ਚੰਡੀਗੜ੍ਹ, 25 ਜਨਵਰੀ 2023: ਡੀਜੀਪੀ ਪੰਜਾਬ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਲੁਧਿਆਣਾ ਪੁਲਿਸ (Ludhiana Police) ਦੇ 76 ਪੁਲਿਸ ਅਧਿਕਾਰੀਆਂ ਨੂੰ (2 ਇੰਸਪੈਕਟਰ, 35 ਐਸਆਈ ਅਤੇ 39 ਏਐਸਆਈ ਨੂੰ ਵਜੋਂ) ਵੱਖ-ਵੱਖ ਰੈਂਕਾਂ ‘ਤੇ ਤਰੱਕੀ ਦਿੱਤੀ ਗਈ ਹੈ। ਲੁਧਿਆਣਾ ਪੁਲਿਸ ਦੇ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਵਧਾਈ ਦਿੱਤੀ ਅਤੇ ਮਿਹਨਤ ਕਰਨ ਲਈ ਪ੍ਰੇਰਿਆ ਕਿਉਂਕਿ ਜਿੰਨਾ ਉੱਚਾ ਰੈਂਕ, ਓਨੀ ਹੀ ਜਿੰਮੇਵਾਰੀ ਵੱਧ ਹੁੰਦੀ ਹੈ। ਪਦਉੱਨਤ ਹੋਏ ਸਾਰੇ ਅਧਿਕਾਰੀਆਂ ਨੇ ਭਾਵੁਕ ਹੋ ਕੇ ਹੋਰ ਵੀ ਲਗਨ ਅਤੇ ਇਮਾਨਦਾਰੀ ਨਾਲ ਕੰਮ ਕਰਨ ਦਾ ਵਾਅਦਾ ਕੀਤਾ ਹੈ ।

ਪੁਲਿਸ ਕਮਿਸ਼ਨਰ ਲੁਧਿਆਣਾ ਮਨਦੀਪ ਸਿੰਘ ਸਿੱਧੂ ਨੇ ਦੱਸਿਆ ਕਿ ਅੱਜ ਬਹੁਤ ਹੀ ਖੁਸ਼ੀ ਦਾ ਮੌਕਾ ਹੈ ਕਿ ਪੰਜਾਬ ਸਰਕਾਰ ਅਤੇ ਡੀ.ਜੀ.ਪੀ ਪੰਜਾਬ ਦੇ ਹੁਕਮਾਂ ਅਨੁਸਾਰ ਡਿਊਟੀ ਦੌਰਾਨ ਵਧੀਆ ਰਿਕਾਰਡ ਵਾਲੇ ਕਰਮਚਾਰੀਆਂ ਨੂੰ 24 ਸਾਲ ਅਤੇ 16 ਸਾਲ ਦੀ ਸਮਾਂਬੱਧ ਤਰੱਕੀਆਂ ਦਿੱਤੀਆਂ ਗਈਆਂ ਹਨ।