ਚੰਡੀਗੜ, 04 ਅਕਤੂਬਰ 2024: ਹਮੀਰਪੁਰ (Hamirpur) ਜ਼ਿਲ੍ਹੇ ‘ਚ ਲੋਕੋ ਪਾਇਲਟ (loco Pilot) ਦੀ ਸੂਝ-ਬੂਝ ਨਾਲ ਇੱਕ ਰੇਲ ਹਾਦਸਾ ਹੋਣ ਤੋਂ ਟਲ ਗਿਆ | ਭਰੂਆ ਸੁਮੇਰਪੁਰ ਰੇਲਵੇ ਨੂੰ ਡਬਲ ਕਰਨ ਦੀ ਕਾਰਜਕਾਰੀ ਏਜੰਸੀ ਕੇਪੀਟੀਐਲ ਦੀ ਲਾਪਰਵਾਹੀ ਕਾਰਨ ਮੇਮੂ ਟਰੇਨ (MEMU train) ਪਲਟਣ ਤੋਂ ਬਚ ਗਈ। ਰੇਲਵੇ ਪਲੇਟਫਾਰਮ ‘ਤੇ ਲੱਕੜ ਦੇ ਟੁਕੜੇ ਨੂੰ ਦੇਖ ਕੇ ਲੋਕੋ ਪਾਇਲਟ ਨੇ ਐਮਰਜੈਂਸੀ ਬ੍ਰੇਕ ਲਗਾ ਕੇ ਟਰੇਨ ਨੂੰ ਪਹਿਲਾਂ ਹੀ ਰੋਕ ਲਿਆ, ਨਹੀਂ ਤਾਂ ਵੱਡਾ ਹਾਦਸਾ ਵਾਪਰ ਸਕਦਾ ਸੀ |
ਸਟੇਸ਼ਨ ਮੈਨੇਜਰ ਨੇ ਇਸ ਦੀ ਸੂਚਨਾ ਆਰਪੀਐਫ ਸਮੇਤ ਉੱਚ ਅਧਿਕਾਰੀਆਂ ਨੂੰ ਦਿੱਤੀ ਹੈ ।ਅਧਿਕਾਰੀਆਂ ਨੇ ਮੌਕੇ ‘ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਰੇਲਵੇ ਨੇ ਉਕਤ ਏਜੰਸੀ ਦੇ ਖ਼ਿਲਾਫ ਐੱਫ.ਆਈ.ਆਰ. ਦਰਜ ਕਰਵਾਉਣ ਦੀ ਗੱਲ ਆਖੀ ਹੈ |
ਦਰਅਸਲ, ਕਾਨਪੁਰ ਤੋਂ ਮਾਨਿਕਪੁਰ ਜਾਣ ਵਾਲੀ ਮੇਮੂ ਰੇਲ ਗੱਡੀ ਨੇ ਸਵੇਰੇ ਸਾਢੇ ਅੱਠ ਵਜੇ ਕਸਬੇ ਦੇ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ ਤਿੰਨ ‘ਤੇ ਪੁੱਜਣਾ ਸੀ। ਡਬਲਿੰਗ ਦਾ ਕੰਮ ਕਰ ਰਹੀ ਕੰਪਨੀ ਕੇਪੀਟੀਐਲ ਨੇ ਇਸ ਪਲੇਟਫਾਰਮ ‘ਚ ਕੰਮ ਲਈ ਪਟੜੀ ਅਤੇ ਪਲੇਟਫਾਰਮ ਦੀ ਕੰਧ ਦੇ ਵਿਚਕਾਰ ਲੱਕੜ ਦੇ ਟੁਕੜੇ ਰੱਖੇ ਸਨ।ਹਾਲਾਂਕਿ ਕੰਮ ਹੋਣ ਤੋਂ ਬਾਅਦ ਇਨ੍ਹਾਂ ਨੂੰ ਨਹੀਂ ਹਟਾਇਆ ਗਿਆ।
ਇਸ ‘ਚ ਕਈ ਥਾਵਾਂ ‘ਤੇ ਸਟੇਸ਼ਨ ‘ਤੇ ਕੰਮ ਕਰ ਰਹੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦੀ ਲਾਪਰਵਾਹੀ ਵੀ ਦਿਖਾਈ ਦੇ ਰਹੀ ਹੈ ਅਤੇ ਮੇਮੂ ਟਰੇਨ ਨੂੰ ਪਲੇਟਫਾਰਮ ‘ਤੇ ਦੇਖੇ ਬਿਨਾਂ ਹੀ ਟ੍ਰੈਕ ‘ਤੇ ਉਤਾਰ ਦਿੱਤਾ ਗਿਆ। ਜਦੋਂ ਲੋਕੋ ਪਾਇਲਟ ਨੇ ਪਟੜੀ ‘ਤੇ ਲੱਕੜ ਦੇ ਟੁਕੜੇ ਦੇਖੇ ਤਾਂ ਉਹ ਹੈਰਾਨ ਰਹਿ ਗਿਆ ਅਤੇ ਐਮਰਜੈਂਸੀ ਬ੍ਰੇਕ ਲਗਾ ਕੇ ਰੇਲ ਗੱਡੀ ਨੂੰ ਰੋਕ ਦਿੱਤਾ।
ਪਾਇਲਟ (loco Pilot) ਨੇ ਵਾਕੀ-ਟਾਕੀ ਰਾਹੀਂ ਸਟੇਸ਼ਨ ਮੈਨੇਜਰ ਨੂੰ ਸੂਚਿਤ ਕੀਤਾ। ਇਸ ’ਤੇ ਸਟੇਸ਼ਨ ਦਾ ਸਟਾਫ਼ ਪਲੇਟਫਾਰਮ ਤਿੰਨ ’ਤੇ ਪਹੁੰਚ ਗਿਆ ਅਤੇ ਤੁਰੰਤ ਪਟੜੀ ’ਤੇ ਪਏ ਲੱਕੜ ਹਟਾਏ ਗਏ । ਲੋਕੋ ਪਾਇਲਟ ਦੀ ਚੌਕਸੀ ਕਾਰਨ ਰੇਲਗੱਡੀ ਪਟੜੀ ਤੋਂ ਉਤਰਨ ਤੋਂ ਬਚ ਗਈ ਅਤੇ ਵੱਡਾ ਹਾਦਸਾ ਹੋਣੋਂ ਟਲ ਗਿਆ।
ਸਟੇਸ਼ਨ ਮੈਨੇਜਰ ਨੇ ਇਸ ਮਾਮਲੇ ਸਬੰਧੀ ਆਰਪੀਐਫ ਸਮੇਤ ਉੱਚ ਅਧਿਕਾਰੀਆਂ ਨੂੰ ਸੂਚਿਤ ਕਰ ਦਿੱਤਾ ਹੈ। ਆਰਪੀਐਫ ਅਤੇ ਅਧਿਕਾਰੀਆਂ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਰੇਲਵੇ ਦੇ ਜੂਨੀਅਰ ਇੰਜਨੀਅਰ ਉਪੇਂਦਰ ਕੁਮਾਰ ਨੇ ਕਿਹਾ ਕਿ ਇਹ ਉਕਤ ਏਜੰਸੀ ਦੇ ਮੁਲਾਜ਼ਮਾਂ ਦੀ ਵੱਡੀ ਲਾਪ੍ਰਵਾਹੀ ਹੈ। ਉਨ੍ਹਾਂ ਕਿਹਾ ਕਿ ਕਾਰਜਕਾਰੀ ਏਜੰਸੀ ਕੇਪੀਟੀਐਲ ਖ਼ਿਲਾਫ਼ ਲਾਪਰਵਾਹੀ ਦਾ ਕੇਸ ਦਰਜ ਕੀਤਾ ਜਾ ਰਿਹਾ ਹੈ।