੇ ਪਹਿਲੇ ਦੌਰ ਦੇ ਮੈਚ ਵਿੱਚ ਹਾਰ ਕੇ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ। ਪ੍ਰਣਯ ਨੇ ਮਲੇਸ਼ੀਆ ਦੇ ਚੋਟੀ ਦਰਜਾ ਪ੍ਰਾਪਤ ਖਿਡਾਰੀ ਲਿਊ ਡੈਰੇਨ ਨੂੰ ਲਗਾਤਾਰ ਗੇਮਾਂ ‘ਚ 42 ਮਿੰਟ ‘ਚ 21-7, 21-17 ਨਾਲ ਹਰਾਇਆ।