ਭਾਰਤ ਤੇ ਮਲੇਸ਼ੀਆ ਵਿਚਾਲੇ 17 ਅਗਸਤ 2021 ਨੂੰ “ਸਾਂਝੀ ਭਾਈਵਾਲੀ ਲਈ ਭਾਰਤੀ ਰੱਖਿਆ ਉਦਯੋਗ ਵਿਸ਼ਵੀ ਆਊਟਰੀਚ” ਦੇ ਥੀਮ ਤੇ ਇੱਕ ਵੈਬੀਨਾਰ ਤੇ ਐਕਸਪੋ ਆਯੋਜਿਤ ਕੀਤਾ ਗਿਆ । ਇਸ ਨੂੰ ਰੱਖਿਆ ਮੰਤਰਾਲੇ ਦੇ ਰੱਖਿਆ ਉਤਪਾਦਨ ਵਿਭਾਗ ਦੀ ਅਗਵਾਈ ਵਿੱਚ ਸੁਸਾਇਟੀ ਆਫ ਇੰਡੀਅਨ ਡਿਫੈਂਸ ਮੈਨਫੈਕਚਰਰਜ਼ (ਐੱਸ ਆਈ ਡੀ ਐੱਮ) ਰਾਹੀਂ ਆਯੋਜਿਤ ਕੀਤਾ ਗਿਆ । ਵੈਬੀਨਾਰ ਦੋਸਤਾਨਾ ਮੁਲਕਾਂ ਨਾਲ ਰੱਖਿਆ ਬਰਾਮਦ ਨੂੰ ਉਤਸ਼ਾਹ ਦੇਣ ਅਤੇ 2025 ਤੱਕ 5 ਬਿਲੀਅਨ ਰੱਖਿਆ ਬਰਾਮਦ ਟੀਚਾ ਪ੍ਰਾਪਤ ਕਰਨ ਲਈ ਲੜੀ ਦਾ ਇੱਕ ਹਿੱਸਾ ਸੀ ।
ਸੰਯੁਕਤ ਸਕੱਤਰ ਰੱਖਿਆ ਉਦਯੋਗ ਉਤਪਾਦਨ (ਡੀ ਆਈ ਪੀ) , ਰੱਖਿਆ ਮੰਤਰਾਲਾ ਅਨੁਰਾਗ ਵਾਜਪਈ ਅਤੇ ਦੋਨੋਂ ਮੁਲਕਾਂ ਦੇ ਸੀਨੀਅਰ ਅਧਿਕਾਰੀਆਂ ਨੇ ਵੈਬੀਨਾਰ ਵਿੱਚ ਹਿੱਸਾ ਲਿਆ ।
ਆਪਣੇ ਸੰਬੋਧਨ ਵਿੱਚ ਸੰਯੁਕਤ ਸਕੱਤਰ ਨੇ ਭਾਰਤ ਰੱਖਿਆ ਉਤਪਾਦਾਂ ਦੇ ਵਿਸ਼ਵੀ ਮਾਣਕਾਂ ਵਾਲੇ ਹੋਣ ਅਤੇ ਬਹੁਤ ਜਿ਼ਆਦਾ ਕਫਾਇਤੀ ਹੋਣ ਨੂੰ ਉਜਾਗਰ ਕੀਤਾ । ਉਹਨਾਂ ਕਿਹਾ ਕਿ ਭਾਰਤ ਕੋਲ ਵਿਸ਼ਵ ਪੱਧਰੀ ਪ੍ਰਣਾਲੀ ਦੀਆਂ ਜਨਤਕ ਅਤੇ ਨਿਜੀ ਕੰਪਨੀਆਂ ਦੇ ਨਾਲ ਇੱਕ ਮਜ਼ਬੂਤ ਸਿ਼ੱਪ ਬਿਲਡਿੰਗ ਉਦਯੋਗ ਹੈ । ਉਹਨਾਂ ਨੇ ਇਸ ਗੱਲ ਤੇ ਜ਼ੋਰ ਦਿੱਤਾ ਕਿ ਭਾਰਤ ਜਹਾਜ਼ਾਂ ਦੇ ਰੱਖਰਖਾਵ , ਮੁਰੰਮਤ ਅਤੇ ਓਵਰਹਾਲ ਗਤੀਵਿਧੀਆਂ ਵਿੱਚ ਇੱਕ ਹੱਬ ਵਜੋਂ ਆਪਣੀ ਸਥਿਤੀ ਰੱਖਦਾ ਹੈ ਅਤੇ ਦੋਨੋਂ ਮੁਲਕ ਇਸ ਖੇਤਰ ਵਿੱਚ ਸਾਂਝ ਪਾ ਸਕਦੇ ਨੇ । ਵੈਬੀਨਾਰ ਦੌਰਾਨ ਇੱਕ ਐੱਸ ਆਈ ਡੀ ਐੈੱਮ / ਕੇ ਪੀ ਐੱਮ ਜੀ ਦੁਆਰਾ ਨਾਲੇਜ ਪੇਪਰ ਵੀ ਜਾਰੀ ਕੀਤਾ ਗਿਆ ।
9 ਭਾਰਤੀ ਕੰਪਨੀਆਂ — ਇਲੈਕਟ੍ਰੋਨਿਕਸ ਲਿਮਟਿਡ , ਹਿੰਦੂਸਤਾਨ ਏਅਰ ਨੋਟਿਕਸ ਲਿਮਟਿਡ , ਗਾਰਡਨ ਰੀਚ ਸਿ਼ੱਪ ਬਿਲਡਰਜ਼ ਐਂਡ ਇੰਜੀਨੀਅਰਸ , ਐੱਲ ਐਂਡ ਟੀ ਰੱਖਿਆ ਅਤੇ ਭਾਰਤ ਫੋਰਸ ਲਿਮਟਿਡ ਨੇ ਮੁੱਖ ਰੱਖਿਆ ਵਿਸ਼ਵੀ ਪਲੇਟਫਾਰਮਾਂ ਅਤੇ ਉਤਪਾਦਨਾਂ ਬਾਰੇ ਪੇਸ਼ਕਾਰੀਆਂ ਦਿੱਤੀਆਂ । ਮਲੇਸ਼ੀਆ ਦੀ ਤਰਫੋਂ ਏਅਰ ਸਪੇਸ ਤਕਨਾਲੋਜੀ ਸਿਸਟਮਸ ਕਾਰਪੋਰੇਸ਼ਨ , ਏ ਐੱਮ ਪੀ ਕਾਰਪੋਰੇਸ਼ਨ , ਡੀ ਈ ਐੱਫ ਟੀ ਈ ਸੀ ਐੱਚ ਅਨਮੈਨਡ ਸਿਸਟਮਸ ਅਤੇ ਇੰਨੋਪੀਕ ਐੱਸ ਡੀ ਐੱਨ ਬੀ ਐੱਚ ਡੀ ਨੇ ਕੰਪਨੀ ਪੇਸ਼ਕਾਰੀਆਂ ਦਿੱਤੀਆਂ ।
150 ਤੋਂ ਵੱਧ ਡੈਲੀਗੇਟ ਵੈਬੀਨਾਰ ਵਿੱਚ ਸ਼ਾਮਲ ਹੋਏ । 100 ਤੋਂ ਵੱਧ ਵਰਚੁਅਲ ਪ੍ਰਦਰਸ਼ਨੀ ਸਟਾਲ ਸਥਾਪਿਤ ਕੀਤੇ ਗਏ ।