22 ਅਕਤੂਬਰ 2024: ਦੀਵਾਲੀ ਭਾਰਤ ਦਾ ਸਭ ਤੋਂ ਵੱਡਾ ਤਿਉਹਾਰ ਹੈ। ਇਸ ਤਿਉਹਾਰ ਦਾ ਹਰ ਇਕ ਬੇਸਬਰੀ ਨਾਲ ਇੰਤਜਾਰ ਕਰਦਾ ਹੈ, ਪਰ ਇਸ ਵਾਰ ਦੀਵਾਲੀ ਦੀਆਂ ਛੁੱਟੀਆਂ ਨੂੰ ਲੈ ਕੇ ਕੁਝ ਭੰਬਲਭੂਸਾ ਬਣਿਆ ਹੋਇਆ ਹੈ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਦੀਵਾਲੀ 31 ਅਕਤੂਬਰ ਨੂੰ ਮਨਾਈ ਜਾਵੇਗੀ, ਜਦੋਂ ਕਿ ਕਈਆਂ ਦਾ ਕਹਿਣਾ ਹੈ ਕਿ ਇਹ 1 ਨਵੰਬਰ ਨੂੰ ਮਨਾਈ ਜਾਵੇਗੀ। ਇਸ ਦੌਰਾਨ ਛੁੱਟੀਆਂ ਦੀਆਂ ਤਰੀਕਾਂ ਵਿੱਚ ਵੱਡਾ ਬਦਲਾਅ ਕੀਤਾ ਗਿਆ ਹੈ।
12 ਨਵੰਬਰ ਨੂੰ ਛੁੱਟੀ ਮਿਲੇਗੀ
ਭਿਲਾਈ ਦੇ ਕੁਲੈਕਟਰ, ਰਿਚਾ ਪ੍ਰਕਾਸ਼ ਚੌਧਰੀ ਨੇ ਪਹਿਲਾਂ ਐਲਾਨੀ ਗਈ ਸਥਾਨਕ ਛੁੱਟੀ ਵਿੱਚ ਬਦਲਾਅ ਕਰਦੇ ਹੋਏ 1 ਨਵੰਬਰ (ਗੋਵਰਧਨ ਪੂਜਾ) ਅਤੇ 12 ਨਵੰਬਰ (ਦੇਵਤਾਨੀ ਇਕਾਦਸ਼ੀ ਜਾਂ ਤੁਲਸੀ ਪੂਜਾ) ਨੂੰ ਸਥਾਨਕ ਛੁੱਟੀਆਂ ਵਜੋਂ ਘੋਸ਼ਿਤ ਕੀਤਾ ਹੈ। ਕੁਲੈਕਟਰ ਨੇ ਇਹ ਫੈਸਲਾ ਜਨਰਲ ਬੁੱਕ ਸਰਕੂਲਰ ਤਹਿਤ ਲਿਆ ਹੈ।
10 ਦਸੰਬਰ ਨੂੰ ਵੀ ਛੁੱਟੀ ਰਹੇਗੀ
ਬਿਲਾਸਪੁਰ ਦੇ ਕਲੈਕਟਰ ਅਵਨੀਸ਼ ਸ਼ਰਨ ਨੇ ਸ਼ਹੀਦ ਵੀਰ ਨਰਾਇਣ ਸਿੰਘ ਦੇ ਸ਼ਹੀਦੀ ਦਿਹਾੜੇ ‘ਤੇ 1 ਨਵੰਬਰ ਦੀ ਬਜਾਏ 10 ਦਸੰਬਰ ਨੂੰ ਸਥਾਨਕ ਛੁੱਟੀ ਦਾ ਐਲਾਨ ਕੀਤਾ ਹੈ। ਛੱਤੀਸਗੜ੍ਹ ਸਰਕਾਰ ਦੇ ਆਮ ਪ੍ਰਸ਼ਾਸਨ ਵਿਭਾਗ ਨੇ ਵੀ ਰਾਜ ਸਥਾਪਨਾ ਦਿਵਸ ਦੀ ਯਾਦ ਵਿੱਚ 1 ਨਵੰਬਰ ਨੂੰ ਛੁੱਟੀ ਦਾ ਐਲਾਨ ਕੀਤਾ ਹੈ, ਜਿਸ ਕਾਰਨ ਕਈ ਜ਼ਿਲ੍ਹਿਆਂ ਵਿੱਚ ਸਥਾਨਕ ਛੁੱਟੀਆਂ ਵਿੱਚ ਫੇਰਬਦਲ ਕਰਨਾ ਪਿਆ।
ਛੁੱਟੀ ਦਾ ਕਾਰਨ
ਕਲੈਕਟਰ ਨੇ 1 ਨਵੰਬਰ ਨੂੰ ਗੋਵਰਧਨ ਪੂਜਾ ਲਈ ਪਹਿਲਾਂ ਹੀ ਐਲਾਨੀ ਸਥਾਨਕ ਛੁੱਟੀ ਨੂੰ ਰੱਦ ਕਰ ਦਿੱਤਾ ਹੈ ਅਤੇ ਇਸ ਦੀ ਬਜਾਏ 12 ਨਵੰਬਰ ਅਤੇ 10 ਦਸੰਬਰ ਨੂੰ ਛੁੱਟੀ ਘੋਸ਼ਿਤ ਕਰ ਦਿੱਤੀ ਹੈ।
ਦੀਵਾਲੀ ਦਾ ਤਿਉਹਾਰ
ਦੀਵਾਲੀ ਦਾ ਇਹ ਤਿਉਹਾਰ 29 ਅਕਤੂਬਰ ਤੋਂ 2 ਨਵੰਬਰ ਤੱਕ ਮਨਾਇਆ ਜਾਵੇਗਾ, ਜਿਸ ਵਿੱਚ 29 ਅਕਤੂਬਰ ਨੂੰ ਧਨਤੇਰਸ, 30 ਅਕਤੂਬਰ ਨੂੰ ਨਰਕ ਚੌਦਸ, 31 ਅਕਤੂਬਰ ਨੂੰ ਦੀਵਾਲੀ ਜਾਂ ਲਕਸ਼ਮੀ ਪੂਜਾ, 1 ਨਵੰਬਰ ਨੂੰ ਗੋਵਰਧਨ ਪੂਜਾ ਅਤੇ 2 ਨਵੰਬਰ ਨੂੰ ਭਾਈ ਦੂਜ ਮਨਾਇਆ ਜਾਵੇਗਾ। ਸਕੂਲ ਸਿੱਖਿਆ ਵਿਭਾਗ ਨੇ ਦੀਵਾਲੀ ਮੌਕੇ 6 ਦਿਨ ਦੀ ਛੁੱਟੀ ਦਾ ਐਲਾਨ ਕੀਤਾ ਹੈ, ਜੋ 28 ਅਕਤੂਬਰ ਤੋਂ 2 ਨਵੰਬਰ ਤੱਕ ਚੱਲੇਗੀ।