ਚੰਡੀਗੜ੍ਹ 19 ਜਨਵਰੀ 2022: ਵੈਸਟਇੰਡੀਜ਼ ‘ਚ ਅੰਡਰ-19 ਵਿਸ਼ਵ ਕੱਪ (Under-19 World Cup) ਖੇਡ ਰਹੀ ਟੀਮ ਇੰਡੀਆ ਦੇ ਖਿਡਾਰੀਆਂ ‘ਤੇ ਕੋਰੋਨਾ ਨੇ ਕਹਿਰ ਮਚਾ ਦਿੱਤਾ ਹੈ। ਕਪਤਾਨ ਯਸ਼ ਧੂਲ ਅਤੇ ਉਪ ਕਪਤਾਨ ਐਸਕੇ ਰਾਸ਼ਿਦ ਸਮੇਤ ਭਾਰਤੀ ਅੰਡਰ-19 ਟੀਮ (Indian under-19 team) ਦੇ ਛੇ ਖਿਡਾਰੀ ਕੋਰੋਨਾ ਦੀ ਲਪੇਟ ਵਿੱਚ ਆ ਗਏ ਹਨ। ਸਾਰੇ ਖਿਡਾਰੀਆਂ ਨੂੰ ਅਲੱਗ-ਥਲੱਗ ਕਰ ਦਿੱਤਾ ਗਿਆ ਹੈ। ਕਪਤਾਨ ਦੇ ਕੋਰੋਨਾ ਸੰਕਰਮਿਤ ਹੋਣ ਕਾਰਨ ਟੀਮ ਇੰਡੀਆ ਬੁੱਧਵਾਰ (19 ਜਨਵਰੀ) ਨੂੰ ਨਿਸ਼ਾਂਤ ਸਿੰਧੂ ਦੀ ਅਗਵਾਈ ‘ਚ ਆਇਰਲੈਂਡ ਖਿਲਾਫ ਆਪਣੇ ਦੂਜੇ ਮੈਚ ‘ਚ ਉਤਰੀ।
ਨਿਊਜ਼ ਏਜੰਸੀ ਦੇ ਅਧਿਕਾਰੀ ਨੇ ਖਿਡਾਰੀਆਂ ਦੇ ਕੋਰੋਨਾ ਸੰਕਰਮਿਤ ਹੋਣ ਦੀ ਖਬਰ ਦੀ ਪੁਸ਼ਟੀ ਕੀਤੀ ਹੈ। ਭਾਰਤੀ ਟੀਮ ਨੂੰ ਵਿਸ਼ਵ ਕੱਪ (Under-19 World Cup) ਦੇ ਆਪਣੇ ਦੂਜੇ ਮੈਚ ਵਿੱਚ ਸਹੀ ਪਲੇਇੰਗ-11 ਹਾਸਲ ਕਰਨ ਲਈ ਕਾਫੀ ਸੰਘਰਸ਼ ਕਰਨਾ ਪਿਆ ਹੈ। ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈਸੀਸੀ) ਨੇ ਇੱਕ ਟੀਮ ਨੂੰ ਟੂਰਨਾਮੈਂਟ ਲਈ ਆਪਣੀ ਟੀਮ ਵਿੱਚ 17 ਖਿਡਾਰੀ ਰੱਖਣ ਦੀ ਇਜਾਜ਼ਤ ਦਿੱਤੀ ਹੈ। ਟੀਮ ਇੰਡੀਆ ਇਸ ਕਾਰਨ 11 ਖਿਡਾਰੀਆਂ ਨੂੰ ਫੀਲਡਿੰਗ ਕਰਨ ‘ਚ ਸਫਲ ਰਹੀ।