ਨਵਾਂਸ਼ਹਿਰ 13 ਸਤੰਬਰ 2022: ਜ਼ਿਲ੍ਹਾ ਨਵਾਂਸ਼ਹਿਰ (Nawanshahr) ਵਿਖੇ ਬੀਤੀ ਦੇਰ ਸ਼ਾਮ ਭਿਆਨਕ ਹਾਦਸਾ ਵਾਪਰਿਆ, ਨਵਾਂਸ਼ਹਿਰ ਦੇ ਥਾਣਾ ਬਹਿਰਾਮ ਤੋ 100 ਗੱਜ ਦੀ ਦੂਰੀ ਟੀ ਪੁਆਇੰਟ ਮਾਹਿਲਪੁਰ ਚੌਂਕ ਉੱਤੇ ਇੱਕ ਟਰੱਕ ਦੀ ਅਣਗਹਿਲੀ ਨਾਲ ਹੋਏ ਹਾਦਸੇ ਵਿੱਚ ਇੱਕੋ ਹੀ ਪਰਿਵਾਰ ਦੇ ਤਿੰਨ ਜਣਿਆਂ ਦੀ ਮੌਤ ਹੋ ਗਈ । ਹਾਦਸੇ ਦੀ ਸਾਰੀ ਘਟਨਾ ਨਜਦੀਕ ਲੱਗੇ ਸੀ.ਸੀ.ਟੀ.ਵੀ ਕੈਮਰੇ ਵਿੱਚ ਕੈਦ ਹੋ ਗਈ ਹੈ । ਹਾਦਸਾ ਇੰਨਾ ਭਿਆਨਕ ਸੀ ਦੋ ਕਾਰਾਂ ਦੇ ਚੀਥੜੇ ਉੜ ਗਏ ਲੇਕਿਨ ਦੂਜੀ ਕਾਰ ਵਿੱਚ ਸਵਾਰ 3 ਵਿਅਕਤੀਆਂ ਦੇ ਮਾਮੂਲੀ ਚੋਟ ਲੱਗੀ ਹੈ |
ਜਦਕਿ ਇੱਕ ਹੋਰ ਕਾਰ ਜੋ ਬਟਾਲਾ ਤੋਂ ਗੜਸ਼ੰਕਰ ਨੂੰ ਜਾ ਰਹੇ ਹਨ, ਇਸ ਕਾਰ ਵਿੱਚ ਸਵਾਰ ਪਤੀ ਪਤਨੀ ਅਤੇ ਉਨ੍ਹਾਂ ਦਾ ਬੇਟਾ ਸਵਾਰ ਸੀ ਜਿਨ੍ਹਾਂ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ । ਦੱਸਿਆ ਜਾ ਰਿਹਾ ਹੈ ਕਿ ਉਕਤ ਟਰਾਲਾ ਜੋ ਬੰਗਾ ਤੋਂ ਫਗਵਾੜਾ ਜਾ ਰਿਹਾ ਸੀ ਜਦੋਂ ਮਾਹਿਲਪੁਰ ਚੌਂਕ ਕੋਲੋਂ ਟਰਾਲੇ ਦੇ ਚਾਲਕ ਜਿਸਦੀ ਪਹਿਚਾਣ ਮੇਜਰ ਸਿੰਘ ਵਜੋਂ ਹੋਈ ਹੈ ।
ਪੁਲਿਸ ਨੇ ਉਕਤ ਟਰਾਲਾ ਚਾਲਕ ਖਿਲਾਫ਼ ਧਾਰਾ 304 /427/279 ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ | ਫਿਲਹਾਲ ਟਰਾਲਾ ਚਾਲਕ ਮੌਕੇ ਤੋਂ ਫਰਾਰ ਹੈ, ਜਿਸਦੀ ਪੁਲਿਸ ਵਲੋਂ ਭਾਲ ਕੀਤੀ ਜਾ ਰਹੀ ਹੈ । ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਬੰਗਾ ਦੇ ਸਿਵਲ ਹਸਪਤਾਲ ਪੋਸਟਮਾਰਟਮ ਲਈ ਰਖਵਾ ਦਿੱਤੀਆਂ ਹਨ ਅਤੇ ਮ੍ਰਿਤਕਾਂ ਦੇ ਪਰਿਵਾਰਕ ਮੈਬਰਾਂ ਨੂੰ ਇਸਦੀ ਜਾਣਕਾਰੀ ਦੇ ਦਿੱਤੀ ਗਈ ਹੈ।
