ਚੰਡੀਗੜ੍ਹ, 15 ਜਨਵਰੀ 2022 : ਪੰਜਾਬ ਵਿਧਾਨ ਸਭਾ ਚੋਣਾਂ ਦਾ ਸਮੇਂ ਬੇਹੱਦ ਨਜ਼ਦੀਕ ਆ ਚੁੱਕਾ ਹੈ, ਹਰ ਇੱਕ ਵਰਗ ਆਪੋ-ਆਪਣੀਆਂ ਮੰਗਾਂ ਲੈ ਕੇ ਸੜਕ ‘ਤੇ ਉੱਤਰੇ ਹੋਏ ਹਨ | ਜਿਸ ਦੇ ਚਲਦਿਆਂ ਪੰਜਾਬ ਦੇ ਨੌਜਵਾਨ ਜੋ ਕਿ ਭਾਰਤੀ ਸੈਨਾ ਦੇ ਫਿਜ਼ੀਕਲ ਟੈਸਟ ‘ਚੋਂ ਪਾਸ ਹੋ ਚੁੱਕੇ ਹਨ ਅਤੇ ਇੰਤਜ਼ਾਰ ਕਰ ਰਹੇ ਹਨ ਕਿ ਕਦੋਂ ਸਰਕਾਰ ਉਹਨਾ ਦਾ ਲਿਖਤੀ ਟੈਸਟ ਲਵੇਗੀ |
ਲੰਮੇ ਸਮੇਂ ਦੇ ਇੰਤਜ਼ਾਰ ਤੋਂ ਬਾਅਦ ਪੰਜਾਬ ਦੇ ਨੌਜਵਾਨਾਂ ਨੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ ਪੁੱਜ ਕੇ ਰਾਮਾਮੰਡੀ ਵਿਖੇ ਰੋਸ ਵਜੋਂ ਚੱਕਾ ਜਾਮ ਕਰ ਦਿੱਤਾ | ਜਿਸ ਦੌਰਾਨ ਜਲੰਧਰ ਤੋਂ ਫਗਵਾੜਾ ਅਤੇ ਫਗਵਾੜਾ ਤੋਂ ਜਲੰਧਰ ਵੱਲ ਜਾਣ ਵਾਲੇ ਰਸਤੇ ‘ਤੇ ਵਾਹਨਾਂ ਦੀਆਂ ਲੰਮੀਆਂ ਕਤਾਰਾਂ ਲੱਗੀਆਂ ਹੋਇਆ ਹਨ | ਜਿਸ ਦੇ ਚਲਦਿਆਂ ਨੌਜਵਾਨਾਂ ਨੇ ਕਿਹਾ ਕਿ ਉਹਨਾਂ ਦਿਨ ਰਾਤ ਇੱਕ ਕਰਕੇ ਮਿਹਨਤ ਕੀਤੀ ਅਤੇ ਫਿਜ਼ੀਕਲ ਟੈਸਟ ਪਾਸ ਕੀਤਾ ਹੈ, ਪਰ ਹੁਣ ਜਦੋ ਲਿਖਤੀ ਟੈਸਟ ਦੀ ਵਾਰੀ ਹੈ, ਕੋਈ ਵੀ ਸਿਆਸੀ ਆਗੂ ਜਾਂ ਪਾਰਟੀ ਸਾਡੀ ਅਵਾਜ਼ ਨਹੀਂ ਬਣ ਰਹੇ |
