ਚੰਡੀਗੜ੍ਹ, 20 ਅਗਸਤ 2024: 2 ਬਿਲੀਅਨ ਅਮਰੀਕੀ ਡਾਲਰ ਦੇ ਸਾਲਾਨਾ ਕਾਰੋਬਾਰ ਵਾਲੇ ਗਲੋਬਲ ਟ੍ਰਾਈਡੈਂਟ ਗਰੁੱਪ (Trident Group) ਨੇ ਆਪਣਾ ਪ੍ਰਮੁੱਖ ਭਰਤੀ ਅਤੇ ਸਿਖਲਾਈ ਪ੍ਰੋਗਰਾਮ ‘ਤਕਸ਼ਸ਼ੀਲਾ’ ਸ਼ੁਰੂਆਤ ਕਰਨ ਦਾ ਐਲਾਨ ਕੀਤਾ ਹੈ।
ਇਸ ਪ੍ਰੋਗਰਾਮ ਦਾ ਮਕਸਦ ਰੁਜ਼ਗਾਰ ਅਤੇ ਹੁਨਰ ਵਿਕਾਸ ’ਤੇ ਕੇਂਦਰਿਤ ਕਰਕੇ ਪੇਂਡੂ ਅਤੇ ਅਰਧ-ਸ਼ਹਿਰੀ ਭਾਰਤ ਦੇ 2000 ਪ੍ਰਵੇਸ਼-ਪੱਧਰ ਦੇ ਕਰਮਚਾਰੀਆਂ ਦੀ ਭਰਤੀ ਅਤੇ ਸਿਖਲਾਈ ਦੇਣਾ ਹੈ | ਵੱਖ-ਵੱਖ ਵਿੱਦਿਅਕ ਪਿਛੋਕੜ ਵਾਲੇ ਨੌਜਵਾਨਾਂ ਲਈ ਤਕਸ਼ਸ਼ਿਲਾ ਪ੍ਰੋਗਰਾਮ ਇੱਕ ਪਲੇਟਫਾਰਮ ਪੇਸ਼ ਕਰਦਾ ਹੈ | ਇਸ ‘ਚ ਡਿਪਲੋਮੇ, ਆਈ.ਟੀ.ਆਈ. ਅਤੇ 10+2 ਸਿੱਖਿਆ ਸ਼ਾਮਲ ਹੈ |
ਵਿਦਿਅਕ ਰੁਕਾਵਟਾਂ ਨੂੰ ਪਾਰ ਕਰਕੇ ‘ਤਕਸ਼ਸ਼ੀਲਾ’ ਨੌਜਵਾਨਾਂ ਲਈ ਰੁਜ਼ਗਾਰ, ਸਿੱਖਣ ਅਤੇ ਵਧਣ ਲਈ ਰਾਹ ਪੱਧਰਾ ਕਰਦੀ ਹੈ | ਇਸਦੇ ਨਾਲ ਹੀ ਇਹ ਪਹਿਲਕਦਮੀ ਨਿਰੰਤਰ ਸੁਧਾਰ ਅਤੇ ਵਿਅਕਤੀਗਤ ਵਿਕਾਸ ਦੇ ਸੱਭਿਆਚਾਰ ਨੂੰ ਪ੍ਰਫੁੱਲਿਤ ਕਰਦੀ ਹੈ। ਸਿਖਲਾਈ ਤੋਂ ਬਾਅਦ ਤਨਖ਼ਾਹ ਦੀ ਆਮ ਸ਼੍ਰੇਣੀ 12 ਲੱਖ ਰੁਪਏ ਸਾਲਾਨਾ ਤੋਂ ਸ਼ੁਰੂ ਹੁੰਦੀ ਹੈ, ਜੋ ਕਿ ਇੱਕ ਬੁਨਿਆਦੀ ਸਿੱਖਿਆ ਪਿਛੋਕੜ ਦੇ ਨਾਲ ਰੋਜ਼ੀ-ਰੋਟੀ ਦਾ ਮੌਕਾ ਪ੍ਰਦਾਨ ਕਰਦੀ ਹੈ, ਜੋ ਕਿ ਕਾਰਪੋਰੇਟ ਭਾਰਤ
‘ਚ ਵਿਲੱਖਣ ਅਤੇ ਇੱਕ ਕਿਸਮ ਦਾ ਮੌਕਾ ਹੈ।
ਇਸ ਨਵੇਂ ਪ੍ਰੋਗਰਾਮ ਬਾਰੇ ਟ੍ਰਾਈਡੈਂਟ ਗਰੁੱਪ (Trident Group) ਦੇ ਐਮਰੀਟਸ ਚੇਅਰਮੈਨ, ਪਦਮਸ਼੍ਰੀ ਰਜਿੰਦਰ ਗੁਪਤਾ ਨੇ ਕਿਹਾ ਕਿ, ‘‘ਅੱਜ ਦਾ ਦਿਨ ਇੱਕ ਅਜਿਹਾ ਮਹੱਤਵਪੂਰਣ ਮੌਕਾ ਹੈ ਜਦੋਂ ਅਸੀਂ ਆਪਣੇ ਫਲੈਗਸ਼ਿਪ ਪ੍ਰੋਗਰਾਮ, ਤਕਸ਼ਸ਼ਿਲਾ ਦੀ ਸ਼ੁਰੂਆਤ ਦੇ ਨਾਲ ਵਿਕਾਸ ਅਤੇ ਸਸ਼ਕਤੀਕਰਨ ਦੇ ਇੱਕ ਨਵੇਂ ਚੈਪਟਰ ਦੀ ਸ਼ੁਰੂਆਤ ਕਰ ਰਹੇ ਹਾਂ ਅਤੇ ਇਹ ਪ੍ਰੋਗਰਾਮ ਬਹੁਤ ਖ਼ਾਸ ਹੈ।
ਉਨ੍ਹਾਂ ਕਿਹਾ ਕਿ ਇਹ ਪ੍ਰੋਗਰਾਮ ਸਮਾਜਿਕ ਵਿਕਾਸ, ਆਰਥਿਕ ਉੱਨਤੀ, ਵਿਭਿੰਨਤਾ, ਸਮਾਵੇਸ਼ ਅਤੇ ਰਾਸ਼ਟਰ ਨਿਰਮਾਣ ਨੂੰ ਧਿਆਨ ‘ਚ ਰੱਖਦਿਆਂ ਤਿਆਰ ਕੀਤਾ ਗਿਆ ਹੈ | ਇਸ ਲਈ ਬੀਬੀਆਂ ਲਈ (50 ਫੀਸਦੀ ਰਾਖਵੀਂਆਂ ਸੀਟਾਂ ਦੇ ਨਾਲ) ਪੇਂਡੂ ਅਤੇ ਆਰਥਿਕ ਤੌਰ ’ਤੇ ਕਮਜ਼ੋਰ ਪਰਿਵਾਰਾਂ, ਰੱਖਿਆ ਸੇਵਾ ਦੇ ਸਾਬਕਾ ਫੌਜੀਆਂ ਅਤੇ ਰਾਸ਼ਟਰੀ ਪੱਧਰ ਦੇ ਖੇਡ ਖਿਡਾਰੀਆਂ ਨੂੰ ਵਿਸ਼ੇਸ਼ ਤਰਜੀਹ ਦਿੱਤੀ ਜਾਵੇਗੀ।”
ਉਨ੍ਹਾਂ ਕਿਹਾ ਕਿ ‘ਤਕਸ਼ਸ਼ੀਲਾ’ ਪ੍ਰੋਗਰਾਮ ਹਰ ਕਿਸੇ ਨੂੰ ਆਪਣੀ ਦੂਰੀ ਦਾ ਵਿਸਤਾਰ ਕਰਨ ਅਤੇ ਭਾਗੀਦਾਰ ਬਣਨ ਲਈ ਇੱਕ ਪਲੇਟਫਾਰਮ ਪ੍ਰਦਾਨ ਕਰਕੇ ‘ਅਵਸਰ ਅਸੀਮਤ’ ਦੇ ਸਾਡੇ ਦਰਸ਼ਨ ਨੂੰ ਮੂਰਤੀਮਾਨ ਕਰਦੀ ਹੈ। ਜਿੱਥੇ ਹਰ ਕੋਈ ਸਿੱਖਦਾ ਹੈ, ਇਕੱਠੇ ਵਧਣ ਦੇ ਪਿਆਰ ਦੁਆਰਾ ਪ੍ਰੇਰਿਤ ਹੁੰਦਾ ਹੈ। ਅਸੀਂ ਬਹੁਤ ਉਤਸ਼ਾਹ ਨਾਲ ‘ਤਕਸ਼ਸ਼ਿਲਾ 2024’ ਦੀ ਸ਼ੁਰੂਆਤ ਕਰ ਰਹੇ ਹਾਂ”।
ਉਨ੍ਹਾਂ ਕਿਹਾ ਕਿ ਆਪਣੀ ਸ਼ੁਰੂਆਤ ਤੋਂ ਲੈ ਕੇ ਤਕਸ਼ਸ਼ਿਲਾ ਪਹਿਲਕਦਮੀ ਨੇ ਪਿਛੋਕੜ ਵਾਲੇ 20,000 ਤੋਂ ਵੱਧ ਵਿਅਕਤੀਆਂ ਨੂੰ ਸਫਲਤਾਪੂਰਵਕ ਸਿਖਲਾਈ ਅਤੇ ਰੁਜ਼ਗਾਰ ਦਿੱਤਾ ਗਿਆ ਹੈ। ਭਾਗੀਦਾਰਾਂ ਨੂੰ ਸਟਰਕਚਰਡ ਕਲਾਸਰੂਮ ਸਿਖਲਾਈ, ਹੈਂਡ-ਆਨ ਅਨੁਭਵ, ਸਲਾਹਕਾਰ ਅਤੇ ਨਿਰੰਤਰ ਅਪਸਕਿਲਿੰਗ ਤੋਂ ਗੁਜ਼ਰਨਾ ਪੈਂਦਾ ਹੈ |
ਇਹ ਯਕੀਨੀ ਬਣਾਉਣ ਲਈ ਕਿ ਉਹ ਆਪਣੇ ਕੈਰੀਅਰ ‘ਚ ਉੱਤਮਤਾ ਪ੍ਰਾਪਤ ਕਰਨ ਲਈ ਚੰਗੀ ਤਰ੍ਹਾਂ ਤਿਆਰ ਹਨ। ਇਹਨਾਂ ‘ਚੋਂ ਬਹੁਤ ਸਾਰੇ ਸਾਬਕਾ ਵਿਦਿਆਰਥੀ ਰਾਸ਼ਟਰੀ ਅਤੇ ਵਿਸ਼ਵ ਪੱਧਰ ’ਤੇ ਪੇਸ਼ੇਵਰ ਪ੍ਰਭਾਵਸ਼ਾਲੀ ਆਗੂ, ਉੱਦਮੀ, ਸਿਵਲ ਸੇਵਕ, ਅਕਾਦਮਿਕ ਅਤੇ ਕਾਰੋਬਾਰੀ ਬਣ ਗਏ ਹਨ।
ਤਕਸ਼ਸ਼ਿਲਾ 2024 ਭਰਤੀ ਡਰਾਈਵ ਇੱਕ ਵਿਆਪਕ ਡਿਜੀਟਲ ਮੀਡੀਆ ਮੁਹਿੰਮ, ਕੈਂਪਸ ਸ਼ਮੂਲੀਅਤ ਅਤੇ ਗ੍ਰਾਮੀਣ ਆਊਟਰੀਚ ਪ੍ਰੋਗਰਾਮਾਂ ਰਾਹੀਂ 50,000 ਤੋਂ ਵੱਧ ਬਿਨੈਕਾਰਾਂ ਤੱਕ ਪਹੁੰਚਣ ਲਈ ਤਿਆਰ ਹੈ।