ਅੰਮ੍ਰਿਤਸਰ 7ਨਵੰਬਰ 2024 :- ਸੁਨਿਆਰੇ ਦੀ ਦੁਕਾਨ ਤੇ ਕੰਮ ਕਰਨ ਵਾਲੇ 23 ਸਾਲਾਂ ਸ਼ੁਭਮ (Shubham) ਲਈ ਦੀਵਾਲੀ ਦੀ ਰਾਤ ਕਾਲ ਬਣ ਕੇ ਆਈ ਦੱਸ ਦੇਈਏ ਕਿ ਇਕ ਝਗੜੇ ਨੂੰ ਛੁਡਾਉਦਿਆ ਝਗੜਾ ਕਰਨ ਵਾਲੇ ਨੌਜਵਾਨਾਂ (young men) ਵਲੋਂ ਸ਼ੁਭਮ ਨੂੰ ਹੀ ਨਿਸ਼ਾਨਾ ਬਣਾ ਤੇਜ਼ਧਾਰ ਹਥਿਆਰਾਂ ਨਾਲ ਬੁਰੀ ਤਰ੍ਹਾਂ ਜ਼ਖ਼ਮੀ(INJURED) ਕਰ ਦਿੱਤਾ ਗਿਆ, ਜਿਸਦੀ 6 ਨਵੰਬਰ ਦੀ ਰਾਤ ਇਲਾਜ ਦੌਰਾਨ ਮੌਤ (died) ਹੋ ਗਈ, ਤੇ ਪੀੜੀਤ ਪਰਿਵਾਰ ਵਲੋਂ ਇਨਸਾਫ਼ ਦੀ ਗੁਹਾਰ ਲਗਾਉਦਿਆ ਦੋਸ਼ੀਆਂ ਨੂੰ ਸਜਾ ਦੇਣ ਦੀ ਅਪੀਲ ਕੀਤੀ ਜਾ ਰਹੀ ਹੈ।
ਇਸ ਸੰਬਧੀ ਜਾਣਕਾਰੀ ਦਿੰਦਿਆ ਮ੍ਰਿਤਕ ਦੀ ਮਾਤਾ ਅਤੇ ਭਰਾ ਨੇ ਦੱਸਿਆ ਕਿ ਦੀਵਾਲੀ ਦੀ ਰਾਤ ਉਹਨਾਂ ਦਾ ਬੇਟਾ ਘਰੋ ਬਰਗਰ ਖਾਣ ਲਾਲਾ ਵਾਲੀ ਗਲੀ ਗਿਆ ਸੀ, ਜਿਥੇ ਕੁਝ ਨੌਜਵਾਨ ਇਕ ਲੜਕੇ ਦੀ ਕੁੱਟਮਾਰ ਕਰ ਰਹੇ ਸਨ ਅਤੇ ਜਦੋ ਸੁਭਮ ਨੇ ਝਗੜਾ ਛੁਡਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਹਨਾ ਨੌਜਵਾਨਾਂ ਦੇ ਵਲੋਂ ਉਸ ਨੂੰ ਹੀ ਨਿਸ਼ਾਨਾ ਬਣਾ ਤੇਜ਼ਧਾਰ ਹਥਿਆਰਾਂ ਨਾਲ ਬੁਰੀ ਤਰ੍ਹਾਂ ਜ਼ਖ਼ਮੀ ਕਰ ਦਿੱਤਾ ਜਿਸਦੀ ਅੱਜ ਮੌਤ ਹੋ ਗਈ ਹੈ, ਝਗੜੇ ਵਾਲੀ ਜਗ੍ਹਾ ਤੋਂ ਸੁਰਾਗ ਦੇਖ ਪੁਲਿਸ ਨੂੰ ਇਕ ਨੌਜਵਾਨ ਫੜਾਇਆ ਸੀ ਪਰ ਉਸਨੂੰ ਵੀ ਪੁਲਿਸ ਨੇ ਛੱਡ ਦਿੱਤਾ ਹੈ ਅਤੇ ਪੁਲਿਸ ਸਾਡੀ ਕੋਈ ਕਾਰਵਾਈ ਨਹੀ ਕਰ ਰਹੀ।
ਇਸ ਸੰਬਧੀ ਥਾਣਾ ਕੋਤਵਾਲੀ ਦੇ SHO ਹਰਸ਼ਨਦੀਪ ਸਿੰਘ ਨੇ ਦੱਸਿਆ ਕਿ ਉਹ ਮੌਕੇ ਤੇ ਪਹੁੰਚੇ ਹਨ ਪਰਿਵਾਰ ਦੇ ਬਿਆਨ ਕਲਮਬਧ ਕਰ ਬਣਦੀ ਕਾਰਵਾਈ ਅਮਲ ਵਿਚ ਲਿਆਉਣਗੇ।