ਚੰਡੀਗੜ੍ਹ 02 ਜਨਵਰੀ 2022: ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੁਆਰਾ ਸੰਸਦ ‘ਚ ਬਜਟ 2022 (Budget 2022) ਪੇਸ਼ ਕੀਤਾ ਗਿਆ |ਇਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਬਜਟ ‘ਚ ਹਰ ਵਰਗ ਦਾ ਦੀਆਂ ਰੱਖਿਆ ਗਿਆ ਹੈ| ਦੂੱਜੇ ਪਾਸੇ ਕਾਂਗਰਸ ਦੇ ਸੀਨੀਅਰ ਨੇਤਾ ਸਚਿਨ ਪਾਇਲਟ (Sachin Pilot) ਨੇ ਅੱਜ ਬਜਟ 2022 ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ। ਬਜਟ ਬਾਰੇ ਉਨ੍ਹਾਂ ਕਿਹਾ ਕਿ ਇਸ ਬਜਟ ਵਿੱਚ ਕੁਝ ਵੀ ਨਹੀਂ ਹੈ। ਆਮ ਆਦਮੀ ਲਈ ਕੋਈ ਐਲਾਨ ਨਹੀਂ ਕੀਤਾ ਗਿਆ। ਬਜਟ ਸਿਰਫ਼ ਆਮਦਨ ਅਤੇ ਖਰਚ ਦਾ ਲੇਖਾ ਨਹੀਂ ਹੁੰਦਾ। ਇਸ ਸਮੇਂ ਦੇਸ਼ ਵਿੱਚ ਤਿੰਨ ਮੁੱਦੇ ਅਹਿਮ ਹਨ। ਮਹਿੰਗਾਈ, ਬੇਰੁਜ਼ਗਾਰੀ ਅਤੇ ਕਿਸਾਨ। ਇਨ੍ਹਾਂ ਤਿੰਨਾਂ ਲਈ ਬਜਟ ਵਿੱਚ ਕੋਈ ਐਲਾਨ ਨਹੀਂ ਕੀਤਾ ਗਿਆ। ਸਰਕਾਰ ਦੀ ਕਹਿਣੀ ਤੇ ਕਰਨੀ ‘ਚ ਬਹੁਤ ਫਰਕ ਹੈ। ਸਰਕਾਰ ਨੇ ਮਨਰੇਗਾ ਵਰਗੀਆਂ ਸਕੀਮਾਂ ਦਾ ਬਜਟ ਵੀ ਘਟਾ ਦਿੱਤਾ ਹੈ। ਬਜਟ ਤੋਂ ਜਨਤਾ ਨੂੰ ਸਰਕਾਰ ਤੋਂ ਵੱਡੀਆਂ ਉਮੀਦਾਂ ਸਨ ਪਰ ਸਭ ਕੁਝ ਵਿਅਰਥ ਹੀ ਰਿਹਾ।
ਸਚਿਨ ਪਾਇਲਟ (Sachin Pilot) ਨੇ ਕਿਹਾ ਕਿ ਜੇਕਰ ਦੇਸ਼ ਦੀ ਜੀਡੀਪੀ ਦੀ ਤੁਲਨਾ ਕਰਨੀ ਹੈ ਤਾਂ ਚੀਨ ਦੀ ਅਰਥਵਿਵਸਥਾ ਨਾਲ ਕਰੋ, ਅੱਜ ਸਰਕਾਰ ਹਰ ਸੰਪਤੀ ਦਾ ਨਿੱਜੀਕਰਨ ਕਰ ਰਹੀ ਹੈ, ਜਿਸ ਦਾ ਫਾਇਦਾ ਕੁਝ ਲੋਕਾਂ ਨੂੰ ਹੀ ਮਿਲ ਰਿਹਾ ਹੈ। ਇਸ ਨਾਲ ਅਮੀਰ ਅਤੇ ਗਰੀਬ ਦਾ ਪਾੜਾ ਵਧਦਾ ਹੈ। ਇਸ ਦੌਰਾਨ ਚੋਣਾਂ ‘ਤੇ ਬਜਟ ਦੇ ਪ੍ਰਭਾਵ ਬਾਰੇ ਪਾਇਲਟ ਨੇ ਕਿਹਾ ਕਿ ਬਜਟ ਹੁਣ ਇਕ ਘਟਨਾ ਬਣ ਗਿਆ ਹੈ। ਦੋ ਘੰਟੇ ਭਾਸ਼ਣ ਹੁੰਦੇ ਹਨ, ਫਿਰ ਲੋਕ ਬੋਲਦੇ ਹਨ, ਉਸ ਤੋਂ ਬਾਅਦ ਸਭ ਕੁਝ ਖਤਮ ਹੋ ਜਾਂਦਾ ਹੈ। ਸਚਿਨ ਪਾਇਲਟ ਨੇ ਕਿਹਾ ਕਿ ਮੈਂ ਕਰਮ ਯੋਗੀ ਅਤੇ ਮਿਹਨਤੀ ਹਾਂ। ਮੈਂ ਆਪਣੇ ਭਵਿੱਖ ਅਤੇ ਟੀਚਿਆਂ ਬਾਰੇ ਜਾਣੂ ਹਾਂ। ਮੈਂ ਪਾਰਟੀ ਲਈ ਕੰਮ ਕਰ ਰਿਹਾ ਹਾਂ। ਮੈਨੂੰ ਉਮੀਦ ਹੈ ਕਿ ਲੋਕ ਸਾਨੂੰ ਦੁਬਾਰਾ ਜਿੱਤਣਗੇ। ਇਸ ਵਾਰ ਅਸੀਂ ਇੱਕ ਵਾਰ ਭਾਜਪਾ, ਇੱਕ ਵਾਰ ਕਾਂਗਰਸ ਦਾ ਰੁਟੀਨ ਤੋੜਾਂਗੇ।
ਇਸ ਦੇ ਨਾਲ ਹੀ ਯੂਪੀ ਚੋਣਾਂ ਨੂੰ ਲੈ ਕੇ ਸਚਿਨ ਪਾਇਲਟ ਨੇ ਕਿਹਾ ਕਿ ਯੂਪੀ ‘ਚ ਕਾਂਗਰਸ ਬਹੁਤ ਜ਼ੋਰਦਾਰ ਤਰੀਕੇ ਨਾਲ ਲੜ ਰਹੀ ਹੈ। ਯੂਪੀ ਵਿੱਚ ਮੁੱਦਿਆਂ ਨੂੰ ਮੋੜਿਆ ਜਾ ਰਿਹਾ ਹੈ। ਲਖੀਮਪੁਰ ਖੇੜੀ ਵਿੱਚ ਜੋ ਵੀ ਹੋਇਆ ਜਾਂ ਉਨਾਓ ਵਿੱਚ ਜੋ ਵੀ ਹੋਇਆ, ਪ੍ਰਿਅੰਕਾ ਗਾਂਧੀ ਨੇ ਆਪਣੀ ਆਵਾਜ਼ ਬੁਲੰਦ ਕੀਤੀ। ਇਸ ਦਾ ਫਾਇਦਾ ਸਾਨੂੰ ਚੋਣਾਂ ਵਿੱਚ ਜ਼ਰੂਰ ਮਿਲੇਗਾ ਅਤੇ ਕਾਂਗਰਸ ਦੀ ਵੋਟ ਸ਼ੇਅਰ ਵਧੇਗੀ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਨੂੰ ਬਜਟ ਵਿੱਚ ਕੋਈ ਰਾਹਤ ਨਹੀਂ ਮਿਲੀ ਹੈ। ਇਸ ਲਈ ਯੂਪੀ, ਪੰਜਾਬ ਸਮੇਤ ਸਾਰੇ ਚੋਣਾਵੀ ਰਾਜਾਂ ਵਿੱਚ ਭਾਜਪਾ ਦੀ ਹਾਰ ਯਕੀਨੀ ਹੈ। ਇਸ ਦਾ ਚੋਣਾਂ ‘ਤੇ ਕੋਈ ਅਸਰ ਨਹੀਂ ਪਵੇਗਾ।
