ਚੰਡੀਗੜ੍ਹ, 21 ਨਵੰਬਰ 2021 : ਗੁਰਮੀਤ ਬਾਵਾ ‘ਜੁਗਨੀ’ ਗੀਤ ਦੇ ਗਾਇਕਾਂ ਵਿੱਚੋਂ ਇੱਕ ਸੀ। ਉਹ ਪਹਿਲੀ ਮਹਿਲਾ ਗਾਇਕਾ ਸੀ ਜਿਸ ਨੇ ਦੂਰਦਰਸ਼ਨ ‘ਤੇ ਗੀਤ ਗਾਇਆ ਸੀ । ਪੰਜਾਬੀ ਲੋਕ ਗਾਇਕੀ ਵਿੱਚ ਉਹਨਾਂ ਦੀ 45 ਸੈਕਿੰਡ ਦੀ ਹੇਕ ਰਿਕਾਰਡ ਸੀ। ਉਨ੍ਹਾਂ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਕਿ ਇਹ ਰਿਕਾਰਡ ਕਿਵੇਂ ਬਣਿਆ ਸੀ ।
ਗੁਰਮੀਤ ਬਾਵਾ ਨੇ ਦੱਸਿਆ ਕਿ ਇਹ ਭਾਰਤ ਸਰਕਾਰ ਵੱਲੋਂ 20-25 ਦੇਸ਼ਾਂ ਨੂੰ ਭੇਜੀ ਗਈ ਸੀ। 45 ਸੈਕਿੰਡ ਲੰਬੀ ਹੇਕ ਦੇ ਉਸ ਦੇ ਰਿਕਾਰਡ ਦੀ ਗੱਲ ਕਰੀਏ ਤਾਂ ਰੂਸ ਵਿੱਚ ਇੱਕ ਮੇਲਾ ਲੱਗਿਆ ਸੀ ਜਿੱਥੇ ਉਹ ਗਈ ਸੀ। ਇਸ ਮੇਲੇ ਵਿੱਚ ਇੱਕ ਗਾਇਕੀ ਮੁਕਾਬਲਾ ਚੱਲ ਰਿਹਾ ਸੀ, ਜਿਸ ਬਾਰੇ ਉਹਨਾਂ ਨੂੰ ਬਿਲਕੁਲ ਵੀ ਪਤਾ ਨਹੀਂ ਸੀ।
ਉਹਨਾਂ ਦੇ ਗੀਤ ਤੋਂ ਪਹਿਲਾਂ ਇਕ ਕੁੜੀ ਅੰਗਰੇਜ਼ੀ ਗੀਤ ਗਾ ਕੇ ਆਈ, ਜਿਸ ਦੀ ਤਾਰੀਫ ਕੀਤੀ ਗਈ, ਉਦੋਂ ਵੀ ਉਹਨਾਂ ਨੂੰ ਇਸ ਮੁਕਾਬਲੇ ਬਾਰੇ ਪਤਾ ਨਹੀਂ ਸੀ। ਜਦੋਂ ਗੁਰਮੀਤ ਬਾਵਾ ਦੇ ਗੀਤ ਦੀ ਗੱਲ ਆਈ ਤਾਂ ਉਹ ਅਜੇ ਤਾੜੀਆਂ ਵਜਾਉਣ ਹੀ ਲੱਗਾ ਸੀ ਕਿ ਸਾਰਾ ਹਾਲ ਤਾੜੀਆਂ ਨਾਲ ਗੂੰਜਣ ਲੱਗ ਪਿਆ ਅਤੇ ਹਾਲ ਬੰਦ ਹੋਣ ਤੋਂ ਬਾਅਦ ਵੀ ਤਾੜੀਆਂ ਗੂੰਜਦੀਆਂ ਰਹੀਆਂ।
ਉਦੋਂ ਇਕ ਔਰਤ ਦੌੜਦੀ ਹੋਈ ਉਹਨਾਂ ਦੇ ਕੋਲ ਆਈ ਅਤੇ ਕਹਿਣ ਲੱਗੀ, ‘ਤੁਸੀਂ ‘ਭਾਰਤ ਦੀ ਪਹਿਲੀ ਔਰਤ ਹੋ, ਤੁਸੀਂ 45 ਸੈਕਿੰਡ ਦਾ ਸਮਾਂ ਲੈ ਕੇ ਇੱਕ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ।’ ਉਦੋਂ ਵੀ ਗੁਰਮੀਤ ਬਾਵਾ ਨੂੰ ਯਕੀਨ ਨਹੀਂ ਆ ਰਿਹਾ ਸੀ। ਇੰਨਾ ਹੀ ਨਹੀਂ ਔਰਤ ਨੇ ਆਪਣੀ ਘੜੀ ਉਤਾਰ ਕੇ ਉਨ੍ਹਾਂ ਨੂੰ ਦੇ ਦਿੱਤੀ।
