ਚੰਡੀਗੜ੍ਹ, 20 ਨਵੰਬਰ 2024: Punjab By-elections 2024: ਪੰਜਾਬ ਦੀਆਂ 4 ਵਿਧਾਨ ਸਭਾ ਸੀਟਾਂ ‘ਤੇ ਜ਼ਿਮਨੀ ਚੋਣਾਂ ਲਈ ਅੱਜ ਸੁਵੇਰ 7 ਵਜੇ ਤੋਂ ਬਰਨਾਲਾ, ਡੇਰਾ ਬਾਬਾ ਨਾਨਕ (Dera Baba Nanak), ਚੱਬੇਵਾਲ ਅਤੇ ਗਿੱਦੜਬਾਹਾ ਵਿਧਾਨ ਸਭਾ ਸੀਟ ‘ਤੇ ਵੋਟਿੰਗ ਚੱਲ ਰਹੀ ਹੈ |

ਚੋਣ ਕਮਿਸ਼ਨ ਮੁਤਾਬਕ ਸ਼ਾਮ 5.30 ਵਜੇ ਤੱਕ ਪੰਜਾਬ ਦੀਆਂ ਚਾਰ ਵਿਧਾਨ ਸਭਾ ਸੀਟਾਂ ‘ਤੇ 59.67 ਫੀਸਦੀ ਵੋਟਿੰਗ ਦਰਜ ਕੀਤੀ ਗਈ ਹੈ। ਗਿੱਦੜਬਾਹਾ ਵਿਧਾਨ ਸਭਾ ਸੀਟ ‘ਤੇ ਸਭ ਤੋਂ ਵੱਧ 78.1 ਫੀਸਦੀ ਮਤਦਾਨ ਹੋਇਆ। ਜਦੋਂ ਕਿ ਡੇਰਾ ਬਾਬਾ ਨਾਨਕ ‘ਚ 59.8 ਫੀਸਦੀ, ਬਰਨਾਲਾ ‘ਚ 52.7 ਫੀਸਦੀ ਅਤੇ ਚੱਬੇਵਾਲ ‘ਚ 48.01 ਫੀਸਦੀ ਵੋਟਿੰਗ ਹੋਈ ਹੈ ।